ضحية رقم 815

الجزء 20

ﻭﻗﻔﺘﺎ ﺑﻌﺎﻳﻦ ، ﻗﻠﺖ ﺩﻱ ﻟﻮ ﺍﻟﺤﺒﺸﻴﻪ ﻛﺎﻥ ﻃﺮﺩﻭﻫﺎ ، ﺟﺎ ﺍﺣﻤﺪ ﻣﻦ ﻭﺭﺍﻱ ، ﻗﺎﻝ ﻟﻲ ﺩﺍ ﺍﻧﺎ ، ﻗﻠﺖ ﻟﻴﻬﻮ ﻭﺧﻴﺮ ! ﻗﺎﻝ ﻟﻲ ﻻ ﻋﺎﺩﻱ ﻗﻠﺖ ﺍﺧﺪ ﻓﻴﻚ ﺍﻻﺟﺮ ، ﻗﻠﺖ ﻟﻴﻬﻮ ﺍﻧﺎ ﻣﺎﻓﻲ ﻣﺰﺍﺝ ﻳﺴﻤﺢ ﻟﻲ ﺍﺟﺎﺩﻟﻚ ، ﻗﺎﻝ ﻟﻲ ﺣﻠﻮﻭﻭ ﺑﺲ ﺗﺎﻧﻲ ﻣﺮﺓ ﻡ ﺗﺴﺘﻐﻔﻠﻴﻨﻲ ﻭﺍﻣﻮﺭ ﺍﻻﺭﻗﺎﻡ ﻭﺍﻣﻴﻨﺔ ﻭ ﻣﺎ ﺍﻣﻴﻨﺔ ﺩﺍ ﻣﺎ ﺑﻴﻤﺸﻲ ﻋﻠﻲ ، ﺣﻌﺘﺒﺮ ﺯﻱ ﺍﻟﻜﺄﻧﻮ ﻣﺎﻓﻲ ﺣﺎﺟﻪ ﺣﺼﻠﺖ ، ﻃﺒﻌﺎ ﻣﺬﻫﻮﻟﻪ ﻋﺮﻑ ﻛﻴﻒ ﺩﻱ ﺍﻧﺎﺍﺍ !! ﻗﻠﺖ ﺍﺳﺘﻐﺒﻲ ، ﻗﻠﺖ ﻟﻴﻬﻮ ﻣﺎ ﻓﻬﻤﺘﻚّ

ﻗﺮﺏ ﻣﻨﻲ ،، ﻗﺎﻝ ﻟﻲ ﻋﺎﻳﻨﻲ ﻓﻲ ﻋﻴﻮﻧﻲ ﻭ ﻗﻮﻟﻲ ﻓﻌﻼ ﺍﻧﻚ ﻣﺎ ﻓﻬﻤﺘﻴﻨﻲ ، ﻗﻠﺖ ﻟﻴﻬﻮ ﺍﻧﺖ ﺣﻴﻮﺍﻥ ﻭﻻ ﺷﻨﻮ ، ﺯﺡ ﻛﺪﺍ ‏( ﺑﺎﻧﻔﻌﺎﻝ ‏)

ﻗﺎﻝ ﻟﻲ ﺻﻮﺗﻚ ﻣﺎ ﻳﻌﻼ ﻟﻲ ، ﻻﻧﻮ ﺑﺎﺧﺘﺼﺎﺭ ﺍﻧﺖ ﻣﺎﻓﻲ ﻣﻮﻗﻒ ﻳﺴﻤﺢ ﻟﻴﻜﻲ ﺑﻜﺪﺍﺍﺍ ، ﺳﻜﺖ ﻭ ﻣﺸﻴﺖ ﻗﻌﺪﺕ ﻓﻲ ﺍﻟﻤﺮﺗﺒﻪ ، ﻗﻠﺖ ﻟﻴﻬﻮ ﺍﻧﺖ ﻃﺎﻟﻊ ﺍﻗﻔﻞ ﺍﻟﺒﺎﺏ ﻭﺭﺍﻙ ..

