بعد ان اغلقت ساره الخط في وجه خالد غضبت كثيرا وذهب الي غرفه ريان وكان يحمل حذائه في يده ويبحث عن ريان وعندما وجدها رمى الحذاء عليها ولكنه لم يضربها واصبح يركض خلفها🏃🏼🏃🏼🏃🏼🏃🏼🏃🏼🏃🏼🏃🏼🏃🏼🏃🏼 وهى تجرى ف البيت في البيت كله
خالد:-الليله شوفي ليك حته ادسي فيها منى😡
ريان:-انا عملت ليك شنو عشان تزكنى كده🙄
خالد:-تقولى لي ساره حتعرف انها بتحبك
ريان:-اي حتعرف
خالد:-يااخ بي سببك قالت انها تانى ما حتكى لي حاجه تانى عنها يعنى الحاجه الانا تعبت فيها وحصلت علي ثقتها بي سبب خطتك الفاشله دى ادمرت اي حاجه انا عملتها
ريان:- اصبر عليها شويه
وفي هذه الاحيان رن هاتف خالد ووجد ان المتصل ساره فتوقف عن الركض واخذ نفس ورد علي الهاتف
خالد:-ايووه
ساره:-انا اسفه لأنى ازهجت فيك بس عشان زعلت
خالد:-لالا من حقك وانا اسف لأنى خبيت عليك
ساره:- خلاص بس من ما تخبي علي حاجه من الليله
خالد:-اكييد ما حأخبي عليك حاجه تانى
ساره:-طيب معناتو مدام انا صحبتك عرفنى علي حبيبتك ال م بعرف اسمها دى
خالد:-اسمها ايمان واكيد حأعرفك عليها
ساره:-خلاص طيب بكره بعد الجامعه خلينا نتلاقى وجيب معاك ايمان
خالد:-خلاص تماام م عندى مشكله
انهى خالد مكالمته مع ساره ونظر الي ريان نظرة سرور...
خالد:- والله ي اختي انتي معلمه والله
ريان:-شفت اسي ساي كنت حتضربني
خالد:- اي والله لكن من الليله حاسمع كلامك
ريان:- اسي قالت ليك شنو
خالد:-قالن لي عايزه تتعرف علي ايمان عشان كده حنتلاقي بكره بعد الجامعه
ريان:- تمام معناتو هي عايزه تتعرف علي منافستها ههههههه
خالد:- طيب اجدعي لي رقم ايمان دي ... عارفه رقمها م عندي..
ريان:- اوكي... عشان تخططو حتعملو شنو بكره عشان تخلو ساره تحس بالغيره .... ووتفقو ع قصه حبكم بدت كيف وكدا...
خالد:- انا متشووق لي يوم بكره نفسي اشوف الغيره ف عيون ساره...
وبعد ذلك ذهب خالد الي غرفته واصبح يفكر في خطه وماذا سيفعل وبعد ذلك اتصل علي ايمان
خالد:- الو
ايمان:- اهلين ابو الخلد
خالد:- كيفك ي بت الخاله
ايمان:- والله تماام الحمدلله وين مختفي انت
ايمان:- مع الدنيا بس... اها ريان كلمتك عن الحاجه العايزنك فيها صح
ايمان:- لالا م كلمتني نهائي
احس خالد بالغضب من اخته وكيف تخدعه ف امر كهذا
خالد:- انتي جاده م حكت ليك
ايمان:- هههههه كنت بهظر معاك اي حكت لي
خالد:- ههههههه خلعتيني... خلاص طيب بكره لازم نتلاقي لان ساره عايزه تتعرف عليك عندك مشكله..
ايمان:- لالا ابدا بالمره نشوف البنت المحظوظه القدرت تدخل قلبك....
خالد:- خلاص تمام بكره بجيك زي الساعه 5 عشان نقعد لحدي م ساره تجي الساعه 6
ايمان:- خلاص اوووكي جدا...
الجميع متشوق لما سيحدث غدا؟؟
ي تري ماذا سيحدث؟
يتبع....
