رشة عطر

١٦

قلت ليهو بأستدراك الليله ولا بكره
قال لي بكره ريم اكيد حنتلاقي الساعه 11ص طيب شكرا فيك الخير
وقفلت منو بس من كترت التفكير بقيت
ما مركزه نهائي ومخي يودي ويجيب .
وحسناء ما جات ليها كم يوم متغيبه ياربي غيابها ده
عندو علاقه مع اتصال مازن طيب الرابط
شنو ؟؟؟؟؟ ولا ماف علاقه وانا متوهمه براي
استأذنت ورجعت بيتنا احسن لي من حرق الاعصاب عشان اتونس مع هبة
بس شكلو التوتر والتفكير ما عندي براي
هبوية ذاتها لقيتها ما ياها ومستاءه
قلت ليها بسم الله هبو مالك قال قعدتك
دي ما مطمنه شنو الحاصل عليه؟؟؟؟
قالت لي خطيبي السابق اتصل علي وعاوز يرجع وانا محتاره ارجع ولا لا ... ياريم انا عمري عدا وحأبقي غير مرغوبة والناس حتتكلم فوقي اشرت ليها انها تسكت
هبه انتي مجنونه ده شنو الكلام الانتي بتقولي فيهو ده !!؟؟؟ انتي ياهبه صغيره ما كبيره وثم تانيا دي ارزاق لا تشيلي هم انتي عاقله وواعيه وجميله مالك قال وخطيبك ده لو لسه متمسك بيك حبابو عشره خليهو
يتكلم مع ابوي وربنا يسعدك حتي هبه دي حسيت بيها ابتسمت شويه انا عارفة هبه ما محتاجه راي مني لانها واثقه من نفسها ومن قراراتها ,س عاوزه زول يسمعها
انا ذاتي محتاجه زول يسمعني يشيل الهم المخيم في قلبي ده بس ما حبيت اقلق بي هبه المهم الانتظار مازال
لحد بالليل ما قدرت انوم
**صباح الدنيا بي خيرها ** من الصباح انا منتظره مازن لحد ما جاءني
وشكلو مبسوط قلت ليهو غايتو ملا مح وشك دي تب ما مطمنه قال لي انا مبسوط كيف ما مطمنه بتحقدي علي ولا شنو؟؟
يازول خلاص خلصني انا من امس لا اكلت لا نمت احكي لي الحاصل شنو
حسناء دي منو ؟؟؟؟عاوزه شنو؟؟؟؟
قال لي شنو الاسئله الكثيره دي
اصبري علي شويه ياخ
ياريم انا بعد ما خليتك مشيت اتعرفت علي حسناء دي من قرب ياخ الزولة دي جميله وجواها نضيف بس بناء علي
ضغوطات معينة هي بتعمل كده , ومعاك انتي بالخصوص ياريم حسناء دي
ضاغطه عليها ستنا عشان تنتقم منك ؟؟؟؟
قلت ليهو : اوعي تكون ستنا ديك طيبب حرام عليها انا عملت ليها شنو ؟؟
قال لي ياخ ما تقاطعيني اصبري شوية حسناء دي ستنا ضاغطه عليها ومهدداها عاوزاها تعمل ليك نفسيات وتحرق اعصابك وتعيشك في حالة نفسيه . وتكسرك وتنتكسي مره تانية
طبعا حسناء دي اخت غالية الصغيره وهي عملت كده عشان بسببك انتي غاليه اعترفت عليها وكمان الدافع القوي انو ابوك هو القبض عليها ومن ديك ياريم وهي خاتاك في راسها ومتابعه كل تقاصيلك حتي عباس زوجك ما عرف بالصدفه موضوع الادمان ده هي الكلمتو . . غايتو ياريم مشاكلك
اكبر منك انا بطريقتي الخاصه قدرت اصاحب حسناء واعرف منها اي شئ وحسستها بالامان لحد ما كسبت ثقتها المهم سهلت ليها قروش وحاجات عشان تتخارج بره البلد وكلفتها ليك في عريس وسفرتهم
**
سكتت مسافه مصدومه . والله يا مازن
حيرتني ما عارفه اسوي شنو ستنا دي قلبها بضخ حقد بدل الدم
طيب انا هسي اعمل شنو ستنا دي ما حترتاح الا تنتقم منك حسيت لوهلة
بلخبطه شديده وقلت لي مازن حاجه مضحكه يا مازن هسي وحده زيي كده
كل العبر مجمعه فيني يحقدو علي في شنو ؟؟
قال لي ياريم انتي انسانه جميله من جواك
وتاني ما اسمعك بتقللي من شأنك لاقدامي
لا قدام زول تاني الزول كان ما قدر نفسو
ما في شخص حيقيمو فهمتي
ستنا دي انسي موضوعها انا اتصرفت فيهو وقمت باللازم ووريتها انها لو حاولت تتعرض ليك مره تانيه لا تلوم الا نفسها
عاينت لي مازن مسافه قلت ليهو انت جمايلك علي كتتيره شديد ما عارفه اكافئك كيف ولا اشكر
قال لي لا انا المحتاج اشكرك بالعكس
والله احترت فيهو هسي الساعد اخوهو
منو ؟؟
الليلة ياريم انا اكتشفت حاجه عظيمة ونفسي اقولها ليك بس ما بعرف ابدأ كيف
كل البعرفو انو الكلام ده واقف لي في حلقي اها انا اتحمست وقلت ليهو قول يا مازن اي حاجه مهما كانت انا حأتقبلها فجأه كده جوالو ضرب بعد رد قال لي اسف ياريم جاني مشوار ضروري انا مضطر اغادرك يلا فتك عافية
وكالعاده مشي وخلاني بس حأكون كده لمتين
انا عاوزه قعده مع نفسي ومازن افهم فيها مشاعري المشتته دي .
#يتبع .