حيدر :الو السلام عليكم سيدنا،
السيد : و عليكم السلام ابني شلونك ؟
حيدر :الحمد لله بخير تأمرني سيدنا .
السيد : اريدك انت و ولد اليوم تتوجهون لحي الجهاد (منطقة في غرب بغداد)راح يوصل رتل امريكي بي قائد كبير اريد همتكم لازم نلحق اكثر خسائر .
اريدك تتصل بناظم ترة دمرني ليش مدأحصلة
حيدر: اتوقع ماخذ عمر و رايحين زيارة هسة همة بطريق
السيد : الله يوفقكم بجاه ال البيت يا ابطال بس اهم شي،ميتأخرون
حيدر : لا سيد ميتأخرون همة راجعين ان شاء الله بس يوصلون نتوجه للمكان
السيد :قبل ساعة 3تكونون هناك حيدر معتمد عليك
حيدر: ان شاء الله سيدي
حيدر : يمة ابوية وينكم
الوالدان : ها حبيبي
حيدر : اني اليوم حروح لبغداد عندي شغل اخابر هسة الولد و نروح
الأم:و الله يا امي مدأشبع منك شغلك كلة ببغداد
حيدر:شسوي امي رزقي بعد هناك امري لالله
الأم : الله يحميك بجاه محمد و ال محمد و يرزقك بزوجة الصالحة و تفرحني بجهالك
حيدر : الله كريم يمة
حيدر: اتصلت بالولد فهمتهم الوضع و اتفقنة نلتقي و نروح للمقر مالتنة و نجهز نفسنة حتى نوصل بالوقت المحدد
اتجهنا للمكان المحدد و وصل الرتل بالوقت المحدد
ناظم : يا الله يا محمد يا علي حيدر اضرب
حيدر بديت اضرب و بدت المواجهات وصارت خسائر بجنود المحتل وبدة الضرب العشوائي من قبل قوات الاحتلال و اتصوبت ح برصاصتين رصاصة بصدري و رصاصة بيدي
ناظم : حيييييدر و لك خوية كوم
حيدر :ما بية شي بس خلي نحاول نغير مكانة قبل ميجون
ناظم : كوم خوية كوم
اعرفكم عن نفسي،اني ناظم العزاوي اصلي من ديالى و احد اعضاء اللواء صديق عمري حيدر هسة بعدين نسولف و احجيلكم عن نفسي لازم الكة مكان انقذ اخوية حيدر
ركبنة السيارة و ظلينة نفتر بالافرع دخلنة منطقة اسمها حي الجهاد تقع غرب العاصمة بغداد
ناظم : شفت ناس،و كلتلهم صاحبي مصوب بس مستقبلونة الناس،تخاف و الوضع من سيء الى اسوأ نخيت ال البيت يسهل امري و الكي الي يساعدني،و يساعد اخوية فتت بفرع عريض جانت اكو سيارة كاعد تطبق شاب طويل وكفت و كتلة ظل مصدوم
مازن : اخي وينة يا الله جيبة اخوية اني اختي تكدر اطلع الرصاصة و اطيبة امشي خلي نتدخلة
ناظم : تسلم اخوية
و ظهرت بطلتنة
تقى : و اخيرا اجة ميزو هههههه
ماما هذا مازن ويا ولد 2-و اتوقع واحد مصوب بي شي الله اليستر
تقى اهلا احب اعرفكم عن نفسي خريجة تقنيات طبية قسم تخدير و بحكم عملي ادخل عمليات و الدكتور الي اشتغل ويا معلمني بعض العمليات البسيطة و عندي خبرة صغيرونة شكلي متوسطة الطول رشيقة بيضة صاحبة عيون واسعة عسلية و شعري كلش طويل جوزي اني محجبة يكولون حلوة ها و اكو شغلة بالبيت يسموني صاحبة الزنود و مازن يصيحلي زنود الست طبعي محبوبة و لطيفة بس شوية عصبية اعرفكم على عائلتي والدي استاذ جامعي،بكلية الادارة و الاقتصاد و ووالدتي،موظفة بجامعة مخلصة بكالوريوس ادارة و اقتصاد ابوية و امي عاشوا احلى قصة حب و اتمنى يكون زواجي مثل قصتهم صارت اامور بحياتي قهرتني نسولفهة اثناء سرد القصة اني الصغيرة مال البيت و مدللة
اخوية الكبير مازن ابو قلب الطيب يحب يساعد العالم و ميفكر شنو النتائج و احتمال البشر مو زينين بس لان نيتة صافية مدري الله يحبة يطلعون الداير مدايرة اوادم.
نرجس اختي و روحي بالدنيا و مستعدة اطيهة نص عمري حتى اشوفها سعيدة و راح نسولفلكم قصة حبهة و شلون ساعدتها بكلشي
سامر و ما ادراك ما سامر هههههههههه حبيب قلبي و الخبيث مال بيت بس ملتهي بحالة و بشغلة و عندة شوية قساوة مو مثل مازن حنين
