ضحية رقم 815

الجزء 16

ﻗﻠﺖ ﻟﻴﻬﻮ ﺍﻧﺎ ﻋﺎﻗﺪﻳﻦ ﻋﻠﻲ ، ﻗﺎﻝ ﻟﻲ ﺗﻤﺎﻡ ﻭ ﺭﺑﻨﺎ ﻳﺘﻢ ﻋﻠﻲ ﺧﻴﺮ ‏( ﺑﺎﻟﺠﺪ ﺭﺩﺓ ﻓﻌﻞ ﻏﺮﻳﺒﻪ ‏) ﻭﻗﻔﻞ ﻋﻠﻲ ﻛﺪﺍﺍ ، ﻭ ﺍﻟﻤﺤﻴﺮﻧﻲ ﻋﻤﺮ ﺍﺧﺘﻔﻲ ﻧﻬﺎﺋﻲ .. ﻧﻤﺖ ﻭﺻﺤﻴﺖ ﺍﻟﺼﺒﺎﺡ ﻟﻘﻴﺖ ﺍﻟﺒﻴﺖ ﺟﺎﻳﻂ ﺷﺪﻳﺪ ﻧﺎﺱ ﺧﺎﻟﺘﻲ ﻭ ﺍﻋﻤﺎﻣﻲ ﻭﻛﺪﺍ ، ﺍﻫﻞ ﻭﻟﻴﺪ ﺍﻟﻈﺎﻫﺮ ﻛﻠﻤﻮ ﺑﺎﺑﺎ ﻭ ﺍﻟﻌﺮﺱ ﺧﻼﺹ ، ﺍﻟﻮﻗﺖ ﺿﺎﻕ ﻭ ﺑﺪﻭ ﻳﺠﻴﺒﻮ ﻟﻲ ﺍﻟﺸﻴﻠﻪ ﻭ ﺍﻟﺪﻫﺐ ، ﻣﺎ ﺧﻠﻮ ﻟﻲ ﺣﺎﺟﻪ ، ﻃﺒﻌﺎ ﻓﺮﺣﺎﻧﻪ ﻓﺮﺡّ

ﺍﻻ ﺍﻣﻲ ﻭ ﻏﻴﺪﺍﺀ ﺯﻋﻼﻧﻴﻦ ، ﻭﺗﺎﻧﻲ ﺟﻮﻧﻲ ، ﺍﻣﻲ ﺗﻘﻮﻝ ﻟﻲ ﻳﺎ ﺍﻗﺒﺎﻝ ﻣﺎ ﻋﺎﻳﺰﺓ ﺍﺷﻴﻞ ﺫﻧﺒﻚ ﻟﻜﻦ ﺧﻼﺹ ﺍﻟﻐﻲ ﺍﻟﻌﺮﺱ ﺩﺍ ﻭﺍﻧﺎ ﻣﺴﺘﻌﺪﻩ ﻧﺴﺎﻓﺮ ﻛﻠﻨﺎ ﺍﻟﺒﻠﺪ ﺍﻟﺘﺤﺒﻴﻬﺎ ، ﻗﻠﺖ ﻟﻴﻬﺎ ﻳﺎ ﺍﻣﻲ ﺍﻟﻘﺮﻭﺵ ﺩﻱ ﺍﻭﻟﻰ ﺍﺑﻮﻱ ﻳﺘﻢ ﺑﻴﻬﺎ ﻣﺸﺮﻭﻋﻮ

ﻭ ﺍﻧﺎ ﺑﺠﻴﻜﻢ ﺍﺟﺎﺯﺍﺕ ، ﻏﻴﺪﺍ ﺑﺲ ﺗﺠﻲ ﺗﺤﻀﻨﻲ ﻭ ﺗﺒﻜﻲ ﻭ ﺗﻘﻮﻝ ﻧﻔﺲ ﻛﻼﻡ ﺍﻣﻲ ، ﻗﺎﻟﺖ ﻟﻲ ﻳﻌﻨﻲ ﺣﺘﺒﻌﺪﻱ ﻋﻨﻨﺎ ﺑﺴﺒﺐ ﺍﻟﺴﻔﺮ ﻛﻴﻒ ﻣﺎ ﺣﺘﻔﻘﺪﻳﻨﺎ ﻋﺎﺩﻱ ﺗﻘﻌﺪﻱ ﻣﻦ ﻏﻴﺮﻧﺎ ﻳﺎ ﺍﻗﺒﺎﻝ ؟ ﻗﻠﺖ ﻟﻴﻬﺎ ﺍﺳﻲ ﺍﻟﺒﻜﺎ ﻟﺰﻭﻣﻮ ﺷﻨﻮ ﻋﺎﻳﺰﻳﻦ ﺗﻀﺎﻳﻘﻮﻧﻲ ﻭﺧﻼﺹ ، ﺩﺍ ﻃﺒﻌﺎ ﻗﺒﻞ ﺍﻟﻌﺮﺱ ﺑﻴﻮﻡ ، ﺍﻟﻤﻬﻢ ﺑﻌﺪ ﻃﻠﻌﻮ ﻣﻨﻲ ، ﺍﺗﺼﻠﺖ ﻋﻠﻲ ﺳﻠﻤﻰ ﻗﻠﺖ ﺍﻋﺰﻣﺎ ، ﺭﺩ ﻟﻲ ﻣﺤﻤﻮﺩ ﺍﺧﻮﻫﺎ ، ﻗﻠﺖ ﻟﻴﻬﻮ ، ﺍﻟﻮﻭﻭ

