اكملت ريان حديثها مع ساره واكملت يومها وهي تفكر ف الموضوع وحين رجعت الي المنزل بدأت تبحث عن خالد ولكنه م زال ف الجامعه ... فجلست وانتظرته بغرفته وعندما اتي تحدثا سويا..
ريان:- اخيرا انا من جبيل مستنياك
خالد:- ليه في شنو؟
ريان:- انت مش قلت لي اسأل عن حسام
خالد:- ايووه نعم
ريان:- عرفت عنو حاجه حتسهل ليك انك تعرف عنو اكتر...
خالد:- اها شنو
ريان:- ان بقرا هندسه كهرباء اخر سنه في جامعه "س"
خالد:-😳 قصدك انو بقراةمعاي ف نفس الجامعه ونفس الكليه ونفس السنه...
ريان:- ايووه
خالد:- ما يكون حسام حبيب ساره ياهو حسام علاء الدين الانا بعرفو😳
ريان:- ايوه شكلو لان اسمو حسام علاء الدين...
خالد:- معناتو دي مصيبه..
ريان:- انا كده وريتك وعملت العلي.. وانت بعد ده اعمل العليك...
ذهبت ريان الي غرفتها وتركت خالد غارق ف التفكيريبدو عليه القلق والانزعاج لم يكن يدري ماذا يفعل وكيف سيتصرف من غير ان يأذي صداقه ساره باخته ولكن بعد تفكير توصل لحل وهو ان يقوي صداقته بساره حتي تحكي له عن حسام بنفسها وبعد ذلك يمكنه ان يخبرها بحقيقه حسام...
وفعلا استطاع خالد ان يقوي علاقته بساره فكان يتصل عليها يوميا... واحيانا يخرج معها هي وريان... حتي احس ان علاقته بها زادت قوه فقرر ان يسالها عن حسام...
خالد:- ساره انتي بالجد قعد تحبي؟
ساره:- امممم وليه السؤال؟
خالد:- انا مش بقيت صحبك
ساره:- ايوه
خالد:- طيب من المفروض تحكي لي
ساره:- طيب عايز تعرف شنو
خالد:- اسمو بقرا وين وكدا
ساره:- اسمو حسام🙈 وبقرا هندسه كهربا اخر سنه في جامعه "س"
خالد:- اسمو حسام علاء الدين
ساره:- ايووه عرفت من وين انت..
خالد:- انتي ريان م ورتك اني بقرا في نفس الجامعه والكليه دي.. يعني حسام دا بقرا معاي..
ساره:- انت جادي😃
خالد:- ايوه
ساره:- وطيب بتعرفو كويس
خالد:- اي زول ف الجامعه بعرفو..
ساره:- يعني زول مهم وكدا😎
خالد:- لا انتي الشكلك م بتعرفيهو كويس
ساره:- قصدك شنو يعني😳
خالد:- طيب انا حاوريك البعرفو عن حسام بس م عايزك تزعلي او تفهميني غلط...
ساره:- طيب اتكلم
اخبر خالد ساره كل م يعرفهو عن حسام فغضبت ساره كثييرا وتشاجرت مع خالد..
ساره:- دا شنو الكلام الانت بتقول فيه دا وانا استحاله اصدقك حسام دا انا بعرفو كويس و م حاغير راي فيه بي كلامك انت و م تتصل علي تاني.... تيت تيت
اغلقت ساره الخط وكانت غاضبه جدا بينما حزن خالد لان ساره لم تصدقه ... لكنه لم يستسلم وارسل لها رساله...(( والله انا اسف اذا جرحتك بي كلامي بس دي الحقيقه وانا وريتك ليها عشان عايز مصلحتك واذا م مصدقاني ممكن اثبت ليك بس استحاله اخليك عايشه ف الوهم دا))...
ما هي حقيقه حسام التي لا تعرفها ساره؟؟
و ماذا ستفعل ساره بعد ان عرفت؟؟
يتبع....
