Isa na siguro sa pinakamaling ginawa ko ay ang hayaan kang umalis
Hindi man lang nagbukas ng pagkakataong ipahiwatig ang pag-ibig sa huling sandali
Tinanggap ang bawat salitang iyong binitawan at wala ng ginawa upang hindi ituloy ang iyong paglisan
Sa iyong pagbabalik, asahan mong ako'y handa ng lumaban
Hindi na hahayaang umalis ng walang binibigay na dahilan, hindi ka na hahayaang umalis
Mahal, ikaw at ikaw ang nais kong kasama sa una at huling sandaling ako'y umibig
Ikaw ang nais kong makita sa araw-araw
Ikaw ang nais kong kasama sa habangbuhay
Hindi na hahayaang bumitaw ka sa higpit ng yakap ko
Ika'y magbabalik, pakikinggan ang puso at sa wakas, pag-ibig natin ang magwawagi
