ليش يادنيا؟.

part 14

وصلو المستشفى حمدان وسيف وراحو عند الاستقبال بسرعه يسألون وقالو لهم مكان الغرفه وراحو شافو الشرطه واقفين عند الباب
حمدان: شو صاير؟؟ شفيه اخوي
لف له الشرطي: تعال معاي نتفاهم
سيف: انزين لحظه منو البنت اللي معاه؟
الشرطي: ماقدرنا نعرفها لانه ماحصلنا معاها لا تلفون ولا بطاقه ولا شي ف اذا تبون تشوفونها واحد منكم يدخل
سيف بسرعه: انا بدخل
راح سيف مع الشرطي ودخله عند هند اتجه لها سيف وشافها
سيف بصدمه: هه ه هنودد!!!
وشاف ويهها المليان جروح نزلت دمعته وصاح على طول ماتحمل يشوف اخته دلعوته بهالمنظر قعد ع الارض وحط راسه ع السرير وتم يصييح ويشاهق انتبه له الشرطي وعرف انها حد من اهله وراح يسحبه ويحاول يقومه
سيف بصراخ: هدددننييي هذي اختتي اختي كييف كيف هني طايحه كيف جيه صار لها وينكم عنهااا وين......
وماكمل كلامه الا وطاح بين يدين الشرطي مغمي عليه شلوه وحطوه ف غرفه ثانيه وتم نايم طلع الشرطي ل حمدان
الشرطي: الظاهر ان البنت اخت هذا الريال
حمدان انصدم: ششو؟؟ اخته؟
الشرطي بأستغراب: هيه سمعته يقول اختي
حمدان بصدمه: ب بروح عندها خلني ادخل عندها الله يخليكك هذي اختيي بعد والله انها اختي
الشرطي: ممنوع تدخل عندها هيه فالعنايه
حمدان بصراخ اكثر: اقولك اختي كيفف ماتباني ادخل عندهاا؟؟ "هدا شوي" الله يخليك خلني ادخل بس بتطمن عليها بس بشوفها
الشرطي كسر خاطره حمدان وخلاه يدخل
حمدان وهو ماسك ايدها ودموعه تنزل: اسف حبيبتي وعدتج احميج وماخلي حد يلمسج بس شكلي ماقدرت اوفي بوعدي
وتم يصيح وعقب طلع وراح يتطمن على اخوه اللي قالوه له اصابته خفيفه ، الشرطه شرحت الموضوع كله من البدايه ل حمدان وحمدان انصدم من بنت خاله كيف تسوي جيه وراح عقبها عند سيف يتطمن عليه وقاله الموضوع وانصدم سيف بس هداه حمدان وقاله لازم مايضعف جدام اهله اللي وصلهم الخبر مثل القنبله عليهم والحين يايين المستشفى
- بسرع الاحداث-
وصلو اهل هند وراشد المستشفى وانتشر الخبر بسرعه بينهم كان الكل منهار وخايف على هند اما راشد ف كانت اصابته سطحيه ف جتفه اليسار وبعد ٥ ساعات قامت هند وكانت هاديه ماترمس والكل كان يحاول يخفف عنها ويغير مودها ومحد فتح معاها الموضوع لين م اندق الباب لبسو البنات والحريم شيلهم
بو مايد: تفضل
دخل الشرطي: السلام عليكم
الكل: وعليكم السلام
الشرطي: لو سمحتو ممكن تتفضلون برع بما انز البنت قامت بسلامه نبا ناخذ افادتها
قام بومايد: ان شاءلله ، يلا ي جماعه
قامو كلهم يتريونها برع
بومايد: بنات يلا حبايبي ماله داعي وجودكم هني تطمنتو عليها ويلا ع البيت
لطيفه: انتو ارجعو انا بتم عند اختي
بو راشد: يلا لطوف لاتعاندين ابوج وسيرو كلكم البيت اختج مافيها شي
لطيفه برجا: بابا الله يخليك خلني اتم عندها
بومايد: لافديتج ردي البيت بدلو وريحو وباجر بييكم شوفي الساعه بتصير ١٢ الحين وباجر وراكم دوامات
مهره: بابا لايكون تتوقع بنداوم باجر ونحن جيه وضعنا؟
بو راشد: خلاص سلطان خلهم والحين واحد من الشباب بيردهم البيت وكلكم تعالو عندنا
دمعت عين لطيفه وراحت وراهم وركبو السياره مع حمد وراحو بيت بو راشد وصلو كلهم وراحو الغرف يبدلون وينامون
اول م وصلت لطيفه بدلت وحطت راسها بتنام هيه وعليا اما البنات تمو يسولفون شوي وعقب نامو

.