THE PLATERO TRILOGY BOOK 2: LOTUS' CHAIN BROOCH(UNEDITED VERSION)

CHAPTER ELEVEN (FINALE)

"Good evening, Detroit! Who wants to rock and roll?!"

Nagsipaghiyawan ang lahat ng tao ng isigaw iyon ni Jill. Ah, Jill never failed to excite the audience. Halos hindi magkamayaw ang mga tao at kahit labis siyang nagagalak sa nakita, alam niyang mayroon pa ring malaking pagkukulang.

Walang Xavier na susuporta sa kanya. Alam naman niya ang bagay na iyon kaya gayun na lamang ang kalungkutan niya sa puso. Gayunman, pinilit niyang ituon ang lahat ng atensyon sa comeback concert nila. The moment Jody made a signed through her drumstick, they all began to rock and roll.

Nag-concetrate siya sa pagtugtog hanggang sa pawisan na silang lahat. Napangiti siya ng makita ang satisfaction sa mukha ng manonood. That satisfaction made them satisfied too. Iyon ang isa sa numero uno nilang misyon, not to just to perform but to please the audience too.

"Ayos lang kayo?" tanong ni Jill sa kanila. Tumango siya matapos inumin ang mineral water niya. She was sweating a lot but she didn't care. Inalis na rin niya ang hood ng jacket at natawa siya ng magsipaghiwayan ang mga manonood. Cameras began on flashing. Tawang-tawa siya. Hindi naman niya sinadya ang ganoong istilo pero doon kasi siya mas kumportable.

"Ikaw? Ayos ka lang?" anito saka napangiwi. "Who knows? Nanonood pala si Xavier at ganyan ka ka-bruha? Ano ba 'yan!"

Tumalon ang puso niya at napatingin siya sa mga manonood. It was so crowded and it was really hard for her to see him! Nang tingnan niyang muli si Jill ay kumaway lang ito sa manonood at bigla siyang nadismaya. She was clearly teasing her!

Muli silang tumugtog at panay ang buntong hininga niya. Suddenly, the idea of Xavier might be in the audience made her heart beats so fast. Hindi niya alam kung ilang oras na siyang ganoon hanggang sa pinagalitan niya ang sarili. Malabong mangyari iyon. Baka nga nagalit na rin ito sa kanya dahil wala na nga talaga itong kasalanan, siya pa itong mayabang.

Nagpatuloy na lamang siya sa ginagawa at hanggang matapos iyon ay walang Xavier na lumapit sa kanya. Pagdating sa backstage ay pinapunta naman sila sa area kung saan sila maaaring makasama ng ilang fans para magpa-picture at authograph. Mungkahi iyon ng sponsor nila para mas maging intense daw ang pagbabalik nila.

Pero walang Xavier na dumating! Letse! Nabubuwisit na siya sa sarili niya. Minabuti na lamang niya ang sariling tawagan ang ama para kumustahin. Napangiti na siyang tuluyan dahil nakabawi na ito sa dialysis nito. Nangako na lamang siyang agad na maghahanap ng donor para rito.

"Let's go to Booze Republic. Everyone is waiting," ani Liz at agad na silang prinotektahan ng mga bouncers para isakay sa private service nila.

"But I have to go to New Jersey," angal niya at agad na tinawagan ang contact niya sa isang ospital doon. Mayroon daw batang nabangga at kritikal ang kondisyon nito. Kinausap daw ang mga magulang ng bata ng contact niya pero hindi daw pumayag na i-donate ang kidney ng bata kapag namatay ito. She was really willing to try to talked to them.

"Mamaya pa naman ang flight mo. Just say hi to our major sponsor, okay?"

Napabuga na lamang siya ng hangin. Alam niyang tama naman si Liz pero dahil it's-a-matter-of-life-and-death iyon ay hindi tuloy siya mapakali. Nakampante na lamang siya ng makatanggap ng tawag mula sa contact niya na pumayag ang mga magulang ng bata na kausapin siya.

Pagdating nila sa Booze Republic, isang exclusive bar sa Detroit ay agad silang inalalayan para makapasok. Tuwang-tuwa ang mga kasama niya at nagpatinanod na lamang siya. The bar was filled with all production crews at mga miyembro ng major sponsor nila. Halos mapuno na ang bar at mabingi na siya sa ingay.