رشة عطر

١٥

البنت دي قدر ما حاولت اتفاهم معاها
ما ادتني فرصه لحد ما يوم داهمتها
قلت ليها صباح الخير يا حسناء انا عاوزه اتكلم معاك ممكن ؟؟
قالت لي اتفضلي بس انجزي عشان انا وراي مشغوليات "ع اساس انا فاضية يعني""
قلت ليها انتي ليه بتعامليني بالطريقه دي
مع اننا ما حصل بينا موقف ولا حاجه
حسناء صمتت مسافة
قالت لي عاوزه تعرفي حاجه ياريم عايني
انا بكرهك شديد كده بس لله
ما قدرت افهم من كلامها حاجه بس حاسه بيها من تصرفاتها دي بتحاول تستفزني بقي شغلي الشاغل الزوله دي عاوزه اعرف
شنو وراها انا عارفه التجسس ع الاخرين حاجه ذميمه بس سايقني فضولي بشده
لحد ما يوم سمعتها بتتكلم بالتلفون بي همس كده
ما سمعت الا الجمله الاخيره ""ما تقلقي والله الزوله دي الا ابهدلها ليك ""
عرفت انو حسناء دي ما ناويه لي خير
معي في حلقه مفقوده نفسي افهمها
من كترت التفكير جاني احباط عديل
والشخصيه الجديده بقت تتلاشي وحياتي توتر وقلق وبقيت اراجع في نفسي انا ظلمت منو ولا اذيت منو ولشنو
بحصل علي كده خلاص زهجت فكرت في مازن الزول ده في اي وقت تحتاجو بتلاقيهو بعد تعاملي الفظ المعاهو حسيت بيهو الانسان الوحيد البقدر
استنجد بيهو لاقاني مكسوره قال لي وين ياريم شكرا ليك كلامك حق المره الفاتت فتح عيوني علي حاجات كتير انا ما كنت
واخد بالي عليها شكرا ليك ايقظتي فيني روحي الكانت شبه ميته تصدقي انك االيوم داك
كنتي اجمل من الليله شخصيه قويه عناديه
شخصيتك الضعيفه القدامي ما عاجباني
طوالي قلت ليهو اسمع انا عندي مشكله
وجايه اوريك ليها ماف داعي لأنك تجرحني بالطريقه دي ولو ما عندك استعداد
تسمعني انا حأمشي لكن وربي تاني
ما حتشوف وشي لابد الابدين ,
قال لي ده اخر ما اتوصلتي ليهو؟؟؟ .
طيب يا ستي انا حاليا عاوز اسمعك
ولو سمحتي لا تتصرفي بعصبيتك دي
عشان ما تخسري نفسك ياريم كل الحاجات البتحصل ليك بسبب تسرعك
وحماقتك صراحه كلامو ده
غضبني ذياده بس اكلتها وسكت اساسا
صاح كلامو ما قال حاجه غلط
حكيت ليهو الحاصل قال لي حاجة غريبه
والله بس بجيب ليك خبرها اصبري علي
بس عندك شئ تاني قلت ليهو اسمعني لو وقوفك جنبي بدافع الشفقه يبقي انسي اني طلبت منك شئ
قال لي بطلي حساسيتك وتتوهمك ده
ان شاءالله لمن اصل لنتائج حأبقي اتصل عليك وعلي كده اتفارقنا علي امل موعد اخر غير محدد بقيت امارس حياتي عادي بس اكبر مخاوفي كان مازن ده عارفاهو عندو مشاعر من ناحيتي
ليها منحني اخر غير الخوة بس ما عارفه
سبب الاحتفاظ بيها هل انا انسانة سيئه ولا ما بستاهل ما كان في داعي ارهق نفسي بأسئله اجوبتها ما عندي .. بتظاهر بأني قوية والموضوع ما فارق معي بس من
جواي عذاب ماف حد حاسي بي
حسناء دايما بتحاول تستفزني بأي طريقه وانا صابره علي ده كلو علي امل انو مازن يفيدني بشئ بس مع الاسف مرا شهر كامل ماف اي خبر بس شايله الصبر وساكته لدرجه اني اتصلت علي مازن قلت ليهو اسمع انسي موضوع حسناء
ما عاد يفرق انا ما عاوزه اعرف اي حاجه وشكرا ليك
قاطعني بقولو عنيده كالعاده ومتسرعه
انا اليوم كنت عاوز اتصل عليك
والاكتشفتو حيصدمك عشان كده
خليك مستعده وما ينفع اقول ليك العرفتو الا الاقيك وجه لوجه
#يتبع . . . .