كانت ساره غاضبه جدا يتملكها الغضب ولكن بعد قرأت رساله خالد هدأت واصبحت تفكر ماذا تفعل ومن تصدق واول شي خطر لها هو ان تتصل بصديقتها ريان حتي تساعدها في التفكير....
ريان:- الو
ساره:- اهلين
ريان:- كيفك
ساره:- والله م كويسه😔
ريان:- خيير في شنو احكي...
فحكت ساره لريان كل م قاله خالد و م حصل بينهما...
ساره:- ده كل الحصل وانا م عارفه اعمل شنو اسي...
ريان:- والله ي ساره خالد اخوي وانا بعرفو كويس م بكذب في امور زي دي..
ساره:- يعني قصدك ان كلامو صح؟
ريان :- انتي م تفهميني غلط انتي هو مش قال ليك بثبت ليك .. خلي يثبت ليك وانتي احكمي بعد داك...
ساره:- يعني انتي شايفه دا الصاح
ريان:- اي دا انسب حل...
ساره:- خلاص طيب حاعمل كلامك ونشوف البحصل...
ريان:- خلاص امشي ارجعي لي خالد وشوفي حيقول ليك شنو
ساره:- خلاص تمام يلا باي
ريان:- باي
فكرت ساره قليلا قبل ان تتصل بخالد وبعد ذلك اتصلت به ... عندما رأي خالد ان ساره تتصل به فرح كثيرا وساارع بالرد...
خالد:- كويس الاتصلتي لاني كنت خايف م تتصلي..
ساره:- انا لسه غضبانه منك ... بس حاديك فرصه تثبت لي... واذا لقيتك بتكذب صدقني تاني م حتشوف وشي...
خالد:- اكيد حاثبت ليك... بكره بعد محاضرتك عندك حاجه تانيه...
ساره:- لالا لي شنو...
خالد:- عشان اجي اسوقك واخليك تشوفي بي عينك حسام الانتي م بتعرفيه...
ساره:- خلاص تمام بكره بستناك.. يلا باي...
خالد:- باي...
استلقي خالد ف سريره بعد ذلك واصبح يفكر ف يوم غد وماذا سيحدث وبينما هو يفكر قطع تفكيره طرق الباب...
خالد:- منو
ريان:- دي انا
خالد:- ادخلي
ريان:- كنت عايزه اتكلم معاك
خالد:- في اي موضوع
ريان:- موضوع ساره .. انت الكلام الحكيتو ليها عن حسام دا صح...
خالد:- ااي .. تتزكري انا مش قلت ليكي لو حسام حبيب ساره طلع حسام علاء الدين الانا بعرفهو معناتو مصيبه...
ريان:- بالجد دي مصيبه...
خالد:- عشان كدا انا لقيت احسن اني اوريها بي اي حاجه ...
ريان:- لكن حتنجرح...
خالد:- تنجرح اسي احسن من بعدين... وغير كدا انا بداوي ليها جرحها ...
ريان:- قصدك شنو ؟ وكيف حتداوي انت؟؟
خالد:- وانتي مالك.. م تركزي ف كلامي شديد ... ويلا تصبحي ع خير واقفلي الباب بي وراك...
ريان:- سمح بتخارجني يعني😒
يلا طيب وانت من اهل الخير
استغربت ريان من كلام خالد ليس له غير معني وااحد وبعد تفكير تاكدت ان خالد يحب ساره واصبح حبه ظاهرا... فاهتمامه بها بدا يكبر ... فرحت لان اخوها احب صديقة عمرها... ولكن احست بالخيبه حين تزكرت كلام ساره وانها تحب حسام كثيرا وانها ستحتاج للوقت حتي تنسي.. تالمت لاخيها لانه سيتعب كثيرا في اقناع صديقتها... واصبحت تفكر في يوم غد وكيف ستتحمل ساره حقيقه حسام... وايضا ساره نامت وهي تصارع نفسها حتي لا تفكر لانها لم تستطع التفكير ف الامر حتي لا تتعب قلبها...
نام الجمييع وهو يفكر في يوم غد؟؟
ي تري ماذا سيحدث في يوم غد؟؟
وماذا ستكون ردة فعل ساره؟؟
يتبع....
