Hey you! Yes, a yuh me a talk to!
A wah? Yuh tink me mad?
Well mim muh really care right yah now
But a yuh mi wah talk to!
Si dung yah suh wid me
mek me ask you sinting
Yuh know bout on man name Jesus?
No? Wll mek me tell yuh bout him.
Over Two thousand years ago him cum pon di scene
Him bawn in manger to Joseph and Mary him queen
Him cum fi save di worle from sin and greed
Dat we can live wid him eternally if we only tek heed!
Plenty time Devil try fi kill im
Mek erod killa di yung pickney
But angel protect God pickney
An a suh him become a Nazarene.
Twelve year old pickney a preach to big dappa man
Poor Mary... har heart nearly fail har true fright,
Yuh she try fi scol im and fi lead him right
Jesus she,"inna fi fadda house it is meet,
Dat di wuk we him gi mi mi haffi dweet
Read Luke Chapeter 2 from verse 42 and yuh wi see it!
Yes man! Jeus ded pon di cross di place dem call Calvary
Him tek all di sins a di wrole to save wi soul from hell.
Satan check seh dis was di end
But Jesus di King tek whe all weh satan did have
Including di keys a deth an hell.
JEus prepare wah place fi im an him angels dem
An fi all who nuh believe in Jesus Christ, a place call hell
Yes mi fren! If yuh nuh fi him yuhmus be agenst him
So mek up yuh mine before it is too late
Cause di gate a go close an it naw open agen!
Who yuh be? Foolish or wise?
All it tek to be ready is to accept im
Gi yuh life to Jesus Christ den yuh can sing....
Praise God I'm free
Jesus love yuh bad jus gi him a chance
YOU ARE READING
Poetry Sharon's style
PoetryAs the days go by and I meet on different circumstances sometimes I write poetry to express my feelings, my pain, loss and basically my emotional state regarding the incidents. This Book of Poetry are from my experiences and the fact that I have God...
