ﻫﺮﺷﺘﻨﻲ ﻟﻤﻦ ﺍﺗﺨﻠﻌﺘﺎ ﻭ ﺩﻣﻮﻋﻲ ﺩﻳﻞ ﻧﺰﻟﻮ
ﻗﻠﺖ ﻟﻴﻬﺎ ﺩﺍ ﺵ ﺷﺸﻨﻮﻭﻭ ؟
ﻭ ﻋﻴﻨﻲ ﻓﻲ ﻏﻴﺪﺍﺀ ﺩﻱ ﺩﻣﻮﻋﺎ ﻧﺎﺯﻟﻪ ، ﻭ ﺗﻘﻮﻝ ﻟﻴﻬﺎ ﺍﻣﻲ ﺑﺮﺍﺣﻪ ﻫﻲ ﻟﺴﻪ ﻋﻴﺎﻧﻪ ﻳﺎ ﺍﻣﻲ ، ﺗﻘﻮﻝ ﻟﻴﻬﺎ ﺍﻧﺘﻲ ﺍﺳﻜﺘﻲ ﻳﺎ ﺗﻄﻠﻌﻲ ﺑﺮﺍﺍﺍﺍ .
ﻗﺎﻟﺖ ﻟﻲ ﺍﻣﺴﻜﻲ ، ﻣﺴﻜﺖ ﻛﺮﺕ ﺍﺑﻴﺾ ﺻﻐﻴﺮ ﻣﻜﺘﻮﺏ ﻓﻴﻬﻮ ﺳﻼﻣﺘﻚ ﺣﺒﻴﺒﺘﻲ ﺍﻧﺎ ﻣﺎ ﺗﺸﻮﻓﻲ ﺷﺮ ﻭ ﻣﻌﺎﻫﻮ ﺗﻼﺗﻪ ﻭﺭﺩﺍﺕ ﺣﻤﺮﺍ ﻭ ﺻﻔﺮﺍ ﻭﺑﺼﻠﻲ ، ﻭﻓﻲ ﺍﺧﺮ ﺍﻟﻜﺮﺕ ﻛﺎﺗﺐ ﻋﻤﺮ ،، ﺑﺲ ﻗﻌﺪﺕ ﺍﺑﻜﻲ ﻗﻠﺖ ﻟﻴﻬﺎ ﻭﺍﻟﻠﻪ ﺍﻧﺎ ﻣﺎ ﺑﻌﺮﻓﻮ ﻳﺎ ﺍﻣﻲ ، ﻗﺎﻟﺖ ﻟﻲ ﻓﻠﻨﻔﺮﺽ ﺍﻧﻮ ﺍﻟﻮﺭﺩ ﺩﺍ ﺟﺎ ﻏﻠﻂ ﻋﻠﻲ ﺍﻟﺒﻴﺖ ، ﻣﻤﻜﻦ ﺗﻔﻬﻤﻴﻨﻲ ﻋﻤﺮ ﺍﻟﺒﺘﻬﻀﺮﺑﻲ ﺑﻴﻬﻮ ﺩﺍ ﻳﻄﻠﻊ ﻣﻨﻮ ؟
ﺑﺲ ﺑﻘﻴﺖ ﺑﺒﻜﻲ ﻭ ﻣﺼﻤﻤﺔ ﺍﻧﻲ ﻣﺎ ﺑﻌﺮﻓﻮ ﻓﺠﺎﻩ ﺍﻣﻲ ﻗﺎﻣﺖ ﻋﻠﻲ ﺣﻴﻠﻬﺎ ﻭ ﺻﺮﺭﺭﺍﺍﺍﺍﺍﺍﺍﺝ ﺍﺩﺗﻨﻲ ﻛﻒ ﻟﻤﻦ ﺻﺮﺧﺘﺎ ، ﻭﺑﻘﻴﺖ ﺑﺒﻜﻲ ﺑﻜﺎ ﻫﺴﺘﻴﺮﻱ ، ﻗﺎﻟﺖ ﻟﻲ ﺍﻧﺎ ﺷﻜﻠﻲ ﻓﻌﻼ ﻣﺎ ﻋﺮﻓﺘﺎ ﺍﺭﺑﻴﻜﻲ ﻳﺎ ﺍﻗﺒﺎﻝ ، ﺍﻧﺎ ﺍﺫﺍ ﺍﻋﺘﺒﺮﺗﻚ ﺑﻨﻲ ﺁﺩﻣﺔ ﻭﺍﺩﻳﺘﻚ ﺣﺮﻳﺘﻚ ﺩﺍ ﻣﺎ ﻣﻌﻨﺎﻫﻮ ﺍﻧﻚ ﺗﻌﺮﻓﻲ ﺍﻭﻻﺩ ﻭ ﺗﻘﻠﻲ ﺍﺩﺑﻚ ﻭﺭﺑﻨﺎ ﻳﺴﺘﺮ ﻛﻤﺎﻥ ﻡ ﺗﻜﻮﻧﻲ ﻏﻠﻄﺘﻲ ﻋﺸﺎﻥ ﺍﺿﺒﺤﻚ ﻭﺍﻋﻠﻘﻚ ﻓﻲ ﺍﻟﺒﺎﺏ ﺩﺍ ، ﻋﺎﺭﻓﻪ ﻣﻦ ﺍﻟﻠﺤﻈﻪ ﺩﻱ
ﻃﻠﻌﻪ ﻣﻦ ﺍﻟﺒﻴﺖ ﻣﺎﻓﻲ ﺍﻻ ﺭﺟﻠﻲ ﻋﻠﻲ ﺭﺟﻠﻚ ﻳﺎ ﺍﻗﺒﺎﻝ ﻓﺎﻫﻤﻪ ﻭﻻ ﻣﺎ ﻓﺎﻫﻤﻪ ..
ﺑﻘﻴﺖ ﺑﺲ ﺑﺒﻜﻲ ﺍﻭﻝ ﻣﺮﺓ ﺍﻣﻲ ﺗﻤﺪ ﻳﺪﻫﺎ ﻋﻠﻲ ، ﺍﻣﻲ ﻃﻠﻌﺖ ﻭﺟﺎﺗﻨﻲ ﻏﻴﺪﺍﺀ ﺣﻀﻨﺘﻨﻲ ﻗﺎﻟﺖ ﻟﻲ ﻣﻌﻠﻴﻴﺶ ﻣﺎ ﺗﺰﻋﻠﻲ ﻣﻦ ﺍﻣﻲ ﺩﺍ ﺧﻮﻑ ﻋﻠﻴﻜﻲ ، ﻟﺰﻳﺘﺎ ﻗﻠﺖ ﻟﻴﻬﺎ ﺍﺑﻌﺪﺩﺩﻱ ﻋﻨﻲ
ﺍﺻﻼ ﺍﻧﺘﻲ ﻓﺮﺣﺎﻧﻪ ﻋﺸﺎﻥ ﺍﻣﻲ ﺿﺮﺑﺘﻨﻲ ، ﻗﺎﻟﺖ ﻟﻲ ﺍﻗﺒﺎﻝ ﻗﻮﻟﻲ ﺑﺴﻢ ﺍﻟﻠﻪ ﺍﻧﺘﻲ ﺍﺧﺘﻲ ﺍﻟﺼﻐﻴﺮﺓ ﺍﻟﺒﺤﺒﻬﺎ ﻟﻴﻪ ﻳﻌﻨﻲ ﺍﻧﺎ ﺣﺘﻤﻨﻲ ﻟﻴﻜﻲ ﺍﻟﻜﻌﺐ
ﻗﻠﺖ ﻟﻴﻬﺎ ﻣﺎ ﺑﻌﺮﻑ ﺍﻃﻠﻌﻲ ﻣﻦ ﻏﺮﻓﺘﻲ ، ﻗﺎﻟﺖ ﻟﻲ ﺣﺎﺿﺮ ﻃﺎﻟﻌﻪ ﺑﺲ ﺭﻭﻗﻲ ،،
ﻃﻠﻌﺖ ﻭﻗﻔﻠﺖ ﺍﻟﺒﺎﺏ ، ﺭﻗﺪﺕ ﻧﻤﺘﺎ ﺑﻌﺪﻫﺎ ﺑﺴﺎﻋﻪ ﺟﺎﺗﻨﻲ ﺳﻠﻤﻲ ، ﺣﻀﻨﺎﻧﻲ ﻭﺳﻠﻤﺖ ﻋﻠﻲ ﻗﺎﻟﺖ ﻟﻲ ﻓﻘﺪﺗﻚ ﺍﻧﺘﻲ ﻣﺎ ﺑﺘﺴﺎﻟﻲ ﻣﻨﻲ ﺍﻻ ﺍﻧﺎ ﺍﺳﺎﻝ ﻣﻨﻚ ، ﺳﻜﺘﺎ ﻡ ﺭﺩﻳﺖ
