نفسياتي ارتاحت بعد عرفت حقيقه حسناء
وعرفت أنو في اعداء بترصدو عشان كده لازم اكون حزره بس الكلام القالو مازن في النهاية ده شوش لي فكري ,
فكان لازم احسم المعركة المدوره
جواي يا إما انساه تماما ويكون موقفي ناحيتو اخ وصديق وصاحب
او احدد موقفي معاهو كحبيب وزوج
مرات الانسان ضميرو ما برتاح الا اذا
حدد طريقو وعرف نفسو ماش علي وين اظن يكون كلامي ده بداية تحول .حقيقيه .في حياتي .بس منتظره فرصة
طبعا الكلام ده كلو وانا سرحانة لحدي ما فجأه جوالي قطع علي افكاري كلها
عاينت في الشاشة مع الاسف الرقم غريب
واناا عندي فضول غير طبيعي للأرقام الغريبه وطوالي رديت
الو : وعليكم السلام
فكان صوت مرأه قالت لي ياريم لازم نتلاقي المكان الفلاني الساعه 4م اليوم
بتمني انك تجي عندي كلام يهمك ! وبخص مازن
القلق الفيني ذاد بكميات كبيره
بعد الخط قفل بقيت في صراع نفسي
امشي وراء فضولي ولا اسمع صوت خوفي
وما امش ما كان عندي زمن للتفكير
اتخذت قرار اني اغامر و امش اقابل لي شخص انا ما عارفاهو رغم انو الصوت ما كان غريب علي . . .
المهم مشيت وقعدت زي عشره دقايق انا منتظره وماف اي زول
جاء لحد ما فجأه كانت الصدمة
شفت ستنا في وشي بعد ما جاتني
قالت لي هاها بقيتي سمحه ياريم
طبعا نططت عيوني وألف سؤال في راسي ياربي المكالمة دي من ستنا ولا دي مجرد صدفه غير مرحب بيها , , , , ,
المهم الفهمتو منها انها جايباني عشان
تستفزني وتتلاعب بي اعصابي وتأثر لي علي نفسياتي قالت لي انتي انسانة غبيه . . . . ياريم اي اتصال هاتفي يجيك طوالي بتجي ما اتخيلتك خفيفه للدرجه دي
كل العملتو اني عاينت ليها نظره استفزازيه ومشيت منها . "دي متين طلعت من السجن ؟؟ خليت ليك راسها يودي ويجيب ما عارفه البني ادمة دي بتفكر كيف
مشيتي ليها دي ادتني دروس كتيره ممكن انتبه عليها في باقي حياتي . . .
ومن ناحية تانيه خلقت لي موضوع مقنع عشان الاقي مازن حأتصل عليهو
بس ما الليلة اكيد في يوم تاني
رجعت البيت بعد يوم طويل مرا علي
بس الشقاوة شكلها ما حتنتهي لقيت بيتنا زي الفيهو جوطه والاصوات مختلطه مع بعض ماقدرت اعرف ده صوت منو شكلو في ضيوف عرفت في النهايه انو ديل خطاب هبة وخلاص حددو عرسهم
راسي لمن شطب لأنو حاجه زي دي ماكان متوقعه لا مني لا من هبه بس فرحت ليها ما شرط اعرف كل حاجه المهم انو اختي فرحانه ودي براها بالدنيا
بعدها حياتي ماشه طبيعية
بس فيها حاجه ناقصة ماقادره اعرفها
في لحظه اتصلت علي مازن كلمتو بموضوع ستنا الحصل معي . . .اضطريت اني اقابلو رغم اني حلفت منو قال لي لا تشتغلي بيها كتير وبعدين كتر خيرها الخلتك
تتصلي علي وتلاقيني ولا شنو ياريم اسمعي انا عاوزك في موضوع وخلاص حأقولك بعد كده واليحصل يحصل ريم انا اخترتك ام لعيالي 🌸💗 والله حسيت بالدنيا كلها بتلف بي لاني ما متخيله انو مازن ده في يوم يقول لي كده ياريم انا كل مره بحاول اتجنبك بس ما قدرت كل مره بلقي نفسي متورط فيك علي رغم اني حاولت اتناساك بخطوباتي الاثنين برضو ما قدرت قلت ليهو طيب يا مازن حيرتني معاك لو الكلام ده صاح طيب ليه بتكابر
اول مره اشوف مازن بدمع قال لي لأنك ما بتستاهليني ما عرفت اضحك ولا ابكي
قلت ليهو لا بالعكس يا مازن انا كل العبر فيني انت الما بتستاهل وحده زي انا
فجأه قطعت كل الكلام ده وقلت ليهو انا موافقة يا مازن بس تصل ابوي
ساعتها سكت مسافه طويله
خوفت اكون اتسرعت في موافقتي اقلاها كان اقول ليهو عاوزه افكر .... يمكن كنت خايفاهو يضيع مني مازن : ريم حتكوني معاي ؟؟
قلت ليهو معك في كل حاجه حلوه او مره . .وده وعد مني
يتبع
أنت تقرأ
رشة عطر
Romanceبقلم فاطمه الهادي اكتب عن رحلتي بين الماضي والحاضر والمستقبل بين حياة عشتها واخري تمنيتها عن اقداري وصدفي التي انتشلتني من خيباتي وحماقاتي احيانا حتي ذاكرتي التي تخزلني في كل مره لم تخزلني لتنسيني ما كتبته يداي بين صفحات لمذكره جميله الغلاف .... تف...
