ليش يادنيا؟.

part 1

عند هند
كانت قاعده ف غرفتها و فاتحه الاب توب وتكمل بروجكت الجامعه وهيه تشتغل تذكرت شي...
" من كنا صغار واهلنا كانو يقولون لنا هند ل راشد و راشد ل هند وكبرنا وحبيته صدق واتمناه يكون لي بس ماحسه يحبني لانه يمكن ماكان معطي اهميه للماضي؟ ودي اعترف له بحبي بس احس عيب انا بنت واروح اعترف له؟ اوكيه صح ولد عمي بس بعد منقود عندنا ، "تأففت" اووفف يعني بيلس حاطه ايدي ع خدي واترياه يعترف لي؟ انا لازم اتصرف وب....."
وفجأه قطع حبل افكارها دق ع الباب
هند: مننوو؟
لطيفه: اناا هنودي
هند: تعالي لولو حياج
دخلت اخت هند اللي اصغر منها وقعدت على السرير
لطيفه: شو تسوين بروحج هني
هند وهيه مبتسمه: ماشي اخلص مال الجامعه
لطيفه: اييوااه ، انزين شسمه ودري شوي البروجكت وتعالي بنيلس فالحديقه شوي ميود يا ويا حرمته
هند وهيه تنهي شغلها: تمام بس عطيني دقايق ببدل بجامتي وبي
لطيفه وهيه متوجهه للباب: تمام حبي نترياج

- تعريف الشخصيات-

هند|| بنت حبوبه وطيبه بس عقلها يوزن بلد ذكيه فرفوشه تحب المزح والمقالب محد من اخوانها سلم من مقالبها طويله طولها ١٦٩ اطول وحده من خواتها عمرها ٢٢.

لطيفه|| طيبه وحبوبه بس دفشه شوي عليها حركات بويات بس ساعات تكون قمه فالانوثه صديقه هند وكاتمه اسرارها الوحيده اللي تعرف عن حب هند ومشاركه هند ف مقالبها ومصايبها عمرها ١٩.

مايد|| اخوهم العود متزوج من بنت خاله ريم الله مارزقه بعيال طيب ويحب زوجته واعقل واحد من الاخوان عمره ٢٩ وريم ٢٦.

سيف|| جنتل طططييبب قلبه قاسي شوي بس عند الدموع يضعف نقطه ضعفه خواته واخوانه مايحب يشوفهم مكسورين وساعات تحسه غامض عمره ٢٧.

حمد|| اصغر واجمل اخو فرفوش واييد ودمه خفيف يحب يضحك ويستهبل مايحب يشوف حد حزين ودموعه نادر ماتشوفونها كشيخ يحب يكشخ وماله بسوالف المغازل مع ان ف سن المغازل عمره ٢٥.

مهره وميره|| التوأم دلوعين الماما والبابا ومحد يرد لهم طلب وخفيفين دم ويتشابهوون وايد محد يقدر يفرق بينهم من الاهل الا اخوانهم دايماً ف حالهم بس اجتماعيات عمرهم ١٧.

-نرجع للروايه-

وطلعت لطيفه وراحت هند بدلت ملابسها وغسلت ويهها عسب تصحصح وشلت فونها ونزلت تحت راحت الحديقه كانو اخوانها كلهم يالسين عدا امهم وابوهم طالعين كان في جلسه ع طرف وفيها كراسي وطاوله تكفي ل ١٢ شخص وكانو قاعدين كالتالي:
حمد - سيف - لطيفه - كرسي فاضي - مايد - ريم - مهره - ميره
راحت هند وسلمت ع مايد وزوجته وقعدت ع الكرسي الفاضي اللي بين لطيفه ومايد
حمد: هاا مصطفى زين طلعت من غرفتك
هند: جب جب كنت يالسه اخلص بروكجتي ، وبعدين محد بينفعني يوم بنقص "وعطته نظره"
مايد: ههههههههههههههههه خلها حمود شو تبا فيها
حمد: ياخ تقهر مهرو وميرو اللي اخر سنه ثنوي مادرسو جيه
ميره ومهره ف نفس الوقت: شفييهم ميره ومهره؟
حمد: بل بل مافيهم شيي فكوناا
سيف: محد قالك ارمس يبت الرمسه لعمرك
كلهم:هههههههههههههههههههههههههههههه
وفجأه........