ﻗﺎﻟﺖ ﻟﻲ ﺟﺴﻤﻚ ﺳﺨﻦ ، ﺧﻠﻴﻨﻲ ﺍﺟﻴﺐ ﻛﻤﺎﺩﺍﺕ ، ﻗﻠﺖ ﻟﻴﻬﺎ ﻡ ﺩﺍﻳﺮﺓ ﺣﺎﺟﺔ ﺍﻃﻠﻌﻲ ﺑﺮﺍﺍ ﻗﺎﻟﺖ ﻟﻲ ﺑﺴﻢ ﺍﻟﻠﻪ ﺍﻗﺒﺎﻝ ، ﺍﻧﺘﻲ ﺯﻋﻼﻧﻪ ﻣﻨﻲ ﻓﻲ ﺣﺎﺟﻪ ؟
ﻓﺠﺎﻩ ﻫﺠﺖ ﻓﻴﻬﺎ ، ﻗﻠﺖ ﻟﻴﻬﺎ ﺍﻧﺘﻲ ﻗﺎﻳﻠﻪ ﻧﻔﺴﻚ ﻣﻨﻮﻭﻭ ﻫﺎﺍﺍﺍ ﺍﻧﺘﻲ ﻭ ﺍﺧﻮﻛﻲ
ﻋﺸﺎﻥ ﺍﺩﻳﺘﻜﻢ ﻓﺮﺻﻪ ﺗﺪﻫﻠﻮ ﺣﻴﺎﺗﻲ ﺧﻼﺹ ﻗﺎﻳﻠﻴﻦ ﻧﻔﺴﻜﻢ ﺍﻻﻣﺮ ﻭ ﺍﻟﻨﺎﻫﻲ ﻓﻲ ﺣﻴﺎﺗﻲ ﺑﻬﻨﺎﻙ ﺍﺧﻮﻛﻲ ﺩﺍﻳﺮ ﻳﺘﺰﻭﺟﻨﻲ ﻭ ﺑﻬﻨﺎ ﺍﻧﺘﻲ ﻗﺎﻋﺪﻩ ﻓﻲ ﺑﻴﺘﻲ ﻛﺎﻧﻚ ﺳﺘﻮﻭ ..
أنت تقرأ
ضحية رقم 815
Aksiالوجعه الحقيقيه لمن تكتشف انك كنت ماشي غلط وعايشه حياتك دي كلها غلط في غلط ، بس حتكتشف الحاجة دي متين ؟ لمن تلقي ان الندم زمنو راااااح ، لمن الدنيا تعاقبك وتخسري حاجات عمرك م اتخيلتي في يوم تخسريها .... ضحية رقم 815 قصه واقعيه م...
