Breaking His Defenses (COMPLETED /raw version Published under PHR)

Part 16

HALOS isang drum na siguro ng iba't ibang cookies ang nabi-bake niya. She needed to divert her attention to something productive kung hindi ay sasabog na siya. Her day just started like hell.

"Excuse me, Ma'am Patti." Tawag ni Zenny sa kanya. "May nagrereklamo po na customer sa labas. Gusto raw kayong kausapin."

Gayong mainit ang ulo niya ay may dumadagdag pa na customer na problema. She makes sure that their services are of the best. Naiinis din siya dahil laging wala si James dahil na rin sa marami itong ibang negosyong inaasikaso.

Lumabas siya at saka itinuro ni Zenny ang isang babaeng nakaupo sa may gitnang table ng pastry shop. Napaka-sophistacated ng dating nito. At naka-shades pa!

Ano naman ang magiging reklamo nito?

"Good morning, Ma'am. I am Patricia Salgado, the chef of this pastry shop. How can I help you?" Magalang na bati niya sa matandang babae.

"Isa lang naman ang reklamo ko Miss Salgado. Bakit hindi mo sinabing nakauwi ka na?" Pagkasabi ay inalis nito ang shades na suot.

Namilog ang mata niya sa nakita. "Tita Beth?"

"Patti!" Tumayo ito at agad siyang niyapos. Niyakap din naman niya ito ng mahigpit.

"Na-miss kita bata ka! Bakit hindi mo sinabing nakauwi ka na?"

Matatanggap ba nito kung sasabihin niyang ayaw lang niyang malaman ni Simon na nakauwi na siya kaya hindi siya nagparamdam agad?

"Naku. Katatayo lang po kasi nitong pastry shop kaya busy po masyado, Tita. Pasensya na po."

"Kung hindi pa sinabi sa akin ni Simon na nakauwi kana, hindi ko malalaman."

Yeah right. The gym incidence.

Muli siyang humingi ng paumanhin rito. Kinuwento niya ang nangyari sa kanya sa Hawaii at sa California. Pati ang pag-aasawang muli ng Papa niya at ang pagiging model ng Ate Portia niya sa New York.

"Kaya ikaw naman umuwi dito sa Pilipinas para magnegosyo?"

"Ganoon nga po."

"Sabi ko na nga ba't magiging magaling ka na pastry chef. Nakita ko na ang skills mo dati pa."

"Salamat po sa inyo dahil kayo ang nagturo sa akin."

"Masaya ako dahil, just like Simon, sinunod mo ang passion mo."

Ouch... The sound of his name hurts, Tita. Mabuti na lang at walang ideya ito kung anong pinagdadaanan niya ngayon dahil sa anak nito.

"Masaya din po ako at naging pastry chef po ako."

She let Tita Beth into their VIP room. Doon ay inasikaso niya ito nang mabuti.

"Grabe. Ang ganda nitong pastry shop niyo ha?"

"Salamat po. Magaling din po kasi ang business partner ko dito." Sabi niya habang inilalapag ang ginawang Cocoa Almond Cake sa mesa. Isa ito sa bestsellers nila at nais niyang matikman ito ni Tita Beth. "Kaya tikman niyo po itong gawa ko. Sana magustuhan niyo."

"Oo nga. Akin na nga 'yan at nang matikman natin."

Hindi mapigilan ni Patti ang kabahan sa magiging reaksyon ng Tita Beth sa gawa niya. Isa kasi itong mentor para sa kanya.

"Patti! Ang sarap nito. Chef na chef ka na talaga!"

Masayang masaya siya sa narinig. Coming from her idol in making pastries, talagang nakaka-proud ang sabihan ng ganoon.

"Salamat po, Tita!"

"Mabuti ka pa, Ma, at kinausap nito."

Holy sh... Someone just barged in the VIP room and startled the hell out of her.

"Anak!" Bati ni Tita Beth kay Simon.

Gulat man ay hindi niya nagpahalata. Simon is smart and catches up easily. Ayaw niyang makita nitong affected na affected siya sa presence nito. Kahit pa ang totoo ay tila bomba itong sumabog sa harapan niya ngayon. He's just wearing a fitting polo shirt and knee length short pants pero nag-uumapaw ang sex appeal nito.

Damn it! Sinisira mo ang focus ko, Simon.

Pilit niyang inalala ang nakita nitong umaga upang paalalahanan ang sarili. Hindi na niya dapat gustuhin pa ito dahil may mahal na itong iba.

Simon stooped down to give his mom a kiss on the cheek. "Kasi last time, nang gusto kong kausapin ang chef dito, ayaw akong harapin." Simon sounded as if hurt about that incident.

"Talaga Patti?" Baling sa kanya ni Tita Beth.

Ano ba? Ilagay ba ako sa alanganin agad?

"Masakit talaga ang ulo ko nu'n. Medyo pagod kasi." Hindi niya ipinahalata ang tension sa loob niya. She wanted him to see that she's just fine around him. Just like she promised him before.

"Gusto ko lang naman sanang malaman kung bakit familiar masyado ang lasa ng cookies niya. Kaya pala..."

Kaya pala ano Simon?

"Kaya masarap anak. Naku Patti, pwede ka nang mag-asawa." Bulalas ni Tita Beth na ikinasamid niya. She was having a taste of her work too when the older lady mentioned the forbidden topic.

"Paano naman po napunta sa pag-aasawa ang usapan. Siyempre, trabaho ko po ang gumawa ng masarap na pagkain." She tried to sound so mature as possible.

"I heard Mika is married. Diba magkaklase lang kayo? It might just be fine for you to get married too, right?" Pukol na tanong sa kanya ni Simon. Gusto na niya itong gripuhan sa hawak hawak niyang tinidor.

She gazed up to him who is now seated in front of her. Nakatitig ito sa kanya na tila hinihintay ang sagot niya.

"I...am... busy with my career. Ganito na talaga ang mga babae ngayon. Eh diba magka-age lang din tayo, Simon? Ba't hindi ka rin married?"

Nais niyang batukan ang sarili sa sinabi. Nagpadala kasi siya sa emosyon niya. She should have chosen her words carefully. Now, she's at her feet hoping Simon would answer something that she could tolerate.

"At least, I have a girlfriend."

Ouch! That literally hurts. Bakit ba hindi siya nag-iisip? May Rebecca nga pala ito.

Isa pa, sa tono ng pananalita nito, para bang siya ang walang lovelife.

Eh wala naman talaga.

Nagbabadaya tuloy bumalik ang mga luhang iniyak na niya kanina. Alam naman niyang may girlfriend ito. Hindi na sana siya nagtanong pa.

Pero huli na ang lahat. She has to retaliate. Kailangan ipakita niya rito na nakapag-move on na siya. "Who says I don't have a boyfriend?"

"Talaga Patti?" Tila nasosorpresang tanong ni Tita Beth. "Ipakilala mo siya sa akin at kikilatisin ko."

She couldn't pay attention to Tita Beth dahil ang mga mata niya ay nakatutok sa reaksyon ni Simon. Finally, he opened his mouth and spoke. "Really? Sino siya?"

"He... is..."

Dialing 911... this is an emergency! Give me a name! Now na!

"He is... James... my business partner."