رشة عطر

١٩

وفجأه جاتني بنت زياره غير متوقعة . . من احد رفيقات السؤ الفي الثانوية "ميمي" عاينت ليها بأستغراب قالت لي نسيتيني ولا شنو ياريم
قلت ليها لا طبعا معقول انسي دفعتي مرحب بيك حبابك نورتيني اتفضلي
بس متعجبة فيك عشان طولنا ما اتلاقينا
قالت لي اي والله انا جاية ابارك ليك ماشاءالله يختي خطبك مازن عدييل كده عاد قسمتك قوية
سبحان الله البت دي هي برغم انها جاية تبارك لي بس نيتها وسخانه من ناحيتي
قالت لي مازن ده صاحبها وكلام غير حميد طوالي وقفت ليها علي حيلي قلت ليها شكرا
علي معلوماتك بس ولاشي حيفرقنا ماف
وده خطيبي وانا بحبو و ما برضي فيهو يلا ودعتك الله يا ميمي "
وكأنو الزمن عاوز يرد لي الصاع الاديتو لي فريده زمان
وعرفت انو الايام دول عشان كده ما مفترض اإذي لي زول البتعملو في اخوك برجع ليك بس يا تري هل ميمي دي براها الحاقده علي ولا في ناس تانين؟؟ الحاجه الكويسة اني كنت متمسكه شديد بي مازن ده اي حاجه زي دي تحصل علي ما بكلم بيها زول تفاديا للمشاكل كل يوم بعدي علي احلي من الورد عرسي من مازن خلاص قرب كلها اسبوع يوم عرسي طلعت نجفه بس كل الناس تتكلم بي جمالي امي كتر خيرها باركت لي وطوالي راجلها
ساقها بحجة اانو مستعجلين واسباب هايفه ما بتخش الراس قدر الامكان حاولت اني اكون مبسووطه مهما كان السبب ما حأسمح لزول ينزع لي فرحتي
ايامي مع مازن كلها كانت زي الحلم الجميل زول حبوب وتعاملو معي احلا تعامل والمحبة البينا دي ذادت السعاده
العلينا اخواتو تعاملهن معاي عادي
بس بحس بي حاجز بيني وبينهم في التعامل كأنهن متحفظات او حزرات من التعامل معي مع انو هن ما عارفات اني مدمنه مخدرات سابقة
قلت احتمال عشان متزوجه قبل كده او انا ما بستاهل اعرس اخوهم الوسييم المسؤول الكل البنات جاريات في سكتو
انا كان ممكن اسكت بس الصمت مرات بيقتلك من جانب تاني ما حاولت احكي لزوجي "مازن
عشان ما اعمل حساسيه بينو وبين اهلو
ودايما بظهر اني سعيده وفرحانه مع انو
جواي عاوزه اموت من الحنق
قررت في يوم اني امش بيت ابوي اقيل معاهم وارجع لمن عرفو كده
سمعتهم بتوشوشن قاالت ليها احسن الله
يريحنا منها البت دي من دخلت بيتنا وانا
خايفة علي مازن ردت عليها اختها حييي انا الولد ده ماشاف لي وحده يعرسها الا بنت اعداءنا
من الصدمة لمن بقيت ارجف براي كلامهم
ده بالنسبه لي مبهم طوالي ظهرت قدامهم

قلت ليهم اعدااء شنو ابوي عمل ليكم شنو!
فالجواب حقهن كان الصمت اختو
الكبيره اعتذرت لي اسفه ياريم ما نقصد شئ بس انتي ما عندك ذوق تتسنطي علي كلامنا مالك قلت ليهن انا ماشه بيتنا وبرجع المساء وانا كلمت مازن وهو وافق
لمن مشيت بيتنا كنت فرحانه هبه بمزحه كده قالت لي اها ياريمو مشاكل اخبارك شنو شهقت مسافه قلت ليها
مبسوطه يا هبوية حد الانبساط . قالت لي كدي عيني في عينك كده فرحتك
دي في حاجة ملخبطها
قلت ليها ذكية كعادتك وكلمتها بالحاصل

المهم ادتني نصايح وحاجات كتير مفترض امش عليهاا عشان حياتي تتعدل
بس كلام اخوات مازن ده صداهو لسة في راسي هبه قالت لي لا تشيلي هم كل شئ حينكشف في وقتو المناسب .,,كلام
هبه ده خلاني اهدأ لكن ما لي وقت طويل
رجعت بيتي وانا متوتره ما عارفه لشنو
لقيت مازن قاعد المهم ما ازعجتو
بي أي شئ بس يا عالم لمتين حأسكت
سألني من اهلي وخبرهم
شايفه مزاجو رايق للنقاش قلت ليهو يا مازن عاوزاك في موضوع انا بس بتمني ما تفهمني غلط -
عاين لي مسافه قال لي اللهم اجعلو خير
احكي عندي كم ريم!
قلت ليهو يا مازن طبعا اهلك واخواتك ناس ماف منهم اثنين بس في مشكلة وااحده
انا عاوزاك تفصل بيتي برااااي عاوزه اخد
راحتي واتحمل المسؤولية كزوجة انا هنا حاسة نفسي زي الضيفه ووجودي ما منو لزمة , بتمني تتفهمني
قال لي ياريم انا ذاتي ضد انو البت تسكن مع نسابتها حتي لو كانو كويسين
عشان كده ياا أملي ومناي انا هسي مشواري ده اجرت لي بيت وبيتنا العديل قرب يخلص كنت عاملها ليك مفاجأه بس شكلها ما حتبقي مفاجأه
فرحت شديد من الحاجه دي حسيت انو
افكارنا متوحده
طبعا لمن فاتح اخواتو في الموضوع
ولااا اتمسكن بي كتير كمان بالعكس فرحن وحتي ملامح وشن بتقول كده
بس انا مالي معاهم اهم شئ راحتي بعد رحولنا لبيت تاني اضطريت اني اجيب لي بنت تشتغل لي باقي لي انا بنت دلعانه شوية وما شاده حيلي علي شغله البيت بس مع الايام بتعلم
عايشين مستقرين في امن الله المغربيه كده مازن فات الدكان والباب ضرب لمن فتحتو لقيتو راجل انا ما بعرفو قال لي انا
صديق مازن قلت ليهو انتظرو لمن يجي
قال لي لا .انا مستعجل بس اديني رقمو
ما عارفه هل من الغباء اني اديهو الرقم
ولا كده صاح قدر ما وصفتو لي مازن ما عرفو فجأه التلفون رن من مازن سمع الصوت ارتبك وطلع بره عشان يواصل كلامو
#يتبع . . . .