الكاتبة ام النون
حيدر : كضيت الليل منايم افكر بيهة نمت وية صلاة الفجر و كعدت الصبح اريد اوصلهة
سمعت ضحكهم وية زيد صحت عادي اطلع
مازن :اي اطلع
حيدر : صباح الخير
الكل : صباح النور و تقى بعدهة زعلانة
كام زيد كرص تقى من خدهة
زيد : شبي الحلو زعلان منو مضوجة باس تقى من خدهة وباوع على حيدر
حيدر :نزلت راسي و عصبت
زيد : يلة عيني ريكينة حتى اطلع اريد اروح لاهلي اليوم
تقى :شنو مشبعنة منك ؟
زيد: 3ايام و ارجع شسوي يلة بدلي حتى اوصلج و باوعت على حيدر
حيدر : حسيت بي عرف احبهة بس كارهني و اني مجارعة اصلا
تقى :كلش،خجلت من باسني،زيد كدام حيدر و هو ممسويهة قبل استغربت من تصرفة
حضرتهم الاكل و صعدت ابدل
حيدر :اكلت عسريع و كمت
زيد :ها خوية اشو كمت
حيدر :الحمد لله شبعت
رحت فتت للغرفة دزيتلهة رسالة :شبي اخوج زيد هو يعرف شي ؟و ليش هو يوصلج مو اني دائما اوصلج ؟
تقى دألبس حجابي اجاني،مسج من حيدرجاوبتة : لا ميعرف و اخوية يريد يوصلني شتريدني اكولة لا حيدر يوصلني .
حيدر : ضجت من اسلوبهة بجواب بس هم صدك حجيهة
تقى :اتقصدت اكولة زيودي كملت
زيد : اي يلة .حيدر تعال خوية خلي اودعك لان رايح لاهلي
حيدر : الله و محمدو علي وياك حبيبي اتشرفت بمعرفتك
زيد: ديربالك عليهة هاي اختي اكطعة الي يأذيهة
حيدر خنزرت علية و بستة من الجهة الثانية : محد يأذي نفسة اني ابن عشيرة احافظ على الغريبة قبل الكريبة
و اذا الغريبة فاتت قلبي اتصير عرضي و اختك عرضي
زيد : ان شاء الله تكون كد حجايتك ابن الديوانية
حيدرعصرت ايدة : كدهة لتخاف و متصير لغيري عليت صوتي و باوعت علية و على تقى
اتشرفت بيك خوية و ان شاء الله نلتم من جديد بفرحة
زيد : ان شاء الله شنريد
يلة تقى امشي خلي نطلع
تقى : طلعنة اني و زيد عصبي قابض ايدة
تقى : شكو شبيك زيد . ليش هيجي وجهك احمر ؟
زيد : من شوكت علاقتج بي جاوبيني ؟
تقى : و الله ممسوية شي غلط
زيد : سألتج جاوبيني ؟
تقى : صارلنة اسبوعين اكثر شوية
زيد : تحبي ؟
تقى : اي مو بيدي و الله
زيد: شجنتوا تحجون البارحة يم المخزن و ليش جنتي تبجين ؟ ليش نزل دعموعج اذا يحبج هذا الحقير ؟
تقى : لتغلط عليه زيد . جان مفتهم الموضوع غلط و انقهرت .
اني هم غلطانة المفروض احجيلة
زيد : هالدرجة تحبي من شوكت انتي هيجي ضعيفة شسوة بيج هذا
تقى : احبة مو بيدي . عرف بسالفة الدكتور و عبالة جنة مخطوبين و اتخبل و غار عليه منك هو هم مو بيدة مو سهلة رجال ينضم عليه شي
زيد :من كثر حبج و عشكج اله كمتي تناقضين روحج اجة خطج
تقى اسمعيني هاي اخر مرة تلتقون بالليل يم المخزن صح بعد ما اشوفج بس خلي اهلج كدام عينج صح حبكم نظيف بس العالم مترحم
تقى : ان شاء الله
بوستة و صعدت الخط
الموظفين :هذا اخوج ؟
تقى : ههههههه صدك جنت ضايجة و ضحكتوني اي اخوية برضاعة و يومين و يسافرو هسة رايح لاهلة
الموظفين : ههههه الله يحفظة
اجتني رسالة فتحتهة
حيدر : من توصلين سويلي مسكول اريد احجي وياج
تقى :اوكي
وصلت للمستشفى و خابرتة
حيدر :رفضتهة و رجعت دكيت عليهة الو شلون صرتي ؟
تقى : الحمد لله احسن
حيدر : بعدج زعلانة علية ؟
تقى : ما ادري
حيدر : احبج اشتاقيت لضحكتج الي . شبي اخوج زيد ؟
تقى :شبي
حيدر :احجي الصدك خوما ضوجج بحجاية
تقى :البارحة شايفنة دنحجي بالليل ورة البيت و عاتبني
