ليش يادنيا؟.

part 11

انصدمت هند محد يقول لها هنودتي الا هو "لالالااااااا مموو معققوولل هذا شكله غيير مستحيلل"
الريال: هييه هييه انا تعالي ههههههههههه
شقهت هند وركضت لحظه حضنته بالقو لدرجه رجع على ورا من قوه الحضنه وتمت تصيح وتشاهق وهو مبتسم وحاضننها دمعت عيونه عليها كيف مشتاقتله وهو كيف عذبهم
هند وهيه تصيح: لييش ليش قلت مابترجع ليش؟
الريال: هههههه حبي خلاص كنت ابا اسوي فيكم حركه
هند: سخييفه حركتك اخر مره تسوي جيه
الريال: هههههههه فديت روحج خلاص مابرد هناك بعد بقعدلج طول العمر
سحبها سيف من حضنه وهيه مارضت تمت ماسكتنه
الريال: خلها خلها سواف
سيف: مايصير حمدان انت راجع من السفر وتبا تروح ترتاح وها لازقه فيك
قامت هند من حضن حمدان وهيه تمسح دموعها والتفتت لسيف
هند: بلاك ناشب لي؟
لطيفه: من حقه اخوي ناشبه للريال ترا نحن بعد نبا نسلم
راحت ل حمدان وسلمت عليه وسلمو عليه كلهم وقعدو فالصاله وهند قعدت عنده وحطت راسها ع جتفه ومسكت ايده
هند: بتروح هناك؟
حمدان وهو مبتسم: هيه فديتج ماسلمت عليهم
هند: افف ماشبعنا منك انزين
حمدان: م عليج حبي بردلكم ان شاءلله وتراني هني فالبلاد ونفس المنطقه بعد تعالو
هند: ان شاءلله
قام حمدان بيروح الحمام ولحقته هند وراحو الميلس
حمدان: انا يتت هني عسب عرفت ان عندج رمسه قولي يلا
هند: كييف عرفت؟؟
حمدان: خبز ايدي اعرفج "وغمز لها"
ضحكت هند وتمت ساكته فتره تجدم حمدان صوبها ومسك ويهها
حمدان: ارمسي حبيبتي شو عندج؟
هند: مممم اعترف لي بحبه؟
انصدم حمدان: جذذااببهه؟؟؟
انحرجت هند: والله
حمدان: وانتي شو قلتي لهه؟ ليكون رفضتي؟
هند: لالا والله مارفضت "وسكتت"
ضحك حمدان وحضنها: والله كنت حاس بي هاليوم ، الله يجمعكم على خير يارب
هند بهمس: امين ي رب
حمدان: يلا حبي تعالي خل اسلم عليهم اخر مره واسير البيت بسلم وبريح وبيكم باجر ان شاءلله
هند بأبتسامه: ان شاءلله
وطلعو من الميلس وسلم عليهم حمدان وطلع راح بيتهم

وصل حمدان البيت ودق الجرس طلعت له الخدامه ودخلته الغبيه الصاله دخل وانتبهو له مها وعليا  اللي كانو قاعدين فالصاله قامت عليا بسرعه وغطت شعرها بشيله الصلاه اللي عندها
عليا: انت ماتستحي داخل علينا لا احم ولا دستور ترا البيت له اصحاب مب حي اللي تدخل من غير اذن
ضحك حمدان: خييببه علايا كلتييني مايسوى عليا
رفعت عليا راسها مستغربه كيف عرف اسمها شافت ويهه وانصدمت
عليا: ححـ ح حمداان؟؟؟
شقهت مها ونزلت دمعتها
نزلت دمعه حمدان: ي عيون حمدان انتي
صاحت عليا ف مكانها ماتحركت وقعدت على الغنفه تصيح
راح لها حمدان وحضنها وتم حاضننها وثنينتهم يصيحون يحبها مايقدر ، دخل راشد وشافهم راح بسرعه ومسك حمدان وبعده عن عليا
راشد بعصبيه: اا....... "وسكت يوم شاف ويهه"
مسح حمدان دموعه وابتسم: بتضرب اخوك العود وهو توه واد من السفر؟
راشد: ححمدداانننن "وحضنه هو بعد ودمعت عينه"
راشد وهو يصيح بخفه: تعرف شكثر تعذبت لما قلت مابترجع وتعرف كيف حياتي بدونك مب شي وتعرف كيف كنت اترياك اتي عشان تخطب لي حبيبتي
حمدان: شوي شوي علي ههههههههه
ابتعد عنه راشد ومسح دموعه وضحك
راشد: سخيف ليش تصيحني
حمدان: ههههههههههههه انت اللي صحت انا شو يخصني؟؟
رفع حمدان راسه لما سمع شهقتها
حمدان: مهاوي عيني
ركضت مها وحضنته وهيه تصيح: ي عيييون مها
حمدان: خلاص حبي لاتصيحين
مها بشهقه: تعرف اني ماعرف شكلك؟ تعرف اني ٦ سنوات ماشفتك كنت صغيره مالحقت عليك ماشفتني وانا اكبر ماشفتني "وصاحت زياده"
عوره قلبه حمدان وحضنها بالقو وتم يمسح على راسها وعليا وراشد يطالعونهم لانهم يعرفون كيف مها تعذبت بغياب اخوها اخر مره شافته كانت صغيره ماتتذكره عدل وقتها كانت سادس ابتدائي
وبعد اللقاء الحميمي والصياح يلسو ويو بو حمدان وام حمدان وماسامو عليه لانه عن يايبينه من المطار وقعدو مع بعض وراح يريح حمدان

مر الاسبوع عادي بدون احداث مهمه وبدو الجامعات يداومون وبعدهم ب اسبوع بيبدون المدارس وبدت هند تداوم هيه وعليا وكانت وايد متنشطه لهالأسبوع وتشتغل عدل وشاده عليها مع انها ذكيه ماشاءلله
يوم الثلاثاء الساعه ١ ونص هند واقفه برع تتريا السايق اي حقها وهيه متنرفزه من الشمس اللي ضاربه راسها ومتنرفزه من السايق اللي مايرد عليها
نوره ربيعت هند: متأكده هنود م تبين اوصلج؟
هند: هيه حبيبي خلاص روحي ماتم حد الا انتي الشله كلها راحت
نوره بعدم اقتناع: مادري مابا اخليج بروحج
هند: نورو يلا عاد مب ياهل انا سيري بتريا الدريول الحمار هذا
نوره بيأس: ان شاءلله ومن توصلين البيت دقي علي
هند: ان شاءلله
راحت نوره وتمت هند ومع كم بنت واقفين وياها
هند: اففف ياربيه يعني هالحمار يعرف ان يوم الثلاثاء دوامي قصير واطلع ١٢ وماقدر اتصل ف اخواني كلهم ف دواماتهم وامي ماترد افف يارربيييه شو الحل
تمت واقفه نص ساعه زياده وقررت تمشي شوي يمكن تلقى تاكسي ولا شي مشت شوي وتمت تمشي مال ٥ دقايق
ليين فجأه........

.