ﻃﻠﻊ ﻓﻌﻼﺍ ﻭ ﻗﻌﺪﺕ ﺍﺑﻜﻲ ﻋﺎﻳﺰﺓ ﺍﻃﻠﻊ ﺍﻣﺸﻲ ﺑﻴﺘﻨﺎ ﻣﺎﻗﺎﺩﺭﺓ ﺍﺗﺤﻤﻞ ، ﻓﺎﺕ ﺍﺳﺒﻮﻉ ﻋﺪﻳﻞ ﻋﻠﻲ ﺍﻟﺤﺎﻝ ﺩﺍ ﻭﻣﺎﻓﻲ ﺍﻱ ﺟﺪﻳﺪ ﺑﺤﺎﻭﻝ ﺑﻜﻞ ﺍﻟﻄﺮﻕ ﺍﻥ ﺍﺿﺎﻧﻲ ﺗﻜﻮﻥ ﻓﻲ ﻛﻞ ﺣﺘﻪ ﻓﻲ ﺍﻟﺒﻴﺖ ﺑﺲ ﻣﺎ ﺍﺗﻮﺻﻠﺘﺎ ﻟﺸﻲ ، ﺍﺗﺰﻛﺮﺕ ﺍﻟﺘﻠﻔﻮﻥ

ﺷﻠﺘﻮ ﻭﻓﺘﺤﺖ ﺍﻟﻔﻴﺪﻳﻮ ﻭﺑﻘﻴﺖ ﺑﻌﺎﻳﻦ ﻓﻲ ﺍﻻﻣﺎﻛﻦ ﺍﻟﻤﻤﻜﻦ ﺗﻜﻮﻥ ﻓﻴﻬﺎ ﺧﺬﺍﻧﺔ ﺳﺮﻳﻪ ، ﺍﻟﻴﻮﻡ ﺩﺍ ﻧﺰﻟﺖ ﺗﺤﺖ ﻟﻘﻴﺖ ﻋﻢ ﻋﺒﺪﺍﻟﻠﻪ ، ﻗﻠﺖ ﻟﻴﻬﻮ ﻋﺎﻳﺰﺓ ﺍﻣﺸﻲ ﻻﻫﻠﻲ ﺍﺷﺘﻘﺖ ﻟﻴﻬﻢ ، ﻗﺎﻝ ﻟﻲ ﻛﻼﻡ ﻡ ﻣﺘﺰﻛﺮﺍﻫﻮ ﻻﻥ ﻡ ﺭﻛﺰﺗﺎ ﺑﻌﻠﻴﻦ ﻓﻲ ﻳﺪﻭ ﺍﻧﺎ ﻗﺎﻃﻌﺘﻮ .. ﻗﻠﺖ ﻟﻴﻬﻮ ﻋﻢ ﻋﺒﺪﺍﻟﻠﻪ ﺧﺎﺗﻤﻚ ﺩﺍ ﻏﺮﻳﺐ ﺷﺪﻳﺪ ..

ﻗﺎﻝ ﻟﻲ ﺩﺍ ﻫﺪﻳﻪ ﻣﻦ ﺍﻧﺴﺎﻧﻪ ﻏﺎﻟﻴﻪ ﻋﻠﻲ ، ﻟﻤﻦ ﺣﺲ ﺑﻨﻔﺴﻮ ﻗﺎﻡ ﺳﻜﺖ ﻗﺎﻟﻲ ﺯﻭﻝ ﻋﺰﻳﺰ ﻋﻠﻲ

ﻗﻠﺖ ﻟﻴﻬﻮ ﻫﻮ ﺑﺲ ﻛﺪﺍ ؟ ﻡ ﻧﺎﻗﺼﻪ ﻣﻨﻮ ﺣﺎﺟﻪ ؟؟ ﺟﺎ ﻭﻟﻴﺪ ﺩﺍﺧﻞ ، ﻃﺒﻌﺎ ﺳﻜﺘﺎ ..

