#احيتني_رصاصة
الجزء العاشر
الكاتبة ام النون
تقى : كعدنة الصبح و خبصة البيت و تحضيرات و تنظيف متنة تعب او بالاحرى اني متت تعب لان مو مال اخلي نرجس اتنظف و اليوم المشاية جايين عليهة
مازن : تقى تقى
تقى :ها ها اجيت
مازن : حضري الريوك لان حيدر عندة دوة
تقى :بس اكمل ترتبيب غرفة الخطار
مازن : عسريع
تقى : اي خلصت ثواني .
جهزت الريوك الهم و صحت مازن ياخذة
حيدر : اليوم مدخلت الصبح تقى علينة و البيت كلة مخبوص مدري شبيهم
و لو تدخل مني بس اشو اليوم مخبوصين خوماكو شي ؟
مازن :لا ماكو شي كل الخير اليوم جايين مشاية لأختي
حيدر:انعصر قلبي و بديت اضرب الوان و صرت اعصاب اذكرت عمار الي حجت ويا بتلفون و نفس الوقت هي مرتاحة وياية حرت و ما اعرف شسوي اتمنيت اكون ابن عمهة و انهي عليها و مصير لغيري .
طلع مازن من الغرفة و كمت اركع بالغراض و حسيت الناس،كاموا يجون
مازن : ها رتبتوا كلشي ؟
تقى : اي رتبنة
مازن : اشو انتي عالكتهة خاتونة بالمكياج عبالك انتي العروسة
تقى : هههههه ماكو احد بس نسوان
مازن : اروح على حيدراصعدة للغرفة مالتي
تقى : اوكي اخذوا راحتكم
تقى :كلت فرصة حتى من اسمع اقتربوا اطلع حتى اشوفة اليوم مشفتة بس،حسيت صعدوا دأطلع من الغرفة نرجس صاحتني
نرجس :تعالي تقى بس ساعديني هذا شعري خبلني
تقى : تعالي ارتبة كملت شعرها و مشفت حيدر و ضجت
نرجس: شبيج وجهج عنفص خيرج؟
تقى : ما بية شي خلي ننزل
حيدر :صعدت فوك بغرفة مازن ادور وين غرفتها مكدرت اعرف 3 غرف و مسدودة الابواب ظليت الوب ما اعرف شسوي بقيت اباوع على الناس الداخلة من شباك غرفة
مازن انصدمت سيد عبد الغني و ابنة عمار صرت اعصاب معقولة الولد الجاي عليهة دكتور عمار و هو نفسة الي جان يحجي وياهة بتلفون . زين ليش جانت اتبين الي هي هم معجبة بية و خوفهة البارحة و فرحتهة برجعتي شنو ؟ اريد افتهم اني مخبل لو شنو
صرت اعصاب ما اعرف بشنو اطلع عصبيتي شلعت الضماد مال عملية بقوة و بدة ينزل دم اتأثر الخياط كلش اتأذيت
مازن دخلت شفت وضعة اتخبلت :هاي ليش هيجي مسوي خلي اصيح تقى
حيدر :عوف البنية خاف مخبوصة هي مال تحير بية هسة
مازن : بشنو حايرة خلي تجيك لعد انبقيك هيجي
مازن :صعدت فوك اخذ هوياتي انصدمت بحيدر شايل الضماد و متأذي و هو حالتة مو تمام
مازن : تقى تقى تعالي
تقى : شكو خير شبيك ؟
مازن :حيدر موخر الضماد و دينزف اصعديلة
تقى :ليش ؟ خلي اخذ المستلزمات الطبية وياية
عفت الكعدة كلهة و صرت نار و فكري يمة لان مصار خياط جرح صار فلم هندي و اعصابي صارت نار
تقى دخلت فتحت الباب بدون ما ادكة و شفت نازل دم شوية : شكو شبيك ليش هيجي ؟
حيدر بعصبية : متعرفين ادكين الباب ؟
تقى :اسفة بس مازن اجة علية كالي متأذي و كلش خفت عليك . ليش هيجي شتيأذيك ؟
حيدر : اشرت على صدري
تقى : مفتهمت شي تعال اتمدد على الفراش
حيدر : اباوع عليهة طالعة اجنن لا اراديا كتلها اتحبي ؟
تقى : جان معصب علية كلش و سألت شتيأذيك اشر على صدرة و دخت من اسلوبة صدمني بسؤالة ؟
جاوبتة بنترة :نعم مدأفتهم شنو قصدك احب منو ؟
حيدر : الي جاي عليج منو يعني ؟
تقى : هههههههه ليش انت عبالك هذولة علية ؟
حيدر حسيت روحي فشلت : ليش عليمن انتي مو البنية الوحيدة لاهلج؟
تقى عيوني دمعت من الضحك : لا هاي فاتتك لعد. احنة بنات 2 و د .عمار رايد اختي الجبيرة و لتخاف ما اعوفك و سكتت و نزلت راسي الا اطيب
