ع الساعه ١٢ قامو الشباب صلو الظهر وراحو يوعون البنات لانه اليوم اخر يوم وباجر كل حد بيرد بيته ف يبون يقضون وقت مع بعض مايبون طول الوقت رقاد ، بعد معاناه طويله قامو البنات غصب
هند: افف اليوم اخر يوم ويا بعض
عليا: هييه والله احس تعودنا عليكم
هند: لاتقطعونا انتو عاد تعالو كل مره
عليا: لاهالمره دوركم اتون عندنا وترقدو
هند: ان شاءلله فالويكند الياي لانه انا ببدى اداوم اسبوع الياي يعني اخر اسبوع ها
عليا: غريبه انتي ليش بتبدين ممن وقت؟ نحن بنبدى ويا المدارس
هند: جامعه ل جامعه تختلف
نزلو كلهم وقررو يطلعون يتغدون برع بما انه اخر يوم ، و كانو ريم ومايد راقدين عندهم والحين بيروحون البيت لانه مايد دوام وعن حمل ريم كلهم درو وامه وايد استانست لانه اول حفيد لها ، المهم لبسو وخلصو وركبو نفس السياره كلهم وكان نفس ترتيب المره اللي طافت بس هالمره سيف اللي يسوق وراشد يمه وكانت هند قاعده ورا راشد ، تجدمت هند وتساندت ع الكرسي ولفت جسمها شوي ورا عسب تسولف ويا عليا اللي يالسه يمها ، غمض راشد عينه وقال ب قلبه " يالله مجمل ريحه عطرها ، اخ بس متى متى بيي اليوم اللي تكون فيه حلالي وامسك ايدها واحضنها جدام الكل؟ اخخ بس انا مو مصبرني شي الا حمدان"
- وطبعاً منو حمدان؟ راح تعرف قريب ان شاءلله -
وصلو مردف وراحو قعدو ف مطعم وطلبو كانو قاعدين كالتالي
حمد - هند - عليا - لطيفه - مهره
ومجابلنهم سيف - راشد - مها - ميره
حمد: اقول..
كلهم: قوول
حمد: شرايكم اليوم نقضيه برع البيت؟ بما ان اخر يوم مع بعض؟
راشد: صح والله انا بعد كنت بقول
سيف: ماعندي مانع شاورو البنات
حمد: تستهبل انت؟ هاييل يفتون طلعه
هند: اوكيه بنقضي اليوم برع بس طول اليوم شو بنسوي؟ بس جيه نحوط فالمول؟
حمد: لا مثلا العصر تسوون شوبينق وعقب المغرب ندخل السينما
عليا: اوكيه مب مشكله بس عقب الغدا نبا نرد البيت ع الاكل نتعدا شوي لابسين عبي مال اي شي مب حابين حساب طلعه
سيف: هيه اكيد بنرد البيت شو بنسوي من الساعه ٣ هناك
اتفقو على كل شي ويابو الاكل وكلو وخلصو وردو البيت يريحون ويبدلون
- اعتذر جداً عن قصر البارت بس الفليل ان شاءلله بعوضكم -
أنت تقرأ
ليش يادنيا؟.
Randomالبدايه. . حبيت اشكر كل من شجعني على الكتابه والنشر وكل من دعا لي بالتوفيق ، وبنزل روايتي هني واول مره انشرها واتمنى القى تفاعل وشكراً❤️. - الدايركت مفتوح للكل📥. - اي سؤال اي اسفسار اي طلب انا حاظره❤️. - اتقبل "النقد الفني" فقط🚫.
