انت دائي و دوائي

21،22

#روايه انت دائي ودوائي
الحلقتين 21،22

(الفصل الحادي والعشرون )

سكتت رنا وهى لا تعرف بماذا ترد على سؤال حمزه ... هل تخبره انها توقفت عن اخذ الحبوب بأرادتها ام تخبره انها ببساطه نسيتها ، نعم هى كلمه بسيطه لقد نسيت لما تعجز عن قولها

نظرت رنا لحمزه بعجز ووهزت رأسها يميناً ويساراً
صرخ حمزه بغضب : اتكلمى ، قولى لى كنتى بتاخدى الحبوب ولا لأ
رنا بخفوت: لأ

نظر لها حمزه مصدوماً وقال: لأ .... لأ مكنتيش بتاخديهم ،كنتى بتكدبى عليه
رنا بدموع : انت مكنتش بتسألنى
حمزه: لاننا اتكلمنا واتفقنا ... مكنتش معتقد انك هتضحكى عليه
رنا ببكاء: لأ ... مضحكتش عليك والله
حمزه : لأ ضحكتى عليه يا رنا ،وانا مش هعديها
رنا بخوف : يعنى ايه ؟!

وهنا تدخلت والدة حمزه قائله : ياخويا ،اصبر لما نتأكد الأول مش جايز ميكونش فيه حمل

سحب حمزه ملابسه وقال لوالدته : مش هتفرق صدقنى يا أمى ... حامل مش حامل مش هتفرق

قال ذلك وخرج من الغرفه صافقاً الباب خلفه بعنف

نظرت رنا الى حماتها وقالت : قلت لك هيزعل
جلست زينب بجانبها وربتت على كتفيها وقالت: ولا يهمك ،هو هيتزرزر شويه وبعدها هيهده ... احنا دلوقتى لازماً نتوكد الأول وبعدها يبقالنا كلام تانى

رنا: وهنتأكد أزاى ؟!
زينب: نبعت نجيب البتاع ده من الصيدليه ،العصايه الى بيبين الحمل

رنا: بيبى تشيك
زينب: اهو ده، اكتبى اسمه فى ورقه وانا ابعت البواب نجيبه
رنا: طب وحمزه
زينب بغضب: بلا حمزه بلا نيله ،نتأكد الأول
رنا: حاضر

بعد قليل وقفت رنا وبيديها اختبار الحمل ويطالعها الخطين الوردين بوضوح وكأنهم يثبتوا حملها دون اى مجال للشك

شعرت رنا بالدموع تحرق مقلتيها وهى تمسك بأختبارالحمل وتقول بصوت منخفض : حامل .... انا حامل
اطلقت زينب زغروطه عاليه واحتضنت رنا المزهوله وهى تقول : الف مبروك ... الف مبروك يامرات ابنى
رنا وهى تبكى : حمزه هيزعل منى ، هيزعل منى اوى
زينب : بس يابت بطلى عبط ، هيزعله شويه وبعدها هينسى ،ابنى وانا عارفه ... ياله ياعين امك اغسلى وشك وتعالى اما اعملك احلى فطار ف الدنيا وتاكليه كله وتشربى لبن انا عايزه ابن ابنى يطلع واد مبقلظ كده مش ممصوص
رنا: حمزه نزل من غير فطار
زينب: ياختى هيفطر يعنى هو هينسى نفسه ... دلوقتى هيروق ويفطر
رنا: ماشى ياطنط روحى حضرتك وانا جايه وراكى
زينب: على مهلك يا حبيبتى ولو تعبانه هجبلك الفطار لغاية هنا ف السرير
رنا: لا ياطنط هخرج انا

خرجت زينب تتبعها نظرات رنا المزهوله ، ابتسمت رنا بسخريه فصحيح الدنيا لاتعطيك كل شئ فعلاقه صحيحه مع زوجك يقابلها علاقه متوتره مع والدته وعلاقه جيده مع والدته تخسر امامها زوجها ... زوجها الذى خرج غاضباً والله وحده يعلم على ما ينوى
أمسكت رنا بهاتفها وقررت ان تتصل بحمزه فان كان هناك شحنه بداخله يريد ان يخرجها فليخرجها فيها وهى ستتحمل