رجع خالد الي المنزل وكان يفكر ف ساره كثيرا...
خالد:- انا ليه بفكر ف ساره كده وانا ي دووب عرفتها الليله... م لازم افكر فيها لكن اعمل شنو .. هي فيها حاجه كدا جاذباني ليها حاسي اني عايز اعرفها اكتر لكن كييييف؟؟
تسآل خالد كثيرا وتحدث مع نفسه و لكن م زال يفكر ف ساره... اما ساره فقضت ليلتها تفكر ف حسام و ف هذا اللقاء الجميل الذي حصل بينهما فهي كانت تحب حسام الي ابعد الحدود ....
بينما ريان كانت جالسه ف غرفتها فطرق احدهم الباب ...
ريان:- منو
خالد:-انا خالد
ريان:- اتفضل.. ومالك الليله عايز شنو زي الوقت دا وغريبه تدق الباب قبل تدخل...
خالد:- لالا بس لي زمن م اتونست معاك واشتقت للونسه معاك قلت اجي اتونس مع اختي حبيبتي...
ريان:- سبحان الله لالا صدقني انت عيان ...
خالد:- بالجد عايز اتونس معاك
ريان:- خلاص تعال اقعد...
كات خالد يريد ان يعرف الكثير عن ساره ولكنه لم يعرف كيف يفتح الموضوع مع اخته لذلك سالها اسئله كثيره قبل ان يسالها عن ساره ...
خالد:-اها بالجد انتي م حصل حكيتي لي عن صحباتك...
ريان:- انا صحباتي كتاار ف الجامعه.. بس اقرب لي وحده ساره حبيبتي
خالد:- غريبه تكون صحبتك المقربه وانتو م بتتشابهو
ريان:- فعلا م بنتشابه بس هي طيبه شدييد وعفويه م زي باقي البنات الحاسدات...
خالد:- اها تمام وهي وحيده ولا شنو...
ريان:- عندها اخوها وااحد اصغر منها بي كتير..
خالد :-ربنا يحفظهم...
ريان:- انت مهتمي بيها ولا انا بتهي لي؟؟
خالد:- لالا بس مهتم بيكي انتي عشان صحوبيه الجامعه مضره ... كنت عايز اتاكد من صحوبيتك..
ريان:- لالا اطمن من الناحيه دي
خالد:- اطمنت شدييد
ريان:- طيب ي اخوي انا ماشه اشوف امي م لاقيتها الليله كانت عند ناس خالتي من الصباح....
خالد:- تمام
خرجت ريان ونسيت هاتفها ف السرير..
وقبل ان يخرج خالد لاحظ الي هاتفها في السريير فخطرت له فكرة وهو ان ياخذ رقمساره فاسرع واخذه وقبل ان يذهب رن الهاتف فاخذهليرس من المتصل فانزعج عندما راي الاسم ولكنه لم يرد فاخذ الهاتف وانتظر ريان حتي رجعت الي غرفتها...
ريان:- انت لسه هنا
خالد:-اي تلفونك رن اسي..
ريان:-منو؟
خالد:- تعالي شوفي براك...
ريان:- وعندما قرات ريان الاسم تفاجأت لان المتصل كان حسام...
خالد:- ممكن اعرف حسام ده منو البتصل ف مواعيد زي دي؟؟
ريان:- اممم ده حبيب ساره
انصدم خالد عندما عرف ان ساره تحب شخصا اخر فانزعج رغم عدم معرفته بالسبب...
خالد:- وليه بتصل عليك طيب ومسجلا رقمو ليه
ريان:- والله الرقم سجلتو يوم ساره واتصلت مني .. لكن م عارفه هو متصل لي شنو.. ثم انا اي حاجه بجي اوريك ليها اكيد م حأخبي عليك..
خالد:- خلاص قولي ليه م يتصل عليك تاني وخاصه ف المواعيد دي..
ريان :- خلاض حاضر ي ابو الخلد. انت مالك غضبان كدا ...
خالد:- انسي.. يلا انا ماشي
ذهب خالد الي غرفته وكانت الغيره تشتعل بداخله.... لم يعرف لماذا احس بهذا الاحساس وهل هو تعلق بساره لهذه الدرجه ام انها مجرد احاسيس عابره
ولكنه رغم اكتشاف ان ساره تحب الا انه م زال مصر ان يعرف عن ساره اكثر واذا لم يكن كحب فكصداقه... وبينما هو يفكر دخلت عليه ريان ودمعتها في عيونها جلست بالقرب منه واصبحت تبكي... كانت ريان حساسه جدا وقريبه من اخيها جدا فمنذ كانت صغيره كانت تلجأ ليه في كل مشاكلها فكان صديقا لها قبل ان يكون اخا...
يا تري لماذا تبكي ريان؟،
وماذا سيفعل خالد؟؟
يتبع....
