جاءت ريان الي خالد وهي تبكي لم يسألها خالد عن السبب لانه يعلم انها بعد ان تنتهي من البكاء ستحكي له بنفسها فبدأت ريان بالكلام ....
ريان:- خالد انا طوالي قعد الجأ ليك لمن اكون متضايقه لاني برتاح لمن احكي ليك.. ولمن اكون بعاني من مشكله بتحلها لي انت...
خالد:- طيب اسي مشكلتك شنو وليه بتبكي؟؟
ريان:- انت مش قلت لي اقول لي حسام ان م يتصل علي تاني...
خالد:- ايوه..
ريان:- لمن اتصلت عليه قال لي كلام ازعجني شدييد...
خالد:- قال ليك شنو الحيوان دا
ريان:- قال لي انو اعجب بي انا وانو م بحب ساره وتخيل عايزني اطعن صحبتي ف ضهرها...
خالد:- حسيت بيه زول م تمام انا😡
طيب دا ياهو المبكيك؟
ريان:- لالا البكاني بالجد اني اتصلت علي ساره عشان اقول ليها قامت هي سبقتني بالكلام وقالت انها مبسوطه شديد وانها بتحب حسام كتير... م قدرت اكسر فرحتها.. وكمان هي لو عرفت بالكلام ده حتنجرح شديدويمكن تحس بالغيره مني وتكرهني وانا م عايزه ده يحصل...
خالد:- فعلا كلامك صح وبالجد دي مشكله.. لكن ي قلبي م تقلقي انتي وحنحاول سوا نحلها...
ريان:- طيب حتعمل شنو؟
خالد:-انتي بس م توري ساره اسي وحاولي اعرفي حاجات اكتر عن حسام وتعالي وريني... و م تحسي بالضيق تمام...
ريان:- خلاص تماام.. وتسلم لي ي احلي اخو ف الدنيا...
خالد:- تسلمي لي انتي... يلا بعد ده اقطعي وشك عايز انوم..
ريان:- استغفر الله اسي م كنا حلوين.. المهم يلا ...
ذهبت ريان الي غرفتها واحست بالراحه بعد ان تحدثت مع خالد..
بينما خالد غرق ف التفكير كان يحس بالفرح تاره والانزعاج تارة اخري .. فرح لان ساره لن تستمر مع حسام... وانزعج من حسام كثيرا ....
وبينما هويفكر امسك بالهاتف مترددا وهو يكتب برساله وبعدذلك ارسلها لساره احس بالقلق لانه لا يعرف م سيكون جواب ساره.... وصلت الرساله لساره فقرأتها (( ممكن اكون صديقك؟؟)) تعجبت ساره فالرساله من مجهول فاجابته... وصلت اليه الرساله فقرأها مستعجلا(( انت منو؟؟))
فارسل لها... ((انا خالد))
كان خالد ينتظر الاجابه وبعد وقت قليل رن الهاتف وعندما وجد المتصل ساره تفاجأ واجاب مسرعا..
خالد:- الو
ساره:- اهلين
خالد:- كيفك
ساره:- تمام انت كيف
خالد:- الحمدلله
ساره:- انت خالد اخو ريان صح
خالد:- ايوون
ساره:- وعايز تبقي صديقي
خالد:- ايوون
ساره:-طيب ليه انا..
خالد:- م عارف بس عايز اصادقك..
ساره:- طيب تمام انت اخو ريان م حاكثفك وانت زول ثقه..
خالد:- تمام... طيب خلاص عشان م ازعجك اكتر تصبحي ع خير..
ساره:- وانت من اهلو...
احس خالد بالراحه بعد ان تكلم مع ساره وكان يحس بالسعاده لانه استطاع ان يصبح صديق لها ف الوقت الحالي...
اتي الصباح وركبت ريان مع خالد اوصلها الي الجامعه والتقي بساره فسلم عليها وذهب الي جامعته...
فكرت ريان ان تتكلم مع ساره وتعرف عن حسام اكثر ففتحت معها الموضوع ....
ريان:-انتي بالجد ي ساره حسام بقرا وين...
ساره:- قلت ليك قبل كدا نسيتي انتي
ريان:- م كنته مركزه معاك والله
ساره:- بقرا هندسه كهرباء اخر سنه في جامعه "س"...
عندما سمعت ريان هذا تعجبت ولكنها بعد تفكير احست بالفرح وابتسمت ابتسامه خبيثه....
م سر هذه الابتسامه؟؟
ولماذا تعجبت ريان؟؟.
يتبع....
