ذهب خالد الي غرفته واصبح يفكر ماذا ستفعل ريان لتثبت له وهل فعلا ساره تحبه ... و في هذه الاحيان كانت ريان تعد خطتها لتثبت لخالد حب ساره ولتثبت لساره ايضا انها تحب خالد وقامت بالاتصال بابنة خالتها ايمان....
ايمان:- اهلييين ريو
ريان:-ي هلا ايمي مشتااقين ي زوله امورك شنو
ايمان:- والله تماام انتي كيفك
ريان:- والله فل الفل وجديداتك..
ايمان:- ههههه عايشه بس وين اخوك المختفي..
ريان:- ههه قااعد بس انتي عارفه من زمان م بحب يحتك بالناس شديد..
ايمان:- اي عارفه طبعتو..
ريان:- طيب بالمناسبه دي دايراك في خدمه ي بت الخاله..
ايمان:- انتي أأمري بس حبيبه
فاخبرت ريان ايمان بالخطه ..
ريان:- اها بتقدري تعملي الحاجه دب انا لجأت ليك لاني عارفتك قدرها
ايماان:- اكييد ي حبيبتي والخدمه م صعبه علي انا
فرحت ريان وبعد ان انهت مكالمتها ذهبت الي خالد...
ريان:- ابو الخلد😍
خالد:- ايون
ريان:- مش عايز تعرف انا حاثبت ليك كيف؟
خالد:- اي اكيد
ريان:- طيب انا حاوريك بس انت لازم توافق ع البقولو ليك
خالد:- حااضر ي ستي انتي لخصي بس وقولي
ريان:- قبل شويه كنت بتكلم مع حبيبتك
خالد:- ساره😍
ريان:- لالا ياخ قصدي ايمي بت خالتنا..
خالد:- شنووو؟؟ ودي من متين حبيبتي...
ريان:- من اليوم لازم تكون حبيبتك ودي الخطه ...
خالد:- اي خطه.. اسي عليك الله دي خطه ليك...
ريان:- اسمع كلامي انت البت م بتجيبها الا الغيره والله لازم ساره تحس ان ف منافسه عليك..
خالد:- عجبتني الفكره والله🤔
ريان:- ههه اكيد لازم تعجبك لانها فكرتي...
خالد:- طيب ايمان قالت ليك شنو...
ريان:- موافقه اكيد هي لاقياك وين
خالد:- بس ان شا الله فكرتك تظبط ريان:- ان شا الله بتظبط
وبعد ذلك ذهبت ريان الي غرفتها واتصلت بساره حتي تنفذ خطوتها التاليه من الخطه...
ساره:- الوو
ريان:- ي هلا بقلبي
ساره:- كيفك حياتي
ريان:- فله الحمدلله وانتي كيف
ساره:- كويسه الحمدلله.. وين انتي م ظاهره من الصباح..
ريان:- سوري حبيبه بس كانت معانا بت خالتي ايمان الليله
ساره:- اول مره تجيبي سيرتها ايمان دي
ريان:- غريبه خالد م حكي ليك عنها.
ساره:- لالا ابدا وليه يحكي لي عنها اذا انتي م حكيتي..
ريان:- لان انا بالنسبه لي بت خالتي بس هو بالنسبه ليهو حاجه تانيه.
ساره:- كيف يعني حاجه تانيه.
ريان:- يعني حبيبتو..
ساره:- شنووو انتي جاده
ريان:- اي وليهم زمن سوا.. خالد اصلو م كلمك ..
ساره:- تصدقي م كلمني لكن انا بعرف اتصرف معاه...
وانهت ساره مكالمتها مع ريان... وكانت ريان متحمسه لما سيحدث.
اما ساره فكانت غاضبه جدا وتحس بالضيق كيف لخالد ان يخبي عنها مثل هذا الامر و ف لحظه غضب اتصلت عليه...
خالد:- اهليين ساره
ساره:- انسانا من اهلين وجاوبني انت بالجد بتحب بت خالتك
خالد:- بسم الله... اي ولينا زمن..
ساره:- والله م اتصورت العمله دي تطلع منك انت عامل فيها صحبي وانت بحكي ليك اي حاجه عني لكن حضرت سيادتك م بتعتبر ان مهم اعرف عنك حاجه زي دي ... وزي م انت خبيت عني .. انا كمان من اليوم م حاحكي ليك اي حاجه.... تيت تيت..
لم يعرف خالد ماذايقول ف هذه اللحظه ولكنه ندم ع اللحظه التي سمع بها كلام ريان...
ماذا سيفعل خالد بعد ذلك؟.
وماذا سيحدث؟؟
يتبع...