ﻗﺎﻝ ﻟﻲ ﺍﻧﺘﻲ ﺑﺘﺘﻼﺋﻤﻲ ﻣﻊ ﺍﻣﻲ ﻣﺎﻟﻚ؟ ﻗﻠﺖ ﻟﻴﻬﻮ ﻣﺘﻴﻦ ؟ ﺑﺲ ﻭﻗﻊ ﻓﻴﻨﻲ ﺩﻕ ﺩﻕ ﻭ ﻋﻢ ﻋﺒﺪﺍﻟﻠﻪ ﻳﻘﻮﻟﻴﻬﻮ ﻭﻟﻴﺪ ﺩﺍ ﻣﺎ ﺍﺗﻔﺎﻗﻨﺎ ﺍﻟﺒﺖ ﺩﻱ ﺣﺘﻤﻮﺕ ، ﻭ ﺑﻜﺎ ﻳﺸﺎﻛﻞ ﻓﻴﻬﻮ ﻭﻫﻮ ﻟﺴﻪ ﺑﻴﺪﻕ ﺑﺲ ﻳﻤﻌﻄﻨﻲ ﻣﻦ ﺷﻌﺮﻱ ، ﻭ ﺍﻧﺎ ﺑﺒﻜﻲ ، ﻗﻠﺖ ﺑﻴﻬﻮ ﺍﻧﺎ ﺍﺳﻲ ﻋﻤﻠﺘﺎ ﺷﻨﻮﻭﻭ ، ﻭﺍﺳﻲ ﺩﺍ ﺗﻄﻠﻘﻨﻲ ﺍﻧﺎ ﻣﺎ ﺟﺎﻳﻪ ﻣﻦ ﺑﻴﺖ ﺍﺑﻮﻱ ﻋﺸﺎﻥ ﺍﺗﻬﺎﻥ ﻫﻨﺎ ، ﻗﺎﻟﻲ ﻣﻦ ﻧﺎﺣﻴﻪ ﺍﻧﻚ ﺣﺘﻄﻠﻘﻲ ﺣﺘﻄﻠﻘﻲ ﺑﺲ ﻟﻤﻦ ﺍﻟﻄﺒﺨﻪ ﺗﻨﺠﺾ ، ﺑﻘﺒﺖ ﺑﺒﻜﻲ ﺑﻄﺮﻳﻘﻪ ﻡ ﻋﺎﺩﻳﻪ ، ﺍﻣﺎ ﺳﻬﺎﺩ ﺩﻱ ﻛﺄﻧﻬﺎ ﻣﺎ ﻛﺎﻧﺖ ﺻﺤﺒﺘﻲ ﻻ ﺑﺘﻄﻘﻊ ﻻ ﺑﺘﺠﻴﺐ ﺍﻟﺤﺠﺎﺭﺭ ،

ﻋﺎﺭﻓﻴﻦ ﺍﻧﺎ ﻟﻮ ﺧﻠﻮ ﻟﻲ ﺑﺎﺏ ﺍﻟﺸﺎﺭﻉ ﺩﺍ ﻓﺎﺗﺢ ﻣﺎ ﺣﻤﺮﻕ ﻻﻧﻮ ﺍﻧﺎ ﻣﺎﻟﻲ ﻋﻴﻦ ﺍﻗﺎﺑﻞ ﺍﻫﻠﻲ ، ﻗﺪﺭ ﺷﻨﻮ ﺭﻓﻀﻮ ﺯﻭﺍﺟﻲ ﺩﺍ ﻭﺍﻧﺎ ﺍﺻﺮﻳﺖ ﻭﻋﺎﻧﺪﺗﺎ ، ﻗﺪﺭ ﺷﻨﻮﻭﻭ ﺗﻌﺒﻮ ﻭﻣﺎﻟﻘﻮ ﻣﻨﻲ ﻓﺎﻳﺪﻩ ،

ﻭ ﺍﻟﺴﺒﺐ ﺍﻟﺮﺋﻴﺴﻲ ﺍﻧﻲ ﻻﺯﻡ ﺍﻋﺮﻑ ﻣﺸﻜﻠﺘﻬﻢ ﻣﻌﺎﻱ ﺷﻨﻮﻭ ..

ﻃﻠﻌﺖ ﺟﺎﺭﺓ ﺟﺴﻤﻲ ﺩﺍ ﺟﺮﺭ ﺯﻱ ﺍﻟﻜﻠﺒﻪ ﻓﻲ ﺍﻟﺴﻠﻢ ، ﺳﺒﺤﺎﻥ ﻣﺒﺪﻝ ﺍﻻﺣﻮﺍﻝ ﻣﺎ ﻣﻌﺎﻱ ﻭﻻ ﻣﻠﻴﻢ ، ﻭﻻ ﻧﻮﻣﺔ ﺯﻱ ﺍﻟﻨﺎﺱ ﻣﺎﺑﻨﻮﻣﺎ ، ﻣﺸﻴﺖ ﺭﻗﺪﺗﺎ .. ﻋﺎﻳﻨﺖ ﻟﻠﺘﻠﻔﻮﻥ ﻟﻘﻴﺘﻮ ﺑﻨﻮﺭ ﻭ ﺑﻴﻄﻔﻲ ﻋﺎﻣﻼﻫﻮ ﺻﺎﻣﺖ ﻋﺸﺎﻥ ﻡ ﺍﻧﻜﺸﻒ ، ﻟﻘﻴﺘﺎ ﺳﻠﻤﻲ ﺭﺩﻳﺖ ﻟﻴﻬﺎ ﻃﻮﺍﻟﻲ ﻭﺑﻘﻴﺖ ﺍﺑﻜﻲ ﻟﻴﻬﺎ ، ﻻﻧﻮ ﻋﺎﺭﻓﻪ ﻫﻲ ﺍﻟﻮﺣﻴﺪﻩ ﺍﻟﺒﺘﺴﻤﻊ ﻟﻲ ، ﺭﺩﻳﺖ ﻭﺳﻠﻤﺖ ﻋﻠﻴﻬﺎ، ﻗﺎﻟﺖ ﻟﻲ ﺻﻮﺗﻚ ﻣﺎﻟﻮ ؟ ﻗﻠﺖ ﻟﻴﻬﺎ ﻛﻨﺖ ﻧﺎﻳﻤﺔ ، ﻭ ﺑﻘﺖ ﺗﺴﺎﻟﻨﻲ ﺍﺧﺒﺎﺭﻙ ﻭ ﺍﺗﺰﻭﺟﺘﻲ ﻣﻨﻮ ﻣﺎ ﻭﺭﻳﺘﻨﻲ ﻭﻛﻜﺪﺍ ﺣﺴﻴﺖ ﺑﻲ

ﻡ ﺗﻤﺎﻡ ، ﻗﻠﺖ ﻟﻴﻬﺎ ﺑﺤﻜﻲ ﻟﻴﻜﻲ ﻱ ﺳﻠﻤﻲ ﻟﻜﻦ ﻣﺎ ﺍﺳﻲ ، ﻗﻔﻠﺖ ﻋﻠﻲ ﻛﺪﺍﺍ ﻭ ﺑﻘﻴﺖ ﻗﺎﻋﺪﻩ ، ﻧﺰﻟﺖ ﻟﻠﺤﻤﺎﻡ ﺳﻤﻌﺖ ﺻﻮﺕ ﻭﺷﻮﺷﻪ ، ﺗﺎﺑﻌﺘﺎ ﺍﻟﺼﻮﺕ ﻭ ﺑﻘﻴﺖ ﺑﺤﺎﻭﻝ ﺍﺗﺼﻨﺖ ،

