ساره:- اخوكي دا جنا ولا شنو...
ريان:- مالو...
ساره:- اتصل علي وقال لي تاني لا اتصل ولا هو يتصل وانو م بصاحب ناس ضعيفين الشخصيه زي...
ريان:-😳 كدي اتصلي عليه تاني..
ساره:- م برد...
ريان:- ولا انا برد علي.. كدي خليه انا لمن ارجع بشوفو...
رجعت ريان الي المنزل بسرعه وتوجهت الي غرفه خالد ولم تطرق الباب ووجدته جالس يكمد اصابته في وجهه...
خالد:- م اتعلمتي تدقي الباب قبل تدخلي...
ريان:- خليك من الباب...انت مالك؟ ومتشاكل مع منو..
خالد:- ما يخصك الموضوع..
ريان:- كيف م يخصني انا اختك.. وريني العمل فيك كده منو؟؟
خالد:- حبيب صحبتك الاهبل
ريان:- شنو قصدك حسام...
خالد:- اي زفت حسام
حكي خالد لريان كل م حصل
ريان:- طيب ليه اتصلت علي ساره وقلت ليها كدا...
خالد:- لانها رجعت لي حسام ولا هماها وسامحتو
ريان:- ويعني شنو كان رجعت ليهو وسامحتو انت الموضوع بأثر معاك في شنو....
خالد:- اي باثر معاي وشديد
ريان:- كيف باثر معاك...
خالد:- انتي الدخلك شنو؟ من جبيل بتحققي معاي...
ريان:- انت شكلك بتحبها صح؟
خالد:- حب شنو انتي كمان
ريان:- م تنكر ظاهر عليك بتحبها والغيره ماليه عيونك..
خالد:- كنت بحبها بس بعد العملتو نزلت من عيني...
ريان:- انت م فاهم حاجه عشان كدا بتقول كدا..
خالد:- م فاهم شنو يعني..
حكت ريان لخالد خطتها مع ساره ولماذا رجعت ساره لحسام...
ريان:-شفت انت ظلمت البت بس م اكتر من كدا...
خالد:- ايوه والله اسي م عارف اقول ليها شنو...
ريان:- اتصل عليها واعتذر بس م اكتر
خالد:- خلاص طيب اقطعي وشك خليني براي عسان اقدر اتصل عليها...
ريان:- اووكي ..
فكر خالد قليلا ورتب كلامه قبل ان يتصل بساره....
ساره:- الو
خالد:- اهلين
ساره:- م قلت م حتتصل تاني اتصلت لي شنو...
خالد:- اسف والله بس كنت غضبان عشان كدا قلت ليك الكلام دا
ساره:- بس م صاح تخلي الغضب يسيطر عليك... واها وريني سبب غضبك شنو...
فحكي خالد كل م حصل لساره فاستاءت ساره كثييرا من حسام وغضبت من فعله ذلك بخالد...
ساره:- طيب انت غضبت كده لي شنو..
خالد:- لان انا ب....
وسكت خالد قبل ان يتم كلامه وقفل الخط وقفل هاتفه متعجبا مما كان ينوي قوله...
ماذا كان سيقول خالد؟؟
وهل فهمت ساره؟؟
يتبع....
