الكاتبة ام النون
حيدر : وصلت لبيت عامر انصدمت صدك المرة حامل و دجيب
لك عامر انت صدك تحجي شلون نعرض حياتهة للخطر
عامر : لك انت شبيك هي مجرد وسيلة انوصلهة حتى نكدر نوصل لبيت عبد الغني،و مناك نتوجه
حيدر :اي شنو المكان ؟
عامر : معسكر تدريب يعني صيدة مو طبيعية
حيدر : بس اكيد مراقبة مو طبيعية
عامر : لتخاف مضبطين كلشي .المترجم كل الاحداثيات مطينة
حيدر : ها الجاسوس هههههه لذكرني بي صدك بلوة
يابة شكد مشتاق للاسلحة و اني نفسيتي زفت اليوم اطلع ضيمي بيهم
عامر : الله و محمد و ال البيت وياك خيرك ؟
حيدر : اليوم اهلهة من وراهم. إنحولت ابوهة مرة يرزل مرة يهدي حسيت روحي انربطت مرة على التوالي و مرة على التوازي
عامر :و بعدين ؟
حيدر : هاي الفترة اجيب اهلي و افضهة اما اخوها سامر اشتغلني على البارد بس و الله ممرتاحلة ورا سالفة
عامر : يعني يضرب اختة ؟
حيدر : لا ما عدهم هاي الفقرة الحلو بيهم ناس كلش راقين و مثقفين
عامر :الله يسهلك امرك و يرجعك بسلامة و تخطبهة
حيدر :و الله لو يكولون هسة ازوجهة و اخذهة ما عندي مانع متت
عامر :ههههههه اشو كلش حامي
ديلة اليوم نريد حماوتك على الامريكان بعدين اعقد و حولهة
حيدر :هههههههه شكد ادبسيز لك تعال
عمر : السلام عليكم
حيدر و عامر : هلة بابو فاروق الورد
عمر : يلة نتوكل وين المرة حضرتوا غراضهة نوصلهة ؟
حيدر : اي يلة خلي نتوكل
طلعنة وصلنة المرة و رجلهة للمستشفى و احنة وصلنة لبيت ابو عمار فهمنة الموضوع كلة و توجهنة كلنة طبعا السيد ويانة لان العملية جبيرة
حيدر : شنو هاي الاسلحة و اخيرا
السيد :اي الحمد لله اجانة دعم
حيدر : اليوم يومنا لعد
بدينة نضرب معسكر الاحتلال و بدت المواجهات صارت خسائر كبيرة عند المحتل و بدة الطيران الامريكي
عامر : لمينة الاسلحة و ما شاء الله جانت اكو سرعة مو طبيعة لحيدر
حيدر : عاااامر شدكول اوكع الطيارة لو لا ؟
السيد: لا مو وكتهة هسة نرجع للبيت
حيدر : دخلينة ؟
السيد : شكاعد ادردم كم مرة اكوللكم اني الي انطي الاوامر
حيدر : شحجينة براحتك سيدنا
انت تأمر و احنة انفذ
تقى : طلع حيدر ....
سامر وين رايح حيدر ؟
ادخلي
تقى 😢ترة ميصير هيجي اتسوون بية
مازن : شبيج ؟
تقى : حيدر مدري وين رايح ؟
مازن : السيد خابرة عندة واجب شبيج
روحي صلي و ادعيلة و اقري دعاء اهل الثغور همة بساحة معركة
سامر : محد مطلع عينهة غيرك
تقى : ترة خبلتني مرة تحن علية مرة تقسي،علية
سامر : بكيفي و طلعت الجكاير و رحت للغرفة تعالي وراية
تقى اهلة يعرفون هو يريدج؟
تقى : اي
سامر : و اختة صديقتج مو صارت ؟
تقى : اي هاي هم راح تحقد عليهة
سامر : لا بس امبينة اكبر من صف ثالث كلية
تقى : اي...و انت ليش تسأل ؟
سامر : مو كلتي بعدين اسولفلك التفاصيل و لازم اعرف الناس الي راح ياخذون اختي شنو
تقى : اي هي اكبر مني بسنة من جانت بالكلية سولهة مشاكل الحزب علمود علي و حيدر و.بطلت من الكلية
ياااا بس لا عجبتك ؟
سامر : ولي فوتي لغرفتج
فتحت التلفزيون
سقوط هاونات على معسكر ... و وقوع خسائر كبيرة بقوات الجيش الامريكية
سامر : الله يحفظكم صدك سباع
مازن : لك شفت مفلشي،للمعسكر يابة مي بارد و نزل على قلبي
تقى كمشت التلفون دزيت رسالة لحيدر
هلو حبيبي وين هسة انت ؟
حيدر هلو احنة يم دكتور عبد الغني
السبت ارجع احبج
تقى : ديربالك على نفسك