ﻛﻞ ﺍﻟﺴﻤﻌﺘﻮ ﺍﺣﻤﺪ ﺑﻘﻮﻝ ﻟﻴﻬﻢ ﺍﻟﺒﺘﻌﻤﻠﻮ ﻓﻴﻬﻮ ﺩﺍ ﻏﻠﻂ ، ﻭ ﻋﻢ ﻋﺒﺪﺍﻟﻠﻪ ﺑﻘﻮﻝ ﻟﻲ ﻭﻟﻴﺪ ﺩﺍ ﻣﺎ ﺍﻻﺣﻨﺎ ﺍﺗﻔﻘﻨﺎ ﻋﻠﻴﻬﻮ ﺍﻧﺤﻨﺎ ﻫﺪﻓﻨﺎ ﺍﻟﻤﺸﺮﻭﻉ ﻡ ﺍﻛﺘﺮ ، ﻭﻟﻴﺪ ﻗﺎﻟﻴﻬﻮ ﺍﻧﺎ ﻫﺪﻓﻲ ﺍﻛﺒﺮ ، ﺍﻣﻮ ﻗﺎﻟﺖ ﻟﻴﻬﻮ ﻭﻭﻭﻭﻭﻟﻴﺪ ‏( ﺑﻨﻬﺮﺓ ‏) ﻳﻌﻨﻲ ﺍﺳﻜﺖ ﻡ ﺗﺘﻜﻠﻢ ،

ﻃﻮﺍﻟﻲ ﺭﺟﻌﺘﺎ ﺍﻟﻐﺮﻓﻪ ﺟﺮﻱ ﻭ ﻗﻔﻠﺘﺎ ﺍﻟﺒﺎﺏ ، ﻗﻠﺘﺎ ﻓﻲ ﻧﻔﺴﻲ ﻳﻌﻨﻲ ﻛﻞ ﺩﺍ ﻋﺸﺎﻥ ﺍﻟﻤﺸﺮﻭﻉ ﻭ ﺍﻟﺸﺮﺍﻛﺔ ، ﻃﻴﺐ ﺍﻧﺎ ﺫﻧﺒﻲ ﺷﻨﻮ ، ﻭﺭﺍﺍﺍﺳﻲ ﺩﺍﻳﺮ ﻳﻄﺮﺷﻖ ، ﺳﻤﻌﺖ ﺻﻮﺕ ﺭﺟﻠﻴﻦ ﺟﺎﻳﻪ ﻋﻠﻲ ﻏﺮﻓﺘﻲ ﻃﻮﺍﻟﻲ ﻋﻤﻠﺖ ﻓﻴﻬﺎ ﺭﺍﻗﺪﻩ ،، ﺍﻧﺘﻈﺮﺗﺎ ﻣﺎﻓﻲ ﺯﻭﻝ ﺟﺎﺍ ، ﻣﺸﻴﺖ ﻋﺎﻳﻨﺖ ﺑﺎﻟﻔﺘﺤﻪ ﺍﻟﻔﻲ ﺍﻟﺒﺎﺏ ، ﻡ ﻟﻘﻴﺖ ﺯﻭﻝ ،

ﻗﻠﺖ ﺍﻣﺸﻲ ﺍﻟﺤﻤﺎﻡ ﺍﻟﻔﻲ ﺍﻟﻤﻤﺮ ﺩﺍ ﺑﺲ ، ﻃﻠﻌﺖ ﺯﻱ ﻋﺸﺮ ﺩﻗﺎﻳﻖ ﻭ ﺟﻴﺖ ﺭﺍﺟﻌﻪ ﻟﻘﻴﺖ ﺳﻬﺎﺩ ﺷﺎﻳﻠﻪ ﺻﻴﻨﻴﻪ ﺍﻛﻞ ﻭ ﻋﻴﺶ ﻣﻘﻄﻊ ﻳﻌﻨﻲ ﺑﻮﺍﻗﻲ ﺍﻛﻞ ، ﻗﺎﻟﺖ ﻟﻲ ﺍﻻﻛﻞ ، ﻗﻠﺖ ﻟﻴﻬﺎ ﺷﻜﺮﺍﺍﺍ

