Strings and Chains (The Frey, #1)

10. Big Discoveries

Strings and Chains

Chapter 10

Naalimpungatan ako nang maramdaman kong may dumidila sa kamay ko. Papikit-pikit kong minulat ang mata ko at tumingin sa kamay ko. Nakita ko si Rai sa tabi ko. Nang makita ako nitong gising na ay madali itong sumampa sa 'kin at sunod-sunod na dumila sa buong mukha ko.

"Oo, gising na. Gising na. Ito na nga eh." Naupo ako habang kalong-kalong ko ang alaga ko. Humikab ako at nag-unat ng braso. Kumunotnoo ako nang makita kong nasa kuwarto na ako. 'Di ba kagabi nasa kotse ako kasama siya? Nasaan siya?

Tumayo na ako at nilibot ang kuwarto ko. Pumasok ako sa banyo at chineck kung nandoon siya. Sa loob ng closet ko pero wala rin siya. Anong nangyari kagabi? Wala akong maalala? Nakatulog ako and then what happened? Dinala ba niya ako dito sa kuwarto o may nakakita sa akin sa labas na walang suot-suot na pantaas at nagpresentang ibalik ako sa bahay?

Napatalon ako nang wala sa oras nang biglang may kumatok sa kuwarto ko. Tiningnan ko ang sarili ko. Iba na rin ang suot ko kaya shock na shock ako. Inayos ko ang sarili ko at binuksan ang pinto.

"Maru, there's a call for you downstairs. Mukhang si Ginger ata iyon. Tell her that you can't go to your class today," sabi ng Mama ko kaya kumunotnoo ako.

"At bakit hindi ako puwedeng pumasok today?" nagtataka kong tanong kay Mama. I might not be able to go in my first class pero may second class pa naman ako. Tumingin ako sa orasan. I still have two hours to prepare.

"Because I said so," sagot ni Mama kaya dito na talaga nagsalubong ang kilay ko.

"Hindi ba mas maganda na pumasok ako ng klase—" Hindi pa ako tapos sa pagsasalita nang itaas ni Mama ang kamay niya sa harap ng pagmumukha ko kaya huminto ako.

"Just do what I say, Maru. You will not leave the house until I or your father permits you to do so."

Nagring ang phone ni Mama kaya sabay kaming napatingin doon.

"I need to take this call. And Maru, Ginger is on the line."

Sinagot ni Mama ang tawag saka ito naglakad papalayo sa akin. Bago siya pumasok ng kuwarto ay narinig ko ang malakas at malutong na pagmura nito na ikinagulat ko. Anong problema ngayon at feeling ko may bagay na dapat kong malaman pero walang gustong magpaalam sa 'kin. At never in my life na narinig ko si Mama na nagmura kaya shock na shock talaga ako ngayong umaga.

Bumaba ako at agad na nagtungo sa sala. Kinuha ko ang telepono at sumagot sa tawag.

"This is Maru. How can I help you?"

"Maru!" sigaw agad sa akin ni Ginger.

"Anong nangyari sa 'yo kahapon? Tawag ako ng tawag sa number mo, hindi ka naman sumasagot!" bulyaw pa nito sa akin.

"Phone ko—" Oh sht! Nasa kotse ng lalaking kumidnap sa 'kin 'yong phone ko! Sht!

"I—I lost it. I'm sorry," sagot ko na lang kay Ginger. Paano ko makukuha 'yong phone ko? Do I need to buy a new one? Paano kapag nahanap ng mokong na 'yon ang phone ko at gamitin 'yon? Ahhh! Nagpa-panic ako!

"What—You lost it?!" Nilayo ko agad 'yong telepono sa tainga ko at kung makasigaw 'tong si Ginger akala mo bingi ang kausap.

"Paulit-ulit ba tayo? Mga ilan pa, Ginger?" pagsasarkastiko sa kanya.

"How did you lose it?" tanong naman niya. Hindi ko naman alam kung paano ko i-e-explain 'to. Hindi ko naman puwedeng sabihin na 'Ay, kinidnap kasi ako ng isang incubus. Ngayon para dumating ang saviour ko na which is bampira pala, kailangan kong itago phone ko. And you know what? I'm still alive!'.