انت دائي و دوائي

19،20

#روايه انت دائي ودوائي
الحلقتين 19،20
( الحلقه التاسعة عشر )

نظر حمزه مزهولاً وهو ينظر لأمه وكأنها تتكلم بلغه لا يفهمها ، ماذا رنا أجهضت ،متى كانت حامل لتجهض ،متى كان هناك طفل ومتى لم يعد هناك طفل

نظر لأمه التى كانت تبكى وتنوح وقالت بغضب : بس ، مش عايز اسمع عياط
والتفت الى الطبيبه وقال: ممكن افهم بهدوء فى ايه
الطبيبه: حضرتك المدام كانت حامل وده بيحصل كتير ف اول الحمل وخصوصاً لما يكون أول حمل للست ودايماً مابتنكش عارفه بوجود الحمل
حمزه بنفاذ صبر: المفيد يا دكتوره ،هى حالتها ايه
الطبيبه: مفيش هى طبعاً هتحتاج تنتقل المستشفى عشان نعمل عملية تنضيف بسيطه وبعدها هنعلقها لها محاليل لانها ضعيفه
حمزه: ممكن اعرف .... يعنى ... هو ... الاجهاض ده سببه ايه
الطبيبه: المدام ضعيفه وواضح انها عملت مجهود شديد
حمزه: طيب يا دكتوره ، تقدرى تطلبى لنا عربية اسعاف عشان ننقلها
الطبيبه: حاضر ،انا هسبقكم على المستشفى وهنتظركم هناك
حمزه: اتفضلى يا دكتوره ، وانا هخلى السواق يوصل حضرتك المستشفى

خرجت الطبيبه وتقدم حمزه الى الفراش حيثما تجلس رنا ، نظر اليها والى وجهها الشاحب وشفاتيها البيضاء ، لم يصدق ان هذه هى زوجته التى كانت من ساعات وجنتيها حمراء من الخجل وشفتيها كانوا بلون الدم من أثر قبلاتهم المحمومه

فلتت منه تنهيده وهو يلمس على شعرها وقبلها على جبينها والتفت لامه وقال: حاولى تغيرلها هدومها وتحطى حاجه على شعرها وانا هشوف العربيه وصلت ولا لسه

وصلت عربية الاسعاف وحمل حمزه رنا بعد اصراره على ان لايمسها احداً سواه وركب معها السياره وبعدما وصلوا الى المشفى وضعها برفق على السرير النقال وظل ممسك بيديها الى ان دخلت الى باب العمليات
أبتسمت الطبيبه لحمزه أبتسامه مطمئنه وهى تراه يترك يد زوجته بصعوبه وقالت تطمئنه : ماتخافش ،العمليه بسيطه ومش هتاخد وقت
حمزه بأضطراب : خلى بالك منها
أبتسمت الطبيبه وقالت: فى عنيه

مر الوقت وخرجت الطبيبه وذهب اليهاحمزه مسرعاً ليطمئن منها على زوجته

الطبيبه: الحمد لله عملنالها عملية التنضيف ، هى دلوقتى بقيت كويسه وساعه بالكتير هتفوق

وهنا تدخلت والدة حمزه وقالت: هتقدر تحمل تانى يا دكتوره
الطبيبه: اه طبعاً ، هتقدر بأذن الله بس يستحسن تاخد مانع للحمل لمدة ست شهور على الأقل
زينب: ليه
الطبيبه: ياحاجه المدام ضعيفه واى حمل دلوقتى فيه خطر عليها وعلى صحة الجنين ،انا من رأيى الاول تشوف دكتور تغذيه ونعمل فحوصات شامله وبعدها هو الى يحدد امتى تكون مستعده للحمل ، وكله بأمر الله
زينب: بس يا داكتوره ...
وهنا تدخل حمزه بحزم: أمى ، الى بتقوله الدكتوره صح احنا مش مستعجلين اهم حاجه صحة رنا دلوقتى
الطبيبه: ربنا يقومهالك بالسلامه ويرزقكم الذريه الصالحه