رشة عطر

١٠

لمن حصلت لقيت اخو نجلاء منتظرني في المحطة بحكم اني ما بعرف البيت
المهم لاقيتو ماشاءالله يشبه اخوي وائل شكلو ولد محترم ومهذب اتمنيت لو اخوي زيو في التهذب والادب
سألتو من ناس البيت كيف حالهم بعد الوفاه
" والله البنت دي كانت ماليه
علينا البيت وفاتها فرقت كتير معانا لمن حصلنا لقيت الحزن مخيم في وجوهم والبيت ده كئيب ونجلاء دي لونها بقي باهت لمن شافتني انفجرت بكاء و كأنها منتظره ليها زول تبكي فيهو قلت ليها شيلي الصبر كنت جاياك في حارتا بس ما لقيت لي طريقه الا الليله نجلاء: عازراك والله وهي بتبكي
نجلاء الله يعوضك والبنت دي الله مارايد ليها تعيش فكري بي عقلك دي بنت غير شرعيه لمن تكبر حتكون عاق عليك والناس
ما حتريحها احمدي الله يا نجلاء عارفاك مرتبطه بيها ارتباط روحي لانها غيرت في شخصيتك بس فكري بي عقلك ..... نجلاء
قشقشت دموعها وقالت لي صاح كلامك ياريم الله يكملك بي عقلك سبحان الله ياريم شخصياتنا اتبدلت واتغيرت شديد
وحتي افكارنا بعد السنين دي كلها الله رزقني بيها عشان افوق من الضلال الكنت فيهو ريم مامتخيله الاقيك بعد السنين دي كلها قلت ليها وانا مقاطعاها نجلاء
ما مفكره انك تتزوجي؟؟؟ سرحت مسافه كده
وقالت لي زواج شنو يا ريم انا الرجال فقدت فيهم الثقه من زمان مستحيل افكر
في راجل كفايه الحصل علي كل ما اتذكر حسين بحس نفسي مخنوقه زيارتي دي خففت عنها كتير ....... فجأه كده قالت لي انا عندي مشوار عاوزاك تمشي معي
قلت ليها مستدركه نجلاء !!!انتي لسه في حركاتك دي قالت لي انا اتغيرت ياخ
مشوار امي لو عرفت م حتخليني ارح معاي انتي اها طلعنا بحجه انها عاوزه تقدمني عشان امش بيتنا قدر ما حاولت افهم شئ رفضت تكلمني بس فجأه لقيت نفسي معاها جنب المقابر قلت ليهو انتي جنيتي يا نجلاء قالت لي لا ياريم بس عاوزه اشوف قبر بنتي مسكتها من يدها
قلت ليها نجلاء انا خابزاك وعاجناك قولي الحقيقه يعني طالعه من وراء ناس البيت عشان تشوفي قبرها ماقادره اصدقك يلا احكي الحقيقه ؟؟؟ قالت بعد تفكير ياريم جاتني رسالة من رقم غريب وقال في امر بتعلق ببنتي ولازم نتلاقي هنا في التوقيت ده ...... قلت ليها نجلاء انتي مجنونه!!؟؟؟
فضولك ده بجيب اخرتنا اكيد انتي ما نصيحه
يعني هسي احنا في الحته المنقطعة دي عشان مسج وصلك من شخص مجهول اثناء كلامنا ده سمعنا صوت نحيب
جاي من مكان قريب لمن عاينت كده لقينا ليك ولد وسيم وجهو ده لمن مضوي من
الجمال ومتكل في قبر بت نجلاء وببكي لمن شافنا جاء علينا سلم
علينا وهو ببكي نجلاء قالت ليهو انت منو؟
والخوف عاوز يقتلنا قاليها معقول ما عرفتيني يا نجلاء بعد سمعنا الصوت
وبصوت واحد حسين !!!!
ونجلاء خلاص انهارت قال لي نجلاء انا اسف علي العملتو فيك ريم سامحيني انتي ومازن لأني ما سمعت كلامكم
انا سافرت في الاربعه سنوات العدت دي
وحجيت والحمدلله بس جيتي ليك دي كانت واجب يا نجلاء انا مستعد اعمل
المستحيل بس انتي سامحيني وانا تحت امرك بكل شئ انا نفسي الله
يتوب علي عارف انو العملتو معاك احتمال يبقي بعدين في بناتي يانجلاء انا خايف من عقاب ربنا من يوم سافرت وانا اتغيرن وحياتي اتقلبت رأسا علي عقب
بترجاك سامحيني عشان ضميري يرتاح
نجلاء احتارت قالت ليهو وضميرك ده كان وين لمن اترجيتك عشان تتزوجني وضميرك ده كان وين لمن خليتني اواجه الحياه براي ما بسامحك عشان تدوق حجم العذاب الانا عشتو بي سببك يا حسين
قال لي ريم عليك الله
خليها تسامحني قلت ليهو يا حسين خليها
نجلاء اعصابها تعبانه دقايق انا في حاجه مافاهماها وجودك هنا صدفه ولا انت
الشخص الطلبت تقابلها قال لي ياريم ما كان في طريقه اني الاقيها الا بالطريقه دي وانا بتمني والله من قلبي انها تسامحني نجلاء اتضايقت وقالت لي ريم انتي ارجعي بيتكم ابوك لو عرف انك معي حيتخذ موقف من ناحيتك وان شاءالله حنتلاقي بعد نجلاء مشت بقيت
انا واقفه مشتته ما بين مصدقه ومكذبه
قال لي ياريم انتي صحبتها عليك الله ساعديني قلت ليهو طيب يا حسين بحاول اني اساعد اداني رقمو ورجعت بيتنا بعد المغرب ابوي ده جاط فيني جوطة ششديده خلاص انا بقت علي مهمة تانيه . وراسي خلاص ضرب في عز حيرتي اتوجهت للمكان البقعد فيهو مازن عسي انو يلقي معي حل من لاقيتو
اخد ليهو بسمه قال لي الله يدينا خيرك يا ست ريم جيتك مالخير اها احكي وراكي شنو . طوالي خشيت في الموضوع
حكيت ليهو الحاصل كلووو قال لي ياريم
والله الزول ده لو حاس بالندم ماكان جاء لحد محلها وفتشها وبكي علي وفاة بنتو الماشافها والله للحظات حسيت نفسي
اني متعاطفة مع حسين ده شديد وخلاص قررنا انا ومازن نساعدو عشان
نجلاء تسامحو الايام ديك حمدلله
كان تخريجي من الجامعة قرب
بس فجأه كده وبدون مقدمات جاني ابوي
قال لي عباس متقدم لخطبتك ياريم
وانا خلاص وافقت وما برجع من كلامي
ومنتظرك لحد ما تتخرجي عباس ده صاحب ابوي من مده طويله.
والله حسيت نفسي وقعت ميه وقعه اتصرف كيف ؟؟؟
#يتبع