بقلم فاطمه الهادي
اخوي الاصغر مني ما كان فاهم حاجه عادي معاي يضحك ويتونس وقريب مني نوعا ما
مشينا في اجازه العيد زرنا أمي في بيتها راجلها طردنا قالينا " امكم قابلوها بره بيتي " وائل اخوي لمن دمع هبه طوالي قالت لينا يلا علي بيت ابونا والله الغصه واقفه لي في حلقي رجعت بيتنا محطمه كليا وقلبي كلو ملان حسد وحقد علي الراجل ده مع أنو متزوجها علي سنه الله ورسوله بس حاسه بيهو كأنو سرق مني أمي وشردنا
لو في اللحظة ديك كان معاي سكين كان قتلتوا
في ظل حزني كنت محتاجه لي زول يقيف معي طلعت في يوم وانا متحطمه تماما وحاسه بي غربة شديده
لاقاني واحد كان بعرفو معرفة سطحية من خلال ناس نجلاء اسمو مازن من لاقاني في الشارع صاح لي بصوت منخفض كده يا ريم ..... ريم والله قلبي لمن وقع قلت ده منو كمان بس لمن قرب اتيقنت من ملامح وشو وعرفتو
قال لي وين انتي ما ظاهره؟؟؟
قلت ليهو عشان الاجازه بس المدرسة قربت شكلك حزينه احكي لي الحاصل عليك شنو ؟؟؟؟ في اللحظه ديك أنا كنت بالجد محتاجة لشخص يسمعني اتكلمت معاهو بكل اريحيه عن مشاكلي الحاصلة معي عن امي عن ابوي عن كل شي وبقيت متواصله معاه انا الزول ده استجدعتو شديد كان مختلف عن الناس البعرفهم والاجمل انو ظهورو في حياتي كان في الوقت الصاح
برغم إني ما كنت متقربة منو قبل كده ما عارفة جاني شعور أني بحبو مع انو انا متأكده انو مشاعر زي دي ما ممكن تكون حب مجرد وهم كنت برتاح وأنا بحكي ليهو وهو صراحه كان زول واعي وكلامو دايما في صالحي أول خطوه قال لي
اتحولي مدرسة تانية عشان تبدي من جديد
صحباتك القديمات ديل انسيهم
وشوفي مستقبلك قبل ما يضيعوك ما عارفة هو قال لي كده لشنو ؟؟؟؟؟؟ بس طوالي اتنفخت فيهو وشاكلتو " يعني أنت لفتك دي كلها عشان تفرقني من صحباتي يا حسود واتخارجت منو ما عارفه انا بقول في الكلام ده بس مقتنعه من جواي انو كلامو فيهو مصلحتي بس ما عارفه طينة العناد دي أنا جايباها من وين بكون من أمي لانها عنيده
*** نزلنا المدرسة سنة تانيه الوضع عادي مافي اي جديد وانا في طيني وسجمي مع الشلة الرهيبه
نجلاء وميمي انقلبن علي صفاء
180 درجه لدرجه أنها بتبكي من العمايل البعملوها ليها والمعامله القاسية صراحه انا الفضول كان قاتلني عديييل ونفسي اعرف الحاصل شنو بس عاد بقدر اسأل!!؟ نجلاء الا تطين عيشتي البت دي مرات بحس بيها مسيطره علي منتظره لي فرصه عشان اعرف القصه يوم نجلاء قالو عيانه وميمي طبعا تقول ضلها الاثنين غايبات قلت دي فرصتي أني اسأل
قعدت مع صفاء وسألتها يا صفاء الحاصل عليك شنو؟؟؟ قالت لي ولا اي شئ مشاكل عائليه
قلت ليها اسمعي كلنا هنا عندنا مشاكل عائلية بس ما بنخليها تأثر علي شخصيتنا
وخصوصا في مكان دراستنا
أنا ما كنت قادره اجي اتكلم معاك عشان نجلاء ما تقطمها معي باقي لي هي رئيسة الشلة وانتي عارفه الحاصل براك صفاء انا تاني ما حأكرر سؤالي الحاصل عليك شنو؟؟ ياريت تقدري جيتي ليك واني شايله همك البت دي بكت قدرتها .... قالت لي البنات ديل صحباتي من زمان بس شافوني واقفه مع مازن واتقلبن علي أنا ما عارفه عملت شنو؟؟
والله الزول ده زي اخوي الكبير
انا ذاتي اتكبكبت قمت وصفتو ليها طلع نفس الزول الفي راسي لانو مازن ده ياهو
القال لي خلي الشله حقتك دي والله خفت خوفه قلت البنات الشريرات ديل لو شافوني كان قتلوني زمان وماف زول جاب لي خبر
الله يسترني ويديني خيرهم الموقف خلاني اكون حريصه في تصرفاتي معاهم سنه اولي بالله طوالي معاهم من مكان لي مكان لمكان بس هسي في ثانيه الوضع اختلف مع انو نجلاء بتحاول بكل الطرق انها تقنعني نطلع رحلات وكده ، هبه اختي تقول حاسه بي حاجه زي دي كل مره تنصح فيني
بس قلبي الصغير ده تقول بقي فيهو قسوة ماف كلام فارق معاي وبعمل الفي راسي
في كل مره مازن بحاول انو يعترض طريقي وقت اكون راجعه من المدرسة وحاولت أني اتكلم معاهو قلت
ليهو لو عاوز مصلحتي ابعد من طريقي لو سمحت بس لا حياة لمن تنادي
بكل بساطه قال لي صحباتك ديل ماعندهن خوة ابعدي ياريم انا نفسي اعرف الولد ده مهتمي بي وبشلتي لشنو وكان نفسي اتكلم معاه بس كنت خايفه نجلاء حتعمل شنو لو شافتني واقفه معاهو
#يتبع
أنت تقرأ
رشة عطر
Romanceبقلم فاطمه الهادي اكتب عن رحلتي بين الماضي والحاضر والمستقبل بين حياة عشتها واخري تمنيتها عن اقداري وصدفي التي انتشلتني من خيباتي وحماقاتي احيانا حتي ذاكرتي التي تخزلني في كل مره لم تخزلني لتنسيني ما كتبته يداي بين صفحات لمذكره جميله الغلاف .... تف...
