الكاتبة #ام_النون86
السلام عليكم اليوم راح احجيلكم قصتي اني شاب
عراقي اسمي حيدر من اهل الديوانية من عائلة بسيطة مثقفة
واجهنة صعوبات كثيرة بوقت النظام البائد و اصعب
موقف بحياتي هو اعدام اخوية الكبير علي بتهمة
انتمائة لحزب الدعوة و طبعا مالة اي علاقة بأي
حزب لكن بسبب الحقد و الغيرةارضاء الحزب و موت الضمير
انتهت حياة اخوية هذا الشي،خلاني احط ابالي
لازم اخذ بثار اخوية مشت الايام و دخلت كلية هندسة
كهرباء و انتميت لمجموعة سرية ضذ النظام و اجهنة
صعوبات و يكتبون علينة تقارير و ننحبس و صديق
يطلعني الى ان اتخرجت لا اعرف شنو معنى حب
و لا اعرف اصارح بنية همي الاول و الاخيير
اخذ بثار اخويةمرت اربع سنوات الكلية كنت من
المتميزين و الاوائل والدي خاف علية بسبب التهديد من
قبل الفرق البعثية و اخر سجن كان تعذيبة رهيب هم
صديقي طلعني و ابوية سفرني خا رج العراق طبعا اثتاء سفري كنت اشتغل بمعامل بحيث صارت عندي خبرة بتصليح الكثير من الاجهزة و فتت معسكرات تدريبة على الاسلحة و اصدقائي العراقيين سموني القناص الشمري كلش استفاديت من سفري كونت نفسي بعدها صارت
2003و صار سقوط العراق من قبل القوات الامريكية
قررت ارجع للعراق و اخذ ثار اخوية لكن من رجعت
سبحان الله الله ميريدني اوسخ ايدي ابناس وسخة وصلت
لكيتهم مقتولين بطريقة بشعة من قبل الامريكان.
الحمد لله اتربيت على صحوة الضمير حتى لو كنت
متأذي و.ممستفاد هذا الشي مراح يوكفني ادافع عن
بلدي التقيت بجماعتي الي جانوا وياية بجامعة و عرