ضحية رقم 815

الجزء 18

ﺑﻘﻴﺖ ﺑﻔﻜﺮ ﻭ ﺍﺟﻤﻊ ﺍﻻﺣﺪﺍﺙ ﻟﻤﻦ ..

ﺍﺑﺘﺪﻳﺖ ﺍﺷﻚ ﺍﻥ ﺍﻱ ﺭﺍﺟﻞ ﺩﺧﻞ ﺣﻴﺎﺗﻲ ﻛﺎﻥ ﺑﺘﺪﺑﻴﺮ ﻣﻦ ﻃﺮﻑ ﺧﻔﻲ ، ﻣﻦ ﻃﺮﻑ ﻗﺎﺻﺪ ﺍﻧﻮ ﻳﻨﺘﻘﻢ ﻣﻨﻲ ﺍﻭ ﻳﻌﺬﺑﻨﻲ ﺍﻭ ﻳﺤﻴﺮﻧﻲ ، ﻓﻲ ﺣﻴﻦ ﺍﻥ ﺍﻧﺎ ﻣﺎ ﺣﺼﻞ ﺍﺫﻳﺖ ﺯﻭﻝ ، ﻓﺠﺎﻩ ﻗﻤﺖ ﻧﺎﻃﻪ ﻭ ﺍﺗﺰﻛﺮﺕ ﺍﻟﻔﺎﺭﻭﺻﻪ ﻣﻨﻮ ﺑﻠﺒﺲ ﺧﺎﺗﻢ ﻓﻀﻪ ﻓﺎﺭﻭﺻﺘﻮ ﺣﻤﺮﺍﺍ ، ﻭﻭﻭﻭﻭﺑﻌﻠﻲ ﻭﻭﻭﺑﻌﻠﻲ ﻣﺎ ﻣﻌﻘﻮﻝ ﺍﻋﻮﺯ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﺑﺴﻢ ﺍﻟﻠﻪ ﻻﻻﻻ ﻣﺎ ﻣﻌﻘﻮﻝ ﻳﻜﻮﻥ ﺍﺑﻮﻱ ، ﻻﻻ ﺍﻟﺨﺎﺗﻢ ﺩﺍ ﺍﻧﺎ ﺷﻔﺘﻮ ، ﻗﺎﻃﻌﻨﻲ ﻭﻟﻴﺪ ﻡ ﺣﺴﻴﺖ ﻋﻠﻴﻬﻮ ﻟﻤﻦ ﺟﺎ ﺩﺍﺧﻞ ، ﻗﺎﻝ ﻟﻲ ﻣﺎﻟﻚ ﺑﺘﺤﻀﺮﻱ ﺷﻴﺎﻃﻴﻦ ﺗﺘﻜﻠﻤﻲ ﺑﺮﺍﻛﻲ ، ﻋﺎﻳﻨﺖ ﻟﻴﻬﻮ ﻣﻦ ﻓﻮﻕ ﻟﺘﺤﺖ ﻣﺎ ﺍﺷﺘﻐﻠﺖ ﺑﻴﻬﻮ ، ﺗﺎﻧﻲ ﻗﻠﺖ ﻟﻨﻔﺴﻲ ﻳﺎ ﺑﺖ ﺍﻋﻘﻠﻲ

ﻋﺸﺎﻥ ﺍﻗﺪﺭ ﺍﺳﺘﺪﺭﺟﻮ ﻓﻲ ﻣﻮﺿﻮﻉ ﺍﻟﺨﺎﺗﻢ ، ﺍﻧﺎ ﻡ ﺧﻠﻴﺖ ﺯﻭﻝ ﻡ ﺷﻜﻴﺖ ﻓﻴﻬﻮ ﻭﻻﻧﻲ ﻣﺎ ﻗﻌﺪ ﺍﺩﻗﻖ ﻓﻲ ﺍﻟﺤﺎﺟﺎﺕ ﺩﻱ ﻑ ﺑﺎﻟﺠﺪ ﻛﺎﻥ ﺻﻌﺐ ﻋﻠﻲ ﺷﺪﻳﺪ ﺍﻧﻲ ﺍﻗﺪﺭ ﺍﺻﻞ .. ﺧﺘﻴﺖ ﺣﺎﺟﻪ ﻓﻲ ﺍﻛﺘﺎﻓﻲ ﻭ ﻣﺸﻴﺖ ﻗﻌﺪﺕ ﺟﻤﺒﻮ ﻗﻠﺖ ﻟﻴﻬﻮ ﻛﻴﻒ ﻛﺎﻥ ﻳﻮﻣﻚ ؟ ﻗﺎﻝ ﻟﻲ ﺗﻤﺎﻡ ، ﻗﻠﺖ ﻟﻴﻬﻮ ﻭﻟﻴﺪ ﻳﺎ ﺭﻳﺖ ﻟﻮ ﻓﻲ ﺣﺎﺟﺎﺕ ﺟﻮﺍﻙ ﺣﺎﺑﻲ ﺗﺘﻜﻠﻢ ﻋﻨﻬﺎ ﻳﺎﺭﻳﺖ ﻧﺘﻨﺎﻗﺶ ﻓﻴﻬﻮ ، ﻗﺎﻝ ﻟﻲ ﺍﻧﺘﻲ ﺷﺎﻳﻔﻪ ﺍﻥ ﻓﻲ ﺣﺎﺟﻪ ؟ ﻗﻠﺖ ﻟﻴﺨﻮ ﺗﺼﺮﻓﺎﺗﻚ ﻡ ﻗﺎﺩﺭﺓ ﺍﻓﻬﻤﺎ ﻭ .... ﻗﺎﻃﻌﻨﺎ ﺍﺗﺼﺎﻝ ، ﺭﺩ ﻗﺪﺍﻣﻲ ﻗﺎﻝ : ﺍﻟﻮﻭﻭﻭ ﺣﺒﻴﺒﺘﻲ ﻭ ﻋﻴﻮﻧﻮ ﺩﻳﻞ ﺑﻴﻠﻤﻌﻮ ﻟﻤﻊ ﺍﻧﺎ ﻣﻦ ﺍﻟﺬﻫﻮﻝ ﻟﻤﻦ ﻣﺎ ﻗﺎﺩﺭﺓ ﺍﺭﻣﺶ ، ﺑﻀﺤﻚ ﺑﺼﻮﺭﺓ ﻣﻦ ﻣﺎ ﻋﺮﻓﺘﻮ ﻣﺎ ﺷﻔﺘﻮ ﺑﻀﺤﻚ ﻛﺪﺍ ، ﻭﺣﺎﺕ ﺍﻟﻠﻪ ﻧﺎﺭ ﻭ ﻭﻟﻌﺖ ﻓﻴﻨﻲ ، ﺍﻟﻐﻴﺮﺓ ﻋﻤﺖ ﻋﻴﻮﻧﻲ ﻭﺍﻟﻤﻮﻗﻒ ﺍﺳﺘﻔﺬﺍﻧﻲ ﺷﺪﻳﺪ ، ﻣﻦ ﻏﻴﺮ ﻣﺎ ﺍﺣﺲ ﺷﻠﺖ ﺟﻚ ﺍﻟﻤﻮﻳﻪ ﺍﻟﻘﺰﺍﺯ ﻭ ﻃﺮﺍﺍﺥ ﺟﺪﻋﺘﻮ ﺑﻴﻬﻮ ﺑﻜﻞ ﻗﻮﺗﻲ ، ﺍﻟﺠﻚ ﺟﻼ ﻣﻨﻮ ﻟﻜﻦ ﺍﻟﻘﺰﺍﺯ ﻃﺎﺭ ﻓﻴﻬﻮ ﻣﻦ ﺍﻟﺨﻠﻌﻪ ﻟﻤﻦ ﺗﻠﻔﻮﻧﻮ ﻭﻗﻊ ﻣﻦ ﻳﺪﻭ ، ﻣﺸﻴﺖ ﺭﻓﺖ ﺍﻟﺘﻠﻔﻮﻥ ﻭ ﻗﻠﺖ ﻟﻴﻬﺎ ﺍﺳﻤﻌﻲ ﻫﻨﺎ ﺍﻧﺘﻲ ﻟﻮ ﻣﺎﻋﻨﺪﻙ ﺍﻫﻞ ﻳﺮﺑﻮﻛﻲ ﻭﺣﺎﺕ ﺍﻟﻠﻪ ﺍﻟﺨﻠﻘﻨﻲ ﺍﻧﺎ ﺑﺼﻠﻚ ﻭﻳﻦ ﻡ ﺗﻜﻮﻧﻲ ﻭ ﺣﻘﻄﻌﻚ ﺣﺘﺖ ﻭ ﺍﺍﻛﻞ ﻟﺤﻤﻚ ﻟﻠﻜﻼﺏ ﺍﻟﻀﺎﻟﺔ ، ﻓﻬﻤﺘﻲ ﻭﻻ ﻻ .. ﻭ ﻗﻔﻠﺖ ﺍﻟﺴﻜﺔ

ﺑﻌﺪ ﺍﻟﻤﻜﺎﻟﻤﺔ ﺩﻱ ﺍﻧﺎ ﻣﻬﻤﺎ ﺣﻜﻴﺖ ﻟﻴﻜﻢ ﻋﻦ ﺍﻟﻌﻤﻠﻮ ﻣﻌﺎﻱ ﻭﻟﻴﺪ ﻣﺎ ﺣﻴﺨﻄﺮ ﻓﻲ ﺑﺎﻝ ﻭﺣﺪﺓ ﻓﻴﻜﻢ ، ﻣﺴﻜﻨﻲ ﻣﻦ ﺷﻌﺮﻱ ﻭ ﺟﺮﺍﻧﻲ ﺟﺮ ﻟﻤﻦ ﺣﺎﻭﻟﺘﺎ ﺍﻗﺎﻭﻳﻬﻮ ﻭﻗﻌﺖ ﻓﻲ ﺍﻻﺭﺽ ، ﻗﺎﻳﻠﻨﻮ ﺧﻼﻧﻲ ؟ ﻣﺴﻜﻨﻲ ﺟﺮﺍﻧﻲ ﻓﻲ ﺑﻼﻁ ﺍﻟﻐﺮﻓﻪ ﺟﺮ ﻣﻦ ﺷﻌﺮﻱ ﺍﻧﺎ ﻟﻤﻦ ﺟﺴﻤﻲ ﺩﺍ ﻣﺎﺕ ﺑﺼﺮﺭﺭﺥ ﻭﺑﻜﻮﺭﻙ ﻭﻟﻴﺪ ﻓﻜﻨﻲ ﻭﻟﻴﺪ ﻓﻚ ﺷﻌﺮﻱ ﺍﻧﺖ ﺑﺘﺄﻟﻤﻨﻲ ﻭﺣﺎﺕ ﺍﻟﻠﻪ ﺯﻱ ﺍﻟﺘﻮﺭ ﺍﻟﻬﺎﻳﺞ ﺑﺲ ﻳﺠﺮ ﻓﻴﻨﻲ ﻣﻦ ﻏﻴﺮ ﺭﺣﻤﺔ ، ﺭﻣﺎﻧﻲ ﻓﻲ ﺍﻟﺴﺮﻳﺮ ﻭ ﺑﻘﻲ ﻳﻠﻄﺶ ﻓﻴﻨﻲ ﻛﻔﻮﻑ ﺑﻜﻞ ﻗﻮﺗﻮ ﻟﻤﻦ ﻣﻨﺎﺧﻴﺮﻱ ﺩﻱ ﺟﺎﺑﺖ ﺩﻡ ، ﺩﻕ ﺑﻌﻨﻒ ﻟﻤﻦ ﻓﻘﺪﺕ ﺍﻟﻮﻋﻲ ﺗﻤﺎﻣﺎً .. ﺑﻌﺪﻫﺎ ﺻﺤﻴﺖ ﻟﻘﻴﺘﻮ ﻗﺎﻋﺪ ﻓﻲ ﺍﻟﻜﺮﺳﻲ ﻣﺎ ﻋﻤﻞ ﻟﻲ ﺍﻱ ﺍﺳﻌﺎﻑ ﻭﻻ ﺣﺎﻭﻝ ﻳﻔﻮﻗﻨﻲ ، ﻗﺎﻝ ﻟﻲ : ﺍﻧﺎ ﻣﻦ ﺍﻭﻝ ﻟﺤﻈﺔ ﺷﻔﺘﻚ ﻓﻴﻬﺎ ﻭ ﻋﺮﻓﺖ ﺍﻧﻚ ﻧﺎﻗﺼﻪ ﺗﺮﺑﻴﻪ ﻭ ﻗﻠﻴﻠﻪ ﺍﺩﺏ ﻭ ﺷﻔﺘﻲ ﺣﻜﻮﻥ ﻗﺎﻋﺪ ﻓﻲ ﺣﻴﺎﺗﻚ ﺯﻱ ﺍﻟﻌﻤﻞ ﺍﻟﺸﻴﻦ ، ﻭﻟﺴﺴﻪ ﻳﺎﻣﺎ ﺣﺘﺸﻮﻓﻲ ، ﻗﺪﺍﻣﻚ ﺳﺎﻋﻪ ﺗﺠﻬﺰﻱ ﻓﻴﻬﺎ ﻭ ﻣﻦ ﻫﻨﺎ ﻋﻠﻲ ﺍﻟﺴﻮﺩﺍﻥ ﻭ ﺍﺑﻘﻲ ﻣﺮﺓ ﻳﺎ ﺍﻗﺒﺎﻝ ﺗﻜﻠﻤﻲ ﺯﻭﻝ ﻣﻦ ﺍﻫﻠﻚ ، ﻭﺍﻻ ﺍﻟﺪﻭﺭ ﺍﻟﺠﺎﻳﻪ ﺣﺘﺒﻘﻲ ﻋﻠﻲ ﺍﺧﺘﻚ .. ﻗﻠﺖ ﻟﻴﻬﻮ ﺍﺧﺘﻲ ﺍﻧﺎ !!! ﺍﺧﺘﻲ ﻏﻴﺪﺍﺀ ، ﻣﺎﻟﻚ ﺑﻲ ﻏﻴﺪﺍﺀ ﻭ ﺩﺍﻳﺮ ﻣﻨﻬﺎ ﺷﻨﻮﻭﻭ ، ﺟﺎ ﻣﺴﻜﻨﻲ ﻣﻦ ﺭﻗﺒﺘﻲ ﻗﺎﻝ ﻟﻲ ﻛﻼﻣﻲ ﻭﺍﺿﺢ ؟ ﻫﺰﻳﺖ ﺭﺍﺳﻲ ‏( ﺍﻳﻤﺎﺀ ﺑﺎﻟﻤﻮﺍﻓﻘﻪ ‏) ﺑﺎﻟﺠﺪ ﻳﻤﻜﻦ ﺍﻧﺎ ﻣﺎ ﻛﻤﻠﺖ 24 ﺳﺎﻋﻪ ﺑﺮﺍ ﺍﻟﺴﻮﺩﺍﻥ ﻟﻜﻦ ﺍﻟﻐﺮﺑﻪ ﺍﻻﻧﺎ ﺣﺴﻴﺘﺎ ﻡ ﺣﺘﺘﺨﻴﻠﻮﻫﺎ ، ﺍﻧﺎ ﺑﻜﻴﺖ ﺩﻡ ﻭ ﻣﺎ ﻟﻘﻴﺖ ﺯﻭﻝ ﻻ ﺍﻣﻲ ﻭﻻ ﺍﺧﺘﻲ .. ﻃﻠﻊ ﻣﻦ ﺍﻟﻐﺮﻓﻪ ﺍﻧﺎ ﻟﺒﺴﺖ ﻟﻲ ﻋﺒﺎﻳﻪ ، ﻭ ﺑﻘﻴﺖ ﻗﺎﻋﺪﻩ ﻣﻨﺘﻈﺮﺍﻫﻮ ﻣﻦ ﺍﻟﺠﻮﻋﻪ ﻟﻤﻦ ﺭﺍﺳﻲ ﻻﻓﻲ ، ﺟﺎ ﺩﺍﺧﻞ ﺷﺎﻝ ﺍﻟﺸﻨﻂ ﻭ ﺍﻧﺎ ﻣﺎﺷﻪ ﻭﺭﺍﻫﻮ ﻭﻣﻐﻄﻴﻪ ﻭﺷﻲ ﺑﺎﻟﻄﺮﺣﻪ ﻋﺸﺎﻥ ﺍﺛﺎﺭ ﺍﻟﻀﺮﺏ ﻭﺍﻟﺠﺮﻭﺡ ﺍﻟﻔﻲ ﻭﺷﻲ ،

ﻭﺻﻠﻨﺎ ﺍﻟﻤﻄﺎﺭ ﻭ ﻣﻦ ﺍﻟﻤﻄﺎﺭ ﺍﻟﻄﻴﺎﺭﻩ ، ﻣﺎ ﺻﺪﻗﺖ ﺍﻟﻤﻀﻴﻔﻪ ﺟﺎﺑﺖ ﻟﻲ ﺍﻻﻛﻞ ﻗﻌﺪﺗﺎ ﺍﻛﻞ ﺯﻱ ﺍﻟﺸﺮﻓﺎﻧﻪ ، ﻭ ﻻ ﺍﺷﺘﻐﻞ ﺑﻲ ﻭﻻ ﻓﺘﺢ ﺧﺸﻤﻮ ﻣﻌﺎﻱ ، ﻭﺻﻠﻨﺎ ﺍﻟﺴﻮﺩﺍﻥ ، ﺍﺗﺼﻞ ﻋﻠﻲ ﺍﺑﻮﻩ ﻗﺎﻟﻴﻬﻮ ﺍﻧﺤﻨﺎ ﻓﻲ ﺍﻟﺴﻜﺔ ﻛﻠﻢ ﺍﻣﻲ ، ﻭ ﻋﻠﻲ ﻛﺪﺍ ﻗﻔﻞ ، ﻭﺍﻧﺎ ﺩﻣﻮﻋﻲ ﺩﻳﻞ ﻣﺎ ﻭﻗﻔﻮ ، ﻭﺻﻠﻨﺎ ﺍﻟﺒﻴﺖ ﻛﻠﻬﻢ ﻛﺎﻧﻮ ﻗﺎﻋﺪﻳﻦ ﻓﻲ ﺍﻟﺼﺎﻟﻪ ﻣﺎ ﻋﺪﺍ ﺍﺣﻤﺪ ﻭ ﻋﻢ ﻋﺒﺪﺍﻟﻠﻪ ، ﻣﺎﻑ ﺯﻭﻝ ﻓﻴﻬﻢ ﺳﺎﻝ ﻋﻦ ﺍﻟﺤﺎﺻﻞ ﻭﻻ ﺍﻟﻔﻲ ﻭﺷﻲ ﻭﻻ ﺍﻱ ﺳﻮﺍﻝ ،

ﺍﻣﻮ ﻗﺎﻟﺖ ﻟﻲ : ﻋﺮﻭﺳﻪ ﺍﻟﻤﻮﺳﻢ ﻣﺒﺮﻭﻙ ﻳﺎﺥ ﻛﻴﻒ ﻛﺎﻥ ﺷﻬﺮ ﺍﻟﻌﺴﻞ ؟ ﺑﻘﺖ ﺗﻀﺤﻚ ﻗﺎﻟﺖ ﻟﻲ ﺍﻟﺠﻮﺍﺏ ﺑﺎﻳﻦ ﻣﻦ ﻋﻨﻮﺍﻧﻪ ، ﻗﺎﻟﺖ ﻟﻲ ﺍﻛﻴﺪ ﺗﻌﺒﺎﻧﻪ ، ﻧﺎﺩﺕ ﺍﻟﺤﺒﺸﻴﻪ ﻗﺎﻟﺖ ﻟﻴﻬﺎ ﻭﺻﻠﻴﻬﺎ ﻏﺮﻓﺘﺎ ، ﻃﻠﻌﺖ ﻣﻌﺎﻫﺎ ﻓﻲ ﺩﻭﺭ ﺗﺎﻟﺖ ﻣﺎﻓﻴﻬﻮ ﻏﻴﺮ ﺍﻟﻐﺮﻓﻪ ﺩﻱ ‏( ﻏﺮﻓﺘﻲ ‏) ﺍﻟﻐﺮﻓﻪ ﺩﻱ ﺯﻱ ﻣﺨﺰﻥ ﻟﻠﻌﻔﺶ ﺍﻟﻤﺮﻛﻮﻥ ﻭﺍﻟﻤﻜﺴﺮ ، ﻣﻦ ﺧﺸﻴﺖ ﺍﻟﻐﺮﻓﻪ ﺍﻟﻐﺒﺎﺭ ﻛﺘﻢ ﻋﻠﻲ ﻧﻔﺴﻴﺒﻘﻴﺖ ﺍﻗﺢ ، ﻗﻠﺖ ﻟﻠﺤﺒﺸﻴﻪ ﺍﻛﻴﺪ ﺩﻱ ﻣﺎ ﻏﺮﻓﺘﻲ ﺍﻧﺘﻲ ﻏﻠﻄﺎﻧﻪ ، ﺟﺎﺕ ﺍﻡ ﻭﻟﻴﺪ ﻭ ﻭﻟﻴﺪ ، ﻧﻬﺮﺕ ﺍﻟﺤﺒﺸﻴﻪ ﻗﺎﻟﺖ ﻟﻴﻬﺎ ﺍﻧﺰﻟﻲ ﺷﻮﻓﻲ ﺷﻐﻠﻚ ﻭﻳﺎﺭﻳﺖ ﻣﺎ ﺗﺴﺎﻋﺪﻳﻬﺎ ﻭ ﻟﻮ ﺟﻴﺖ ﻟﻘﻴﺘﻚ ﺭﻓﻌﺘﻲ ﻣﻌﺎﻫﺎ ﻗﺸﻪ ﻣﺎ ﺣﻴﻜﻮﻥ ﻟﻴﻜﻲ ﺍﻛﻞ ﻋﻴﺶ ﻓﻲ ﺑﻴﺘﻲ ﺩﺍ ، ﺍﻧﺎ ﻣﺨﻠﻮﻋﻪ ﻟﻴﻴﻴﻴﻴﻴﻴﻪ ﺩﺍ ﻛﻠﻮ ! ﻣﻨﺘﻈﺮﺓ ﻭﻟﻴﺪ ﻳﺘﻜﻠﻢ ﻣﻊ ﺍﻣﻪ ، ﺧﺶ ﻏﺮﻓﺘﻮﻭﻭ ﻭﻗﻔﻞ ﺍﻟﺒﺎﺏ ، ﻭ ﺩﻱ ﻣﺸﺖ ﺧﻠﺘﻨﻲ ﻭ ﺍﻧﺎ ﺑﻘﻴﺖ ﺑﺮﺍﻱ ، ﻗﻠﺖ ﺍﻧﺎ ﻣﺴﺘﺤﻴﻞ ﺍﺗﺤﻤﻞ ﻛﺪﺍ ، ﻓﺘﺤﺖ ﺷﻨﻄﺔ ﻳﺪﻱ ﺑﻔﺘﺶ ﻓﻲ ﺗﻠﻔﻮﻧﺎﺗﻲ ﻣﺎ ﻟﻘﻴﺘﻬﻢ ﻗﻠﺒﺖ ﻋﻠﻴﻬﻢ ﺍﻟﺸﻨﻄﺔ ﺩﻱ ﻓﻮﻕ ﺗﺤﺖ ﺍﺧﺘﻔﻮ ، ﺧﺸﻴﺖ ﺍﻭﻟﻊ ﺍﻟﻠﻤﺒﻪ ، ﺍﻟﻠﻤﺒﻪ ﺧﺮﺑﺎﻧﻪ ﻭ ﻛﺮﻭﺭ ﻭ ﻭﺳﺦ ﻭ ﺗﺮﺍﺏ ﻣﺴﺘﺤﻴﻞ ﺣﻴﻮﺍﻥ ﻳﻘﺪﺭ ﻳﻌﻴﺶ ﻓﻴﻬﺎ ، ﺑﺲ ﺧﺸﻴﺖ ﻭﻗﻌﺪﺕ ﻟﻲ ﻓﻲ ﺭﻛﻦ ﻭ ﺑﻘﻴﺖ ﺑﺒﻜﻲ ﺑﻜﺎﺍﺍﺍ ﺣﺎﺳﻪ ﺑﺤﺮﻗﻪ ﺟﻮﺓ ﻗﻠﺒﻲ ﻧﺎﺭ ﺷﺎﺑﻪ ﻓﻴﻨﻲ ، ﺍﻧﺎ ﻟﻴﻪ ﺑﺎﻟﺴﻮﺀ ﺩﺍ ، ﻟﻮ ﻛﺎﻥ ﺳﻤﻌﺖ ﻛﻼﻡ ﺍﻣﻲ ﻛﺎﻥ ﺣﻴﺤﺼﻞ ﻟﻲ ﺷﻨﻮ ، ﻳﺎ ﺣﻠﻴﻠﻚ ﻳﺎ ﺍﻣﻲ ﻳﺎ ﺣﻠﻴﻠﻜﻢ ﻭﺍﻟﻠﻪ ، ﻭﺍﻟﻠﻪ ﻧﺪﻣﺎﻧﻪ ﺍﻧﺎ ﻛﻴﻴﻴﻒ ﻗﺪﺭﺕ ﺍﺑﻌﺪ ﻋﻨﻜﻢ ﺑﺎﻟﻘﺴﻮﺓ ﺩﻱ ﻛﻴﻴﻴﻒ ، ﺑﻘﻴﺖ ﺑﻜﻮﺭﻙ ﻭ ﺍﻟﻌﻦ ﻓﻲ ﻧﻔﺴﻲ ،

ﻗﻤﺖ ﻋﻠﻲ ﺣﻴﻠﻲ ﻭ ﺑﻘﻴﺖ ﺑﻀﺮﺏ ﻓﻲ ﻧﻔﺴﻲ ﻛﻔﻮﻭﻭﻑ ، ﻓﻮﻗﻲ ﻳﺎ ﺍﻗﺒﺎﻝ ﻓﻮﻭﻭﻗﻲ ﻣﻦ ﻣﺘﻴﻦ ﺯﻭﻝ ﺑﻘﺪﺭ ﻳﺒﻜﻴﻨﻲ ﻭﻻ ﻳﻬﺰﻧﻲ ﻭﻻ ﻳﻘﺪﺭ ﻳﻨﺰﻝ ﻣﻨﻲ ﺩﻣﻌﻪ ، ﺍﻧﺎ ﺍﻗﺒﺎﺍﺍﺍﺍﺍﻝ ﺑﺖ ﻣﻨﺎﺍﻝ ،ﻡ ﺍﻧﺨﻠﻒ ﺍﻟﻴﻜﺴﺮﻧﻲ ، ﺳﻜﺖ ﻣﺴﺎﻓﻪ

ﻗﻠﺖ ﺍﻟﻨﺎﺱ ﺩﻳﻞ ﻣﺶ ﻋﻠﻲ ﺍﺳﺎﺱ ﺍﺻﺤﺎﺏ ﺍﺑﻮﻱ !!!!!!!!! ﻃﻴﺐ ﻟﻴﻪ ﺑﻌﺎﻣﻠﻮﻧﻲ ﻛﺪﺍ

......

 ﻳﺘﺒﻊ ...