Sum people tink dem know everything
Sum a dem seh jus about anyting
But when yuh check it out a rubbish dem a chat
dem nuh no a ting!
One ting me know an if yuh wah tess it yuh can try
Me know seh Jesus Christ a fi mi!
An if yuh no believe check dah info yah!
A who God sen im one suffah? No mi?
A wah him name? Jesus Christ!
So wah dat seh? Jesus Christ a fi mi!
Him bawn in a manga wid cow hawse, donkey an sheep
Inspite a dis him a still fi me!
Thirty nine lick him tek inna him skin fi fi mi sin
Suh wah dat she? Jesus a fi mi!
Inna him 'an an foot nail dem put
Sword inna him side dem di push
But in spite a dis, him tink bout me
An tek it all fi tek weh me sin so wah dat seh? Jesus a fi mi!
Rise pna di tird day bad up satan
Tek weh di key dem fi det an hell
Bwoy wen mi tink bout it me big head swell
An mi heart seh him love mi fi true...
So me nuh need yuh, no pasta, no priess,
not even di pope fi fi mi sin plea.
So me bredda, mi sista, him ded fi yuh an fi mi
So mke him fi yuh God personally!
Cause dough him a fi mi
Him wah fi be everybaddy smaddy
So gi him a chance inna yuh lfe
Gi yuh hart to him
Den yuh can join wid me an se
Jesus a fi me!
YOU ARE READING
Poetry Sharon's style
PoetryAs the days go by and I meet on different circumstances sometimes I write poetry to express my feelings, my pain, loss and basically my emotional state regarding the incidents. This Book of Poetry are from my experiences and the fact that I have God...
