ضحية رقم 815

الجزء 10

ﺑﻌﺪ ﻗﻔﻠﺖ ﻣﻦ ﺳﻠﻤﻲ ، ﺍﺗﻮﺗﺮﺗﺎ ﺷﺪﻳﺪ ﻭ ﺣﺴﻴﺖ ﺑﻲ ﺧﻮﻓﻪ ﻛﺪﺍ ، ﺗﺎﻧﻲ ﻗﻠﺘﺎ ﺩﻱ ﺷﻨﻮ ﺍﻟﻌﻮﺍﺭﺓ ﺍﻻﻧﺎ ﻓﻴﻬﺎ ﺩﻱ ، ﻫﻤﺎ ﺣﻴﻌﺮﻓﻮ ﻣﻦ ﻭﻳﻦ ﺍﻧﺎ ﺍﻻﺩﻳﺘﺎ ﺍﻟﻤﺒﻠﻎ ﺩﺍ ، ﻭﺡ

ﺟﺎﻱ ﻟﻮ ﻗﺎﻟﺖ ﺍﻧﺎ ﻣﺎﻋﻨﺪﻫﺎ ﺩﻟﻴﻞ ﻓﺎﺍ ﻧﻤﺖ ﻋﻠﻲ ﻛﺪﺍ ﻣﺮﺗﺎﺣﻪ ..

ﺻﺤﻴﺖ ﺻﺒﺎﺡ ﺍﻟﺠﻤﻌﻪ ﻧﺸﺎﻁ ﻏﻴﺮ ﺍﻟﻌﺎﺩﻩ ، ﺍﺳﺘﺤﻤﻴﺖ ﻭ ﻧﺰﻟﺖ ﻟﻠﻔﻄﻮﺭ ، ﺍﻣﻲ ﻗﺎﻟﺖ ﻟﻲ ﺍﻟﻠﻴﻠﻪ ﻧﺎﺱ ﻭﻟﻴﺪ ﺩﻳﻞ ﺑﺠﻮ ﻋﻠﻴﻨﺎ ﺣﻴﺠﻴﺒﻮ ﻟﻴﻜﻲ ﺣﺎﺟﺎﺕ ﺍﻟﺤﺒﺴﻪ ﻭ ﻡ ﻋﺎﺭﻑ ﺷﻨﻮ ، ﻗﻠﺖ ﻟﻴﻬﺎ ﻟﺰﻭﻣﺎ ﺷﻨﻮ ﺍﻟﺤﺎﺟﺎﺕ ﺩﻱ ﻳﺎﺥ ، ﻗﻠﺖ ﻡ ﻣﺸﻜﻠﻪ ﺍﻋﺼﺮ ﻋﻠﻲ ﻧﻔﺴﻲ ﻟﻴﻤﻮﻧﺔ ، ﻟﺴﻪ ﻣﺎ ﺗﻤﻴﺖ ﻛﻼﻣﻲ ﺑﻌﺪ ﺻﻼﻩ ﺍﻟﺠﻤﻌﻪ ﺟﻮ ﺩﺍﺧﻠﻴﻦ ﺍﻟﺒﻴﺖ ﻭﺍﻧﺎ ﺑﻲ ﺣﺎﻟﺘﻲ ﺩﻳﻚ ﻗﺎﻋﺪﻩ ﻣﻦ ﺳﻤﻌﺖ ﺻﻮﺕ ﺍﺑﻮﻱ ﻭﺭﺟﺎﻝ ، ﺟﺮﻱ ﻃﻠﻌﺖ ﻏﺮﻓﺘﻲ