ﻗﺎﻟﺖ ﻡ ﻳﻜﻮﻥ ﻣﺎ ﻋﺎﺟﺒﻚ ﻭﻻ ﻣﺎ ﺑﻴﻨﺎﺳﺐ ﻣﺴﺘﻮﻭﻭﻭﺍﻛﻲ ، ﻗﻠﺖ ﻟﻴﻬﺎ ﺳﻬﺎﺩ ﻟﺴﻜﺘﻲ ﻣﻨﻲ ، ﻗﺎﻟﺖ ﻟﻲ ﻓﻲ ﺑﻴﺘﻨﺎ ﻭ ﺍﻧﺎ ﺣﺮﺓ ﺍﺗﻜﻠﻢ ﺯﻱ ﻣﺎ ﻋﺎﻳﺰﺓ ، ﻗﻠﺖ ﻟﻴﻬﺎ ﻃﻴﺐ ﺑﻌﺪ ﺗﺨﻠﺼﻲ ﻧﺒﻴﺢ ﺍﺗﺨﺎﺭﺟﻲ ، ﺟﺎﺕ ﻣﺴﻜﺘﻨﻲ ﻣﻦ ﺑﻠﻮﺯﺗﻲ ، ﻗﻌﺪﺕ ﺍﺿﺤﻚ ﻗﻠﺖ ﻟﻴﻬﺎ ﻭﺍﻟﻠﻪ ﺩﺍ ﺍﻟﻔﻀﻞ ﻳﺎ ﺳﻬﻮﺩﻩ ﺗﻀﺮﺑﻴﻨﻲ ، ﺟﺠﺮﺗﻨﻲ ﻣﻦ ﺷﻌﺮﻱ ﻗﺎﻟﺖ ﻟﻲ ﺗﺴﺘﺎﻫﻠﻲ ﺍﻟﺒﺘﻌﻤﻞ ﻓﻴﻚ ﺩﺍﺍﺍﺍ ﻭ ﺍﻟﺪﻭﺭ ﻣﺎﺷﻲ ﻻﺧﺘﻚ ‏( ﺍﻟﺠﻤﻠﻪ ﺩﻱ ﻫﺪﺩﻧﻲ ﺑﻴﻬﺎ ﻭﻟﻴﺪ ﺑﺮﺿﻮ ‏)

ﻗﻠﺖ ﻟﻴﻬﺎ ﺍﺧﺘﻲ ﺩﺧﻠﻬﺎ ﺷﻨﻮ ﻭﻻ ﻛﺎﻥ ﺟﻴﻨﺎ ﻟﻠﺤﻖ ﺍﻧﺎ ﺍﺧﺘﻲ ﺯﺍﺗﺎ ﺯﻧﺒﻬﺎ ﺷﻨﻮ !!

ﺿﺤﻜﺖ ﺿﺤﻜﺔ ﺍﺳﺘﻔﺬﻧﻲ ، ﺻﺮﺧﺖ ﻓﻴﻬﺎ ،ﻗﻠﺖ ﻟﻴﻬﺎ ﺍﺧﺘﻲ ﻣﺎﻟﻬﺎ ﺗﻤﻲ ﻛﻼﻣﻚ ، ﻣﺸﻴﺖ ﺟﺮﻳﺖ ﻭﺭﺍﻫﺎ ﻭ ﺑﺠﺮﺟﺮ ﻓﻴﻬﺎ ﺳﻬﺎﺩ ﺗﻤﻲ ﻛﻼﻣﻚ ﻣﺸﺖ ﻭﻻ ﻋﺒﺮﺗﻨﻲ ، ﺍﻟﺤﻴﺮﺓ ﺟﻮﺍﻱ ﻗﺎﻋﺪﻩ ﺗﻜﺒﺮ ﺭﺟﻌﺖ ﺍﻟﻐﺮﻓﻪ ، ﺩﺧﻠﺖ ﻭ ﻗﻔﻠﺘﺎ ﺍﻟﺒﺎﺏ

ﺍﺗﻠﻔﺖ ﻭﺭﺍﺍﺍﻱ ﻟﻘﻴﺖ ﻓﻲ ﻭﺷﻲ .........

يتبع......