استيقظت ساره مبكرا وساعدت امها في ترتيب المنزل وكانت تحصر نفسها لهذا اليوم وعندما هي في غرفتها اتصلت عليها ريان...
ريان:- ساره حبيبتي كيفك الليله؟
ساره:-والله تماام الحمدلله.. وانتي كيفك؟
ريان :- تماام.. اها جاياني متين انا مستنياك...
ساره:- انا اسي قعد البس..
ريان:- طيب خلاص وانا حارسل ليك السواق عشان يجيبك...
ساره:- لالا سواق شنو م في داعي بجي براي....
ريان:- لالا حارسلو ليك وزاتو عشان تصليني بدري...
ساره:- خلاص تمام طيب ..
ريان:- خلاص باي
ساره:-باي..
حضرت ساره نفسها وكالعاده لم تهتم بنفسها كثيرا رغم انها كانت ذاهبه ايضا لتقابل حسام للمره الاولي ...
اما ريان فكانت تبحث عن السوااق لكنها لم تجده وكانت واقفه تكلم نفسها في حديقة المنزل...
ريان:- اسي م لقيت لي اي سواق الحيمشي يجيب ساره منو ؟؟🤔 وبينما هي تفكر وقعت عينيها علي خالد...
ريان:- خلوووودي😍
خالد:-خيير ... الدلع ده ما ساي انجزي عايزه شنو😒
ريان:- والله عندي صحبتي جاياني الليله وقلت ليها حارسل ليك السواق بس م لقيتو...
خالد:- طيب وانا اعمل ليك شنو؟
ريان:- بعدين فكرت قلت خلوودي اخووي قاااعد ليه ارسل السواق..
خالد:- اكييد م قصدك اني امشي اجيبها ...
ريان:- اكييد قصدي كدا🙈
خالد:- لالا طبعا ما فاضي ليك انا..
ريان:- يعني ما بتقدر تعمل الحاجه دي عشاني ويرضيك تزعل اختك حبيبتك...
خالد:- خلاص طيب ربنا يصبرنا عليك واجري علي الله...
ريان:- الله يخليك لي ي رب...
اعطت ريان العنوان لخالد وركب خالد بسيارته وتحرك... بينما كانت ساره تنتظر السواق الذي سترسله لها ريان وبعد مده قصيره وصلت السياره وركبت ساره بالسياره وعندما نظر اليها خالد تفاجأ لانه لم يظن ان شقيقته ريان يمكن ان تصادق مثل هذه الفتاة البسيطه فساره ليست مثل باقي الفتيات لا تهتم بالشكل كثيرا وهو كان يظن ان صديقتها ستكون مثل اخته ويمكنه ان يحادثها حتي يصل ولكن شخصية ساره كانت مختلفه ولم تعطه فرصه ليتكلم معها لانها كانت تظنه السواق رغم ان مظهره لا يبدي بذلك فهو وسيم طويل وعريض واسمر وكحيل العينين ملامحه جميله وهادئه...
احتفظ خالد وساره بالصمت حتي وصلو ... نزلت ساره من السياره واستقبلتها ريان بالاحضان...
ريان:- اخييرا وصلتي كنته مستنياك من جبييل ...
ساره:- غريبه م اتاخرت انا وغير كدا السواق الرسلتي ده بسوق بي سرعه شديده...
نظرت ريان الي خاالد وانفجرت بالضحك...
ريان:- ههههههه اي ده من السواقين المفضلين عندي🙈
نظر اليها خالد نظره غضب😡
ريان:- خلاص وشك بقع منك 😂😂 ساره احب اعرفك ده اخوي خالد اكبر مني بي تلاته سنين...
ساره:- ليه م وريتيني من الاول انا كنته قايلاه السواق🙊... اسفه خالد...
خالد:- لالا عادي م يهمك ..
تبادل ساره وخالد السلام وبعد ذلك ذهبت ساره مع ريان الي غرفتها تحدثوا كثيرا وتناولو وجبة الغداء في غرفة ريان...
وبعد ان انتهو من الغداء...
ريان:- يعني انتي الليله حتقابلي حسام؟؟
ساره:- ااي ... وانتي زي م وعدتيني حتمشي معاي...
ريان:- اكيد حامشي معاك.. بس انتي حتلاقيهو بي المنظر ده... وده اول لقاء ليكم؟
ساره:- مالو منظري...
ريان:- انتي م مهتمه بي نفسك ولقاء زي ده لازم تقشري وتتانقي فيهو...
ساره:- م بعرف اتانق انا ولا عندي خبره في الحاجات دي...
ريان :- خلي الموضووع ده علي انا اسي حاحضرك وحأديك من ملابسي وانتي شوفي حتطلعي كيف....
يتبع....