ﻓﺠﺎﻩ ﺟﺎﺗﻨﻲ ﻭﺣﺪﺓ ﺩﺍﺧﻠﻪ ﺧﺒﺬﺕ ﺍﻟﺒﺎﺏ ﻭﻫﻮ ﺍﺻﻼ ﻓﺎﺗﺢ ، ﻗﻠﺖ ﻟﻴﻬﺎ ﺍﺗﻔﻀﻠﻲ .. ﺳﻠﻤﺖ ﻋﻠﻲ ﺩﺍﻳﺮﺓ ﺗﺤﻀﻨﻲ ﻛﺪﺩﺍ ﺭﺟﻌﺖ ﻟﻮﺭﺍ ﻭ ﻣﺪﻳﺖ ﻟﻴﻬﺎ ﻳﺪﻱ ، ﻗﺎﻟﺖ ﻟﻲ ﻡ ﺟﺎﺕ ﻓﺮﺻﻪ ﻧﺘﻌﺮﻑ ، ﻓﻲ ﺳﺮﻱ ﻗﻠﺖ ‏( ﺧﻴﺮ ﻳﺎ ﻃﻴﺮ ‏) ، ﻗﺎﻟﺖ ﻟﻲ ﺍﻧﺎ ﺳﻬﺎﺩ ﺍﺧﺖ ﻭﻟﻴﺪ ﻭﺍﺣﻤﺪ ﺟﻴﺖ ﺍﺑﺎﺭﻙ ﻟﻴﻜﻲ ، ﻃﺒﻌﺎ ﺍﻟﺠﻤﺎﻋﻪ ﻋﻘﺪﻭ ﻗﺒﻞ ﺷﻮﻳﻪ ، ﻗﻠﺖ ﻟﻴﻬﺎ ﺷﺸﺶ ﺷﺸﺸﺸﺸﻨﻮﻭﻭ ﻛﻜﻴﻒ ﻭ ﻟﻴﻪ ﻣﺎﻓﻲ ﺯﻭﻝ ﻛﻠﻤﻨﻲ ‏( ﺑﺎﻧﻔﻌﺎﻝ ‏) ﻋﻠﻴﺖ ﺻﻮﺗﻲ ﻋﻠﻲ ﺍﻟﺒﺖ ، ﺟﺎﺕ ﺍﻣﻲ ﻗﺎﻟﺖ ﻟﻲ ﻣﺎﻟﻚ ﺑﺘﺠﻮﻃﻲ ﻓﻲ ﺷﻨﻮ ، ﻗﻠﺖ ﻟﻴﻬﺎ ﻋﻘﺪﻭ ﻭ ﻣﺎ ﺗﻜﻠﻤﻮﻧﻲ ، ﻗﺎﻟﺖ ﻟﻲ ﺍﻧﺎ ﻳﺎﺩﺏ ﻋﺮﻓﺘﺎ ﺍﺳﻲ ﻭﺟﻴﺖ ﺍﻛﻠﻤﻚ ﺗﺠﻬﺰﻱ ﻭ ﺗﻨﺰﻟﻲ ﻟﻠﻨﺎﺱ ﺗﺤﺖ ﻭ ﺍﻟﺠﻴﺮﺍﻥ ﻭ ﻧﺎﺱ ﺧﺎﻟﺘﻚ ﺣﻴﺠﻮ ﻳﺒﺎﺭﻛﻮ

، ﻗﻠﺖ ﻟﻴﻬﺎ ﺧﻴﺮ ﻭ ﻗﻠﺒﺖ ﻭﺷﻲ ،

ﻗﻠﺖ ﻟﻠﺒﺖ ﺑﻌﺪ ﺍﺫﻧﻚ ﻋﺎﻳﺰﺓ ﺍﻟﻠﺒﺲ ﻣﻤﻜﻦ ﺗﻄﻠﻌﻲ ؟ ﻗﺎﻟﺖ ﻟﻲ ﺍﺍﺍﺍﺍﺍ ﺟﺪﺍً ﺍﺳﻔﻪ ﻣﺎ ﺍﻧﺘﺒﻬﺖ ، ﻡ ﺭﺩﻳﺖ ﻋﻠﻴﻬﺎ ، ﻗﻌﺪﺕ ﻗﺪﺍﻡ ﺍﻟﻤﺮﺍﻳﻪ ﺳﺮﺣﺎﻧﻪ ﺭﻏﻢ ﺍﻧﻲ ﻛﻨﺖ ﻣﺼﻤﻤﺔ ﻋﻠﻲ ﺍﻟﺰﻭﺍﺝ ﺩﺍ ﺑﺲ ﻓﺠﺎﺥ ﺣﺴﻴﺖ ﺑﻌﺪﻡ ﻗﺒﻮﻝ ﺍﻭ ﺍﺣﺴﺎﺱ ﻏﺮﻳﺐ ﻭﺍﻟﻠﻪ ﻣﺎ ﻗﺎﺩﺭﺓ ﺍﻓﻬﻤﻮ ،

