Noong gabing tinapos natin ang lahat
Mga hakbang ko papalayo sa iyo ay napakabigat
Noong gabing yun, sinabayan ng langit ang aking nararamdaman
Bigla na lamang bumuhos ang malakas na ulan
Kasabay nito ang pagpatak ng luha na matagal kong pinigilan
Dala na rin siguro ng pagod, kay napaupo nalang ako sa daan
Binabalewala ang mga bumubusinang sasakyan
Dahil baka wala na ring saysay ang mabuhay pa
Kasi sa pagkakataong iyon ay wala ka na
Bigla ko nalamang naalala ang yung panahon na masaya tayong magkasama
Pero siguro nga tama sila, halos lahat ng masaya ay pansamantala
Hindi ko nga sigurado kung babalik ka pa
Pero kung di na maibabalik yung dating tayo
Maaari bang ulit-ulitin nalang ito?
Maaari bang balik-balikan yung panahon na sabay natin pinagmamasdan ang mga tala?
Maaari bang balik-balikan yung panahon na tayo'y masaya pa?
Maari bang balikan yung araw na ikaw ang nakikita sa pagmulat ng mga mata sa umaga?
Ang saya kasing balik-balikan
Yung mga panahon na kaya mo pa akong ipaglaban
Magkano nga ba ang pamasahe pabalik sa dating tayo?
Meron pa ba akong masasakyan papunta sa bisig mo?
Nais kong bumalik kung saan nasa akin pa ang iyong atensyon
Yung panahon na meron pa tayong koneksiyon
Ano nga ba ang solusyon para maibalik ang nasayang nating relasyon?