* ﻗﺎﻝ ﻟﻲ ﻱ ﻫﻼﺍ ﺍﻗﺒﺎﻝ ﻛﻴﻔﻚ

ﻗﻠﺖ ﻟﻴﻬﻮ ﺑﺨﻴﺮ ﺣﻤﺪﻟﻠﻪ

* ﻗﺎﻝ ﻟﻲ ﺩﻱ ﺷﻨﻮ ﺍﻟﺠﻮﻃﻪ ﺍﻟﺠﻤﺒﻚ ﺩﻱ ﺷﻜﻠﻚ ﻓﻲ ﻣﻨﺎﺳﺒﻪّ

ﻗﻠﺖ ﻟﻴﻬﻮ ﺍﻱ ﺩﻟﻮﻛﺔ ﺩﻱ ﻋﺮﺳﻲ

* ﺳﻜﺖ ﻗﺎﻝ ﻟﻲ ﻣﺒﺮﻭﻭﻙ

ﻗﻠﺖ ﻟﻴﻬﻮ ﺍﻟﻠﻪ ﻳﺒﺎﺭﻙ ﻓﻴﻚ ، ﺑﺲ ﺳﻠﻤﻰ ﻭﻳﻦ ﻟﻴﻬﺎ ﻛﻢ ﻳﻮﻡ ﻣﺨﺘﻔﻴﻪ ، * ﻗﺎﻝ ﻟﻲ ﻭﺍﻟﻠﻪ ﻋﻴﺎﻧﻪ ﻟﻴﻬﺎ ﺧﻤﺴﻪ ﻳﻮﻡ ﺭﺍﻗﺪﻳﻦ ﺑﻴﻬﺎ ﺍﻟﻤﺴﺘﺸﻔﻲ

ﻗﻠﺖ ﻟﻴﻬﻮ ﻻﻻ ﺳﻼﻣﺘﺎ ﻭﺍﻟﻠﻪ ﺍﻧﺖ ﻋﺎﺭﻑ ﻇﺮﻓﻲ ﻟﻮ ﻣﺎ ﺍﻟﻌﺮﺱ ﺩﺍ ﻛﺎﻥ ﺟﻴﺘﻜﻢ ،

* ﻗﺎﻝ ﻟﻲ ﻣﻌﺬﻭﺭﺓ ، ﻗﻠﺖ ﻟﻴﻬﻮ ﺗﻤﺎﻥ ﺳﻼﻣﻲ ﻟﻼﻫﻞ ،، ﻗﺎﻝ ﻟﻲ ﺍﻟﻠﻪ ﻳﺴﻠﻤﻚ ﻭ ﻗﻔﻞ ..

ﻣﺎ ﻟﻘﻴﺖ ﺯﻭﻝ ﺍﻋﺰﻣﻮ ﻣﺎ ﻋﻨﺪ ﺻﺤﺒﺎﺕ ﺍﺗﺎﺛﺮﺗﺎ ﻛﺪﺍ ﻭﺍﻟﻌﺮﺱ ﻣﺴﺦ ﻟﻲ ، ﻣﺸﻴﺖ ﺍﻟﻜﻮﺍﻓﻴﺮ ﻟﻠﺤﻨﻪ ، ﺭﺳﻤﺖ ﻭ ﺧﻠﺼﺘﺎ ، ﺭﺳﻞ ﻟﻲ ﻭﻟﻴﺪ ، ﻳﺸﻴﻞ ﻭ ﻳﺮﺳﻞ ﻟﻲ ﺭﺳﺎﻳﻞ ﺭﻭﻣﻨﺴﻴﻪ ﻭ ﺍﺗﺼﺎﻻﺕ ﻭ ﻭﻧﺴﻪ ﺻﺮﺍﺣﻪ ﺑﻘﻴﺖ ﺷﺎﻳﻔﻪ ﺣﻴﺎﺗﻲ ﻣﺘﺠﺴﺪﺓ ﻓﻴﻬﻮ ، ﺣﺒﻴﺘﻮ ﺑﺎﻟﺠﺪ ﻻﻭﻝ ﻣﺮﺓ ﺍﺣﺐ ﺯﻭﻝ ﻛﺪﺍﺍ ..

ﺟﺎ ﺗﺎﻧﻲ ﻳﻮﻡ ، ﺍﻟﻴﻮﻡ ﺍﻟﻤﻮﻋﻮﺩ

ﻣﻦ ﺍﻟﺼﺒﺎﺡ ﻓﻲ ﺍﻟﻜﻮﺍﻓﻴﺮ ﻭ ﺑﻴﺘﻨﺎ ﺩﺍ ﻣﻘﻠﻮﺏ ﻣﻌﺎﺯﻳﻢ ﺍﻏﻠﺒﻴﺘﻬﻢ ﻣﺎ ﺑﻌﺮﻓﻬﻢ ، ﻻﻧﻜﻢ ﺯﻱ ﻡ ﻋﺎﺭﻓﻴﻦ ﻡ ﻋﻨﺪﻱ ﻋﻼﻗﺎﺕ ، ﻗﺎﻋﺪﻩ ﻓﻲ ﺍﻟﻜﻮﺍﻓﻴﺮ ﺑﻴﻌﻤﻠﻮ ﻟﻲ ﺍﻟﻤﻜﻴﺎﺝ ، ﺟﺎﺗﻨﻲ ﺭﺳﺎﻟﻪ ﻣﻦ ﻋﻤﺮ ، ﻗﺎﻝ ﻟﻲ * ﻣﺒﺮﻭﻭﻭﻙ ﺍﻟﺰﻭﺍﺝ *