ايمان:- انت جاادي ف كلامك دا🙄
خالد:- اي طبعا جاادي
ايمان:- طيب وساره
خالد:- ساره خلاص ماضي بالنسبه لي وعايزك تكوني الحاضر انتي.. اها موافقه
ايماان:- اكييد انت م بتترفض ي ود الخاله😍
و ف هذا الوقت دخلت ريان وقطعت كلامهما..
ريان:- ايمان ممكن تخلينا برانا...
ايمان:- اوكي...
طلعت ايمان من الغرفه وبدأت ريان التحدث مع خالد
ريان:- خالد دا شنو الكلام الانت بتقولو لي ايمان وانحنا م اتفقنا ع كدا وانت شكلك لسه م صحصحت زي الناس..م واعي للبتقول فيه
خالد:- انا فكرت كتير ي ريان ودا احسن قرار و م عايز التناقش فيه..
ريان؛- لكن انت م عارف ان ساره.. قبل ان تتم كلامها قاطعها خالد
خالد:- ريااان عليييك الله لو بتعزيييني م عايز اتكلم ف الموضوع دا لان انا تعبت ياخ ولو عايزه راحتي م تتكلمي فيهو كتير
ريان:- وانا عاايزه راحتك وبعزك عشان كدا لااازم اقول ليييك....
خالد:- لا م عايز اعرف خلاص ي ريان اقفلي الموضوع ...
تزكرت ريان ان خالد خارج من عمليات ولا يمكنها الضغط عليه لذلك سكتت وتألمت كثيرا مما يحدث امامها وكيف انقلبت هذه القصه وكيف لخالد ان يتراجع عن حب ساره بعد ان علمت ساره انها تحب خالد لا غير...
لكن ريان لم تعرف ماذا تفعل وخالد لا يريد ان يسمعها...و م خوفها اكثر استعجال خالد باخذ قراره فكان يريد ان يخطب ايمان...
قضي خالد بعض الايام ف المستشفي و ف هذه الايام لم ير خالد ساره ابدا تزوره.. لانه لا يعلم ان ساره كانت تاتي يوميا ولكنها لا تدخل اليه بل تكتفي بالحديث مع ريان للاطمئنان عليه لانها لا تستطيع تحمل رؤيه ايمان معه... اما ايمان فكانت تزيد اهتماما وتعلقا بخالد مما اكد لخالد مدي صحة قراره...
مضت هذه الايام وتحسن خالد وتقدم الي ايمان فقد صرح لعائلته بهذا الخبر منذ تواجده في المشفي مما ترك ريان عاجزه عن التصرف ... تمت الخطبه وفرحت العائلتين بهذا الارتباط الا ريان كانت حزينه.. اما خالد فكان يدس حزنه بداخله ..اما ساره فقد زاد المها وهي تري ان خالد يبعد كل مره عنها... ويرتبط بامراءة اخري غيرها... لم تعرف ماذا تفعل وهي تعلم ان خالد لا يحبها وكيف ستخرج نفسها من هذا الحزن ..
لم تتحمل ريان م بيحصل.. ولم تتحمل رؤيه الالم الذي تراه في عيني صديقتها والتدهور الدراسي الذي حصل لها لذلك جلست وتحدثت معها....
ريان:- ساره انا عايزه اتكلم معاك ف موضوع..
ساره:- ايوه اتكلمي انا سامعاك...
ريان:- انا حاسالك وانتي جاوبيني بي صراحه..
ساره:- اوكي اسالي
ريان:- انتي بتحبي خالد
ساره:-شنو..م وقتو السؤال دا ي ريان
ريان:- لا وقتو.. انتي جاوبي
ساره:- الجواب لا حيزيد لا حينقص ي ريان وخالد اسي خاطب ايمان يعني م حافرق معاه كتير...
ريان:- انتي جاااوبيني بس
ساره:- ااي بحبببو ياخ وشديد بس حيفرق ف شنو غير حيزيد المي
ريان:- حيفررق ي ساره وكتييير لان خالد كمان بحبك..
ساره:- كيف يعني بحبني
ريان:- ااي بحبك ومن زمااان وكان داسي عليك الموضوع
ساره:- بس اسي هو خاطب ايمان كيف يكون بحبني ...
ريان:- الحاجه الانتي م عارفاها ان خالد كان بكذب عليك ف موضوع ايمان و م كانت حبيبتو كان دايرك تغيري عليهو ... بس الموضوع قلب جد لمن حسي انك م حتتخلي عن حسام... وهو للان قايلك مع حسام...
ماذا ستفعل ساره بعد ان علمت ان خالد يحبها؟؟
هل ستقف وتتفرج ام ستتدخل ف الموضوع؟؟
يتبع...
