صار الصبح كعدت تقى من النوم حضرت الريوك فاتت للغرفة الي نايم بيها حيدر شافت الجرح خاف اكو نزف طلع ماكو شي الحمد لله
حضرت الريوك لمازن و حيدر حتى من يكعدون يتريكون خطية منظرهم يقهر تريكت تقى و نرجس و بدلوا و طلعوا و اتفقوا نرجس تاخذ زمنية و تجيي للمستشفى طبعا دائرة نرجس قريبة على المستشفى الي اداوم بيهة تقى طبعا طلعوا و الوضع ميبشر بخير الامريكان بكل مكان و تصرفاتهم جنونية بشوارع اذا سيارة تكون قريبة عليهم يضربوهة و كان اتجاهم بجهة ابو غريب
هاي الاحداث 2004 بعد السقوط بسنة وصلت للمستشفى خابرت مازن و اطمأنتت على
حيدرو سولفتلة على الوضع كال لتخافين شوفي منو ميتلهم و ضحك مدار بال
صارت ساعة تسعة التقوا عمار و تقى
عمار : صباح الخير
تقى : صباح النور ..شلونهة النفسية اليوم
عمار : و الله اذا جبتيلي الي وصيتج عليه اتصير تمام
تقى : ان شاء الله بتسعة و نص يمنة
عمار هاي اختي و لان اعرفك شنو انت و منو انت دأقبل اسهللكم امر و اني اريد افرح بيكم و انتوا مو صغار
عمار : مكاعد افهم شتريدين ؟
تقى : تعرفني شريد اخطبهة و فضهة يعني يومية هاي السوالف معرفتهة
عمار : و اني محصل حق باطل
تقى : ههههههه طبعا لان تستحي و ماكو شي رسمي بس اويلي البارحة شلون اعترافات
عمار : ولج جنتي كاعدة انتي مجوزين فصعونة
تقى : ههههههه
عمار : اليوم اكافئة على الحجي الحلو الي كالتة البارحة و باوعت بمكر
تقى : شلون ؟
عمار : و انتي شعليج يلة روحي هههههههههه
صارت تسعة و نص رهمت تقى الكعدة حتى يحجون براحتهم نرجس كلش خجولة
عمار : جنت قريب من الصيدلية و شفت نرجس من دخلت كلش حلوة جانت طالعة ظليت اراقبهة اجة زميل يحاجي ممنتبه عليه بالة يم نرجس الي دخلت للمستشفى
اخذت تقى نرجس و باوعت لعمار و.ابتسمتلة يعني،امشي ورانة
دخلوا للغرفة و اجة عمار وراهم صار وجه نرجس احمر و نزلت راسهة و ابتسمت
عمار:السلام عليكم ... يلة ست تقى اطلعي
نرجس : هههه لا لتسوي هيجي بيهة
تقى : و شلون اعوف اختي بوحدهة
عمار و نرجس : ههههههههه لتخافين منسوي مكاسير
تقى : قطبت حاجبهة و طلعت اوكي اخذوا راحتكم
نرجس : ليش هيجي حجيت وياهة هسة اكيد انقهرت
عمار : و ليش تنقهر ؟ ترة اني وياهة مو بس زملاء اخوة و لوما عدهة ثقة بية مجان طلعت و سدت الباب علينة و احنة سادة اصليين منلعب بذيلنة ههههههه
نرجس : العفو مو قصدي لتزعل عمار
(بدلع و خجل كالتهة )
عمار : اني ما ازعل من زوجتي المستقبلية و لا اختهاههههههه
نرجس اني ما اكدر اسببلج احراج بس احب اكلج اني يشرفني اجي اني و اهلي لاهلج حتى اخطبج بس بالبداية يصير تعارف بيناتنة و اهلج يسألون هذا من حقج و حقهم بنسبة الي سائل و مكمل و متأكد من قراري و تعرفين بية اريدج و شاريج بس اتمنى اعرف رايح وجه لوجه مو اتصالات
نرجس بخجل : انت تعرف جاوبي عمار
عمار : و اريد تحجي و اباوع عليج و على عيونج
نرجس : موافقة و الله يجمعنة بالحلال ان شاء الله
كام من الكرسي البعيد و كعد بالكرسي الي صاير كدامهة
عمار : اريد اسمع الكلمة البارحة الي كلتهية وجه لوجه
نرجس تحس بخجل و وجهة راح ينفجر من الاحمرار
اوف منك عمار خليني اطلع و منزلة راسهة
عمار : ما اعوفج اذا متكوليهة و باوع بعيونهة
نرجس : اي اني احبك
عمار : باوع بمكر و كتف ايدة بس هاي قليلة بحقي و رفع حاجبة
نرجس :نزلت راسهة عمار اني ... وووو و الله دأستحي
عمار : اني اعشقج و انتي الهوا الي اتنفسة انتي هم مثلي لو حب بس،من طرف واحد و رفع حاجبة
نرجس : ليش انت شتكول ؟
عمار : اريد اسمع حجاية البارحة
نرجس :ذبلت عيونها اي اني اعشقك عمار و اتمنى الله يجمعنة
عمار خلي اطلع ترة قلبي راح يكوف
عمار : جبانة بس اتخبلين من تحجيهة احبج يا احلى هدية الله جابهة الي
نرجس : حجيك حلو و ما اعرف اجاوبك
عمار : ما اريد جواب بس رفعي وجهج اريد اشوف هاي العيون الحلوة
نرجس تنظر بخجل
هسة خلي نحجي بهدوء انتي تعرفين اهلي هسة حزانة بعدهة مطالعة السنة مال عمي بعد 3-اشهر و تطلع ان شاء الله
نرجس : الله ليشوفكم حزن
عمار : انتي براحتج تريدين احجي وية والدي و يصير بس تعارف لو تنتظرين السنة تطلع
نرجس : لا عمار عيب خلي السنة تطلع و الله يسهلهة اني موجودة وين طايرة