ﺑﻌﺪ ﺩﺍﻳﺮﺓ ﺍﻋﻤﻞ ﻣﻜﻴﺎﺝ ﺍﺗﺰﻛﺮﺗﺎ ﺍﻟﻤﻮﻗﻒ ﺍﻟﻌﻤﻠﻮ ﻣﻌﺎﻱ ، ﻗﻠﺖ ﺍﻟﻤﺮﺓ ﺩﻱ ﻳﻘﻮﻡ ﻳﺤﺮﺟﻨﻲ ﻗﺪﺍﻡ ﺍﻟﻨﺎﺱ ، ﻗﻠﺘﺎ ﻭﺍﻟﻠﻪ ﺍﻻ ﺍﻋﻤﻞ ﻣﻜﻴﺎﺝ ﻭﻧﺸﻮﻑ ﺍﻟﺒﻴﺤﺼﻞ ، ﻟﺒﺴﺖ ﻟﻲ ﻓﺴﺘﺎﻥ ﺷﻴﻔﻮﻥ ﻛﺪﺍ ﺑﺎﻻﺳﻮﺩ ، ﻭ ﻧﺰﻟﺘﺎ ، ﻣﻦ ﻧﺰﻟﺘﺎ ﺍﻣﻮ ﺩﻱ ﺗﺰﻏﺮﺩ ﻭ ﺍﻣﻲ ﻣﺮﺓ ﺗﺰﻏﺮﺩ ﻭ ﻣﺮﺓ ﺗﺴﺮﺡ ، ﻧﺰﻟﺖ ﺳﻠﻤﺖ ﻣﻦ ﺑﻌﻴﺪ ﻭ ﻗﻌﺪﺕ ﺟﻤﺐ ﺍﺑﻮﻱ ﻭ ﻭﻟﻴﺪ ﻳﺸﻴﻞ ﻭ ﻳﺤﻤﺮ ﻟﻲ ﻭ ﺍﻧﺎ ﺑﻐﻴﻈﻮ ﻭ ﻋﺎﻣﻠﻪ ﻓﻴﻬﺎ ﻣﺎ ﻣﻼﺣﻈﺔ ﻟﻴﻬﻮ ، ﺍﺗﻔﻘﻮ ﺍﻥ ﺍﻟﻌﺮﺱ ﺑﻌﺪ ﺍﺳﺒﻮﻋﻲ

ﻗﺎﻋﺪﻩ ﻭ ﺗﻠﻔﻮﺗﻲ ﻓﻲ ﻳﺪﻱ ، ﺟﺎﺗﻨﻲ ﺭﺳﺎﻟﻪ ﻣﻦ ﻋﻤﺮ ﺑﻘﻮﻝ ﻟﻲ ﻓﻴﻬﺎ * ﻣﺒﺮﻭﻙ ﻳﺎ ﻋﺮﻭﺱ ﺑﺲ ﻳﺎ ﺭﺑﻲ ﺣﻴﺘﻢ ﻋﻠﻲ ﺧﻴﺮ ؟ 819 ّﻭﺷﻲ ﻗﻠﺐ ﻭ ﻭﻟﻴﺪ ﺑﻌﺎﻳﻦ ﻓﻴﻨﻲ ،