في اليوم الثاني
تمو البنات نايمين لين الساعه ٢ الظهر ، عند غرفه هند تمو يسمعون دق ع الباب وازعاج وصريخ
هند بانزعاج: ببسسس خلاصص قمناا روحو
حمد: مااشيي لين م تفتحون الباب بنروح
صحت عليا ع الازعاج وهيه تشوف هند تقوم وتتجه للباب وفتحته بالقو
هند: خييرر شعندك من صباح الله خير
حمد دق راسها عالخفيف: اي صباح انتي اي الساعه ٢ الظهر
هند: وييعننيي خلاص تدري البارحه سهرانين نحن
راشد: لا صلاه ولا عباده
التفتت له هند وتمت تطالعه وعقب ثواني بسيطه استوعبت انها مب لابسه شيلتها وف بجامتها وكشتها سكرت الباب بالقو ضحكو عليها حمد وراشد وصرخت هند عن الباب: خلااصص روحو قمنا
واتجهو المزعجين لغرفه لطيفه ومها وسوو نفس الشي لين م طلعت لهم لطيفه بس ما استحت من راشد وهي طالعه له بكشتها
لطيفه: وييععههه خلااصصصص قممنناااا
سيف وهو طالع من غرفته: هيه لاصلاه ولا عباده قومو يلاا
وراشد كان لاف الصوب الثاني بما ان شاف لطيفه ما استحت ع ويهها ، سكرت الباب ف وييهم وراح لمها وانسدحت ع ريولها
مها وهيه تلعب ف شعرها: قومي يلا ماسمعتيهم شو قالو
لطيفه بأنزعاج: اففف ابا اكمل رقادي
مها قومتها: الساعه ٢ يلا قومي صلي الظهر
قامت لطيفه متوجهه للحمام "عزكم الله": ان شاءلله
راحو راشد وحمد للتوأم لقوهم واعين من زمان وعقبها نزلو تحت عن ام مايد وبو مايد
حمد وهو يبوس راسهم: مسا الخير ع الحلوين
ام مايد: شعندك ههههههههه
حمد: محد يتغزل ف حد في هالبيت استغفرالله
وراح يلس يم راشد
ام مايد: ها حبيبي راشد عسى ارتحت فالنومه ما ازعجوكم عيالي
ابتسم راشد: هههه لا فديتج عمو محد ازعجني
دخل سيف: البيت بيته امي بعد ماله داعي سوالف الرسميات
حمد: هيه والله اللي يمسع اول مره يرقد عندنا
راشد: بل بلل شفيكم علي خلوها تدلعني
دخلت هند: السلام عليكم
الكل: وعليكم السلام
يلست هند عند امها وحطت راسها ع جتفها
سيف: دلوعه الماما
لفت له هند ورفعت حواجبها: تغار اخوي؟
سيف: اغار منج انتي
بو مايد: سيفو خل اختك ف حالها هاي دلعوتي
هند: فديت روحك بابا
حمد رفع ايده اونه يدعي: لناا الله
التفتت لأمهت هند: ماما ماشي ريوق؟
حمد: الساعه ٢ الظهر ابا ريوق صاحيه انتي؟
هند: عيل تباني اضرب عيش الحين؟
سكت حمد لانه كلامها صح
ضحك راشد: هههههههههههههههه محد قالك اتيب الرمسه لعمرك
ابتسمت هند بخفه عشان محد ينتبه لها وقالت بقلبها "فديت الضحكه"
حمد: جب جب
ام مايد: ماشي امي بس اذا تبون بخلي البشكاره تسوي لكم خفايف
هند: اوكيه حياتي بس خل ايون البنات
بو مايد: ليش وينهم؟
هند: يتغسلون بابا الحين بيون
شوي ونزلو البنات وسلمو وقعدو وشوي وراحو ياكلون
بومايد: سواف
سيف: امر ابويه؟
بومايد: مايامر عليك عدو ، اليوم انا وامك وعمك ومرته بنسير بوظبي دير بالك ع خواتك وع بنات عمك "والتفت لراشد" وانت خلكم هني لاتروحون البيت محد عندكم خلكم هاليومين عندهم
راشد بفرحه داخليه: من عيوني عمي
بومايد: تسلم عيونك
حمد: ابويه ليش بتروحون بوظبي
بومايد: فحوصات عمك طلعت وقلنا بنسير رباعه بنقعد ف فندق ومنها تتيمعون انتو من زمان مب شايفين بعض
حمد: ايوااه
في شقه ثانيه عند مايد وزوجته كانت ريم قاعده تنظف الصاله ومايد فالغرفه فجأه حست بألم ف ظهرها وصرخت طلع لها مايد بسرعه وراح عندها
مايد: شفيج حبي؟
ريم بألم: ماشي بس حسيت شوي بألم برتاح وبيخف
مايد: لالا قومي بوديج المستشفى
ريم: ماله داعي حبي برتاح شوي وبيخف اصلا ها من كثر م اشتغل ومنزله ظهري
مايد: خلاص حبيبي ارتاحي وانا بييب لج خدامه
ابتسمت له ريم وراحت الغرفه ترتاح
وبعد نص ساعه زاد الألم عند ريم وماقدرت تتحمل وخذاها مايد المستشفى وسوت فحوصات وتمو يتريون برع بقلق ومايد رايح وياي يحتاي
ريم قاعده: خلاص ميود تعال ايلس مافي شي ان شاءلله
يلس مايد ومسك ايدها وابتسمت له ريم
طلعت النيرس: ريم احمد ال.......
ريم: انا
النيرس: تعالي اخذي الفحوصات
راحو داخل ويلسو
مايد: ها دكتوره بشري؟
الدكتوره: مبروك المدام حامل
ريم بصدمه: هااا كيفف؟؟
غمزت لها الدكتوره: انتي تعرفين كيف
انحرجت ريم وضحك مايد وهو مييت وناسه
وطلعو من عند الدكتوره وركبو السياره وصاحت ريم
مسك مايد ايدها بخوف: شو فييج حياتي؟؟ ليش تصيحين؟
ضحكت ريم وسط دموعها: مستانسه وايد تعرف كم سنه وانا اتريا هالخبره "وردت صاحت"
حضنها مايد: هههه فديت روحج والله تعالي نروح نشبر قوم امي وامج
وراحو لبيت بو مايد
أنت تقرأ
ليش يادنيا؟.
Randomالبدايه. . حبيت اشكر كل من شجعني على الكتابه والنشر وكل من دعا لي بالتوفيق ، وبنزل روايتي هني واول مره انشرها واتمنى القى تفاعل وشكراً❤️. - الدايركت مفتوح للكل📥. - اي سؤال اي اسفسار اي طلب انا حاظره❤️. - اتقبل "النقد الفني" فقط🚫.
