وصلو الشله البيت ودخلو البنات المطبخ يجهزون وبعد صلاه العشا بيبدون ، فالمطبخ
هند: اقولكم بنات
لفو كلهم صوبها
هند: احس الريال اللي تحرش فينا شكله مب غريب!
عليا: صح والله احس شايفتنه مكان
لطيفه: مادري والله نحن م شفناه ، بس صح تعالو كيف جيه صارت الضرابه؟
ضحكت هند وهيه تتذكر راشد: ماشي تم يرقمنا ويغازلنا لين الاخت "واشرت ع عليا" عصبت عليه وزاد
عليا: وياا روميو وانقذ جولييت
لطيفه وعليا يطالعون بعض ومبتسمين انتهبت لهم هند وضربت عليا
هند: وججعععع ان شاءلله
لطيفه وعليا: هههههههههههههههههههههههههههه
مها بأستغراب: شو السالفه فهمونا ليش تضحكون؟
هند: ماشي ماشي
ولفت تكمل شغلها ، خلصو البنات التجهيزات واذن العشا وراحو يصلون من خلصو صلاه دخلو المطبخ وابتدو طبخ وكل وحده تتفنن
بعد ساعه خلصو وراحو فوق بدلو ونزلو فرشو الاكل عالطاوله وتيمعو ياكلون
سيف: هالسندويشات منو مسونها؟
عليا: انا لييش؟ مب حلوه؟؟
ابتسم سيف: بالعكسس لذيذذذه شكلي بخلص الصحن كله
استحت عليا: عليك بالعافيه ولد عمي
راشد كان ياكل ويطالع هند وهيه منحرجه ماتعرف تاكل وكان يالسه مجابلتنه مدت ريلها مب تحت الطاوله ورفسته
راشد: اخخ "غص فاللقمه وتم يكح ويضحك" ككح كح هههههههه
مد له حمد ماي: صحه صحه شوي شوي الاكل مابيطير
مها: اول مره اشوف حد غاص ويضحك!
راشد: لا بس تذكرت شي هههههههه
لطيفه: وماتذكرته الا الحين
عليا غمزت لطيفه وضحكو
راشد: هاا ليش تضحكون؟
عليا: تذكرنا ششي هههههههههههههههههه
وهند منححرجه وشوي وتدخل فالصحن من الاحراج
قامت هند: الحمدلله
مايد: وين حبيبي ماكلتي شي؟
هند: لا فديتك شبعت
سيف: وين شبعتي وفالسياره ذابحتنا يوعانه ويوعانه يلسي كملي
يلست هند وحست عليا بأحراجها وقالت
عليا: هنودد بدلي وياي المكان هني واييد برد المكيف يضرب
هند تباها من الله: اوكيه يلا
وقامو وغيرو مكانهم يلست هند مجابله لطيفه كان ترتيبهم عالطاوله كالتالي:
ع راس الطاوله مايد وع يمينه ريم وع يساره سيف ويم سيف راشد ومجابلتنه هند ويم راشد حمد ومجابلتنه مها ويم حمد لطيفه ومجابلتها عليا ومهره ع راس الطاوله الصوب الثاني وميره يابو لها كرسي زياده يم لطيفه
تعشو وخلصو
مايد وهو يقوم من عالسفره: اكرمكم الله بنات
سيف: تسلم ايدكم لذيذ الاكل
راشد: ان شاءلله دوم مدلعينه
حمد: ماضن والله
عطت هند حمد نظره: ماتاكل السويت انته
حمد: مب انتي مسوتنه خواتي التوأم مسوينه صح بتعطوني؟
مهره وميره: لاااءء
حمد: وييعهه
ميره: نحن ويا اختنا العوده
مهره: حزب البنات
راشد: انصحك تسحب عمرك من السالفه لانهم بياكلونك
وراحو غسلو وقعدو فالصاله ويابو السويت وكلو وخلصو
لطيفه: شرايكمم نلعب؟
حمد: شو؟؟
لطيفه: جرأه وصراحه
سيف: ممم اوكيهه
يابو غرشه زجاج وحطوها فالنص ولفوهاا وطلع على سيف اللي يسأل وعليا اللي تجاوب
سيف: جرأه ولا صراحه؟
عليا: صراحه
سيف: مممم موقف صارلج محرج؟
سكتت عليا والبنات ضحكو عليها
سيف بأستغراب: عفواً خواتي ليش تضحكون؟
هند بضحكه: ماشي يلا عليو جاوبي
ضربتها عليا وقالت: ممم صارلي موقف مره ف دبي مول عند السينما ادور الاخ راشد ودعمت واحد وكنت بطيح ع الارض بس
طحت عليه
كلهم: حررااممم هههههههههههههههههههههههههههههههههههههه
راشد: انتي ماتنسين؟ هههههههههههههههههههههههههه
عليا: افف كييف تباني انسى
وحركه الغرشه مره ثانيه وطلعت حمد يسأل هند
هند: الله ييستترررر
حمد: جرأه ولا صراحه؟
هند: مممم جرأه
حمد: الله يعنيج ههههههههههههه
هند: ويعه اختك انا شوي شوي علي
حمد: ممممممم اتحداج تقولين كم قميص لبستي يوم رحنا كويت؟ ههههههههههههههههههههههه
هند ضربته ع ظهره بقو: ويعه ويعه ماتسنى انتت
حمد: نونو يلا قوللييييي
سيف بضحكه: حرام عليكك
حمد: ماقلت حرام وانت تسأل هالمسكينه "واشر ع عليا" هندو يلاا
هند: لبست ٤ قمصان وجاكيت وبعد برد "وغمضت عيونها"
كلهم فتحو عيونهم من الصدمه
مها: يالظااااللممعهه ٤؟؟ انا يوم سرت سويسرا مالبست ٤
راشد: بس لبستي ٦ هههههههههههههههههههههه
مها: جبب ها يوم كنت مريضضه
كلهم: ههههههههههههههههههههههه
ولفوها مره ثانيه وطلع مهره تسأل ريم
مهره تضحك بشر: هاهااههااا من متى ف بالي هالسؤال
ريم: اففف الله يعيينييي
مهره بضحكه: قولي لي شو صار اول ليله بينج وبين اخوي؟
قامت ريم: اووفف مابلعب
ضحكو كلهم عليها ومسكها مايد ويلسها
مهره: والله امزح تعالي هههههههههههههههه
مايد: مهرو بضربج اسألي عدل
مهره: تحبين ميود؟
ريم: يعني بالله هذا يباله سؤال؟
مسكها مايد اونه بيقوم: عن اذنكم ي جماعه
كلهم: ههههههههههههههههههههههههههههههههههههههههههههههه
حمد: يلسو يلسو لاحقيينن ههههههههههههههههههههه
وكملو لعب ليين الساعه ١٠ ونص قامو البنات عشان يجهزون سهرتهم وتمو الشباب تحت وقالو لهم لا ايون فوق واذا بيون يتصلون قبل لانهم مابيلبسون شيل وحطو مخدات وفراش لانهم مطولين ويابو الماچله اللي شروها وشغلو الفلم وبدو يطالعون ، شافو الخمس اجزاء من الفلم وخلصو الساعه وخلصو الخممس اجزاء ف يوم واحد وكانت الساعه ٤ وقامو وكلهم متكسرين من اليلسه
هند وهيه تتمدد: يالله تععببنناا
عليا وهيه تحرك ايدها: ايدي تشنجت ههههههه
راحو تحت شافو الشباب يلعبون اونو ويوم شافوهم يو
حمد: لاتقولونن ماخللصصتوو؟؟
هند بضحكه: لالا خلصناا قومو يلا
نقز سيف وراح فوق: واخييراً برقد
هند: لحظه سواف بيأذن الفجر بعد ٥ دقايق اترياا
نزل سيف: اوكيه
اذن الفجر وصلو ونامو على طول من التعب
.
أنت تقرأ
ليش يادنيا؟.
عشوائيالبدايه. . حبيت اشكر كل من شجعني على الكتابه والنشر وكل من دعا لي بالتوفيق ، وبنزل روايتي هني واول مره انشرها واتمنى القى تفاعل وشكراً❤️. - الدايركت مفتوح للكل📥. - اي سؤال اي اسفسار اي طلب انا حاظره❤️. - اتقبل "النقد الفني" فقط🚫.
