ليش يادنيا؟.

part 3

طلعت ايمان من الحمام وراحت الغرفه اللي يشتركون فيها كلهم وتمت واقفه عند الباب متردده تدخل خذت نفس عميق ودقت الباب
ايمان: ندويه ادخل؟
ندى: ادخلي حبيبتي الباب مفتوح
دخلت ايمان وراحت عند ندى وحضنتها
ايمان وهيه حاضنه ندى: اسفه ندى والله مب قصدي ازعلج بس انتي تعرفين يعني
ندى بعدت عنها ومسكت ويهها: عادي حبيبتي وان شاءلله راح اعوضكم عن هذا كله قريب
ايمان: ان شاءلله
ندى: يالله خلينا نطلع لهم
وطلعو وكانو مبتسمين
فهد: هاا طاح الحطب
ايمان: طاح وانكسر بعد
وقعدو عن بعض وكملو سوالف وضحك

نروح عند شخصيه يديده
ف شقه كانت قاعده وهو قاعد عندها
نوف: ياربييه عطني حل ابا ابعد هند عن راشد
خالد: وانتي شدراج ان يحب هند؟
نوف: هه حبيبي م يطوفني شي اناا
خالد بقلبه "والله انها داهيه": واضح مايطوفج شيي
نوف: راششد حقي انا انا وبس مابخلي بنت عمه النسره تاخذه
خالد: الله يعينها الصراحه
طالعته نوف بعصبيه: ليش لله يعينها ماخذه حبيبي مني وبعد تقول الله يعينها
خاف خالد وقام يرقع: ااا لـ لا ماقصد جي اقصد ان الله يعينها عليج وع افكارج القويه
هدت نوف: هيييههه اتحرراا

-نتعرف عليهم-

نوف|| بنت خال راشد شريه وحقوده وكريه انسانه ماتنطاق حتى امها مب متحملتنها مغروره ع ولاشي تحب راشد وتبيه حقها وتدور خطط عشان تطير هند وتكون مكانها عمرها ٢٠.

خالد|| صديق نوف وكاتم مصايبها وساتر عليها نفس اطباع نوف بس يختلف ان قلبه شوي طيب ويحن عالناس عمره ٢٤.

-نرد للروايه-

بيت بومايد
تجمعو كلهم مره ثانيه وطلبو عشا لكن هالمره بوجود بومايد وام مايد وبو راشد وام راشد ضحك وسوالف ليين فجأه قاطعتهم هند
هند: احم ي جماعه نبي نقولكم شي
عليا: طبعاً الكلام موجه للكبار
لطيفه: من بابا لييين مرت عمي
قاطعتها ريم: وريلي معاهم
لطيفه: انجبي
مها: والباقين ماله داعي يفرضون رايهم "وهيه تطالع الشباب وتحرك حواجبها"
بو راشد: الله يستر انتو م تتحدون الا وتبون شي ولا مسوين مصيبه
بو مايد: هيه والله صدقت اخوي
هند: بابا وعمي خلونا نرمس انزين
ام مايد: ارمسو ارمسو شعندكم
ضحكت هند: مممم نبي نتسبح فالحوض "والتفتت لعمها" والبنات يبون يباتون عندنا
بومايد: بسس؟ وانا قلت الحين بتقولون بشيي شي
عليا: شفت عمي نحن ع نياتنا "وترمش"
بو راشد: واضح انكم ع نياتكم هههههههههههههههه
لطيفه: افف انزين لاتغيرون الموضوع ها شقلتو؟
بو مايد: ماعندي مانع انا شاورو عمكم
بو راشد: وانا عن نفسي راضي شاورو امهاتكم هههههههههه
ام مايد: انا موافقه
ام راشد: وانا بعد بس ماعندكم ملابس؟
هند بسرعه قالت: ماعليه عمو نتلابس نحن
وطوول هالنقاش الشباب ساكتين محد رمس احتراما للكبار ولا كانو تضاربو وياهم ههههههههههههههههههههههههههههه
هند وقفت: يلا شباب بلا مطرود نبي نجهز الحوض
ومسكت ايد حمد وايد سيف وقومتهم
لطيفه: يلا يلا فديتكم
قامو الشباب كلهم ماعدا راشد تم قاعد
لطيفه: راشد افندي مب ناوي تقوم؟ ولا تترا الرد كاربت؟
عليا بهمس محد سمعه الا هند لانه كانت يمها: لايتريا حبيبت القلب تقومه
قام راشد: اصلا يلستكم مب شي بروح ويا الشباب
لطيفه: لاا بلييز ايلس نباك
راشد وهو عاقد حوايبه: انتي ليش جيه شريه ليش مب طالعه هاديه ع اختج العوده؟ هاا؟
لطيفه متمعده لانه تعرف ان هند تحبه: مننوو هادي؟ هندو؟ شكلك ماعرفتها هاي ان مازعجت فاليوم م تصير هند
انحرجت هند وضربتها ع ظهرها
لطفه: احححح وجع مب ايد "التفتت لراشد": هااي هاديه الحين؟
مها: لطوف والله ان تميتي تسولفين معاه مابيطلع "دزت راشد" يلا يلا حبي اطلع
طلع راشد والكبار راحو داخل وراحو البنات يجهزون للمسبح ولبسو بيكيني ونزلو المسبح وخذو راحتهم لانه الشباب محد والشياب مابيطلعون ، كان المسبح ورا البيت وصراخ البنات واصل ل اخر البيت وتموو نص ساعه يلعبون فالماي وصريخ وحماس لييين فجأه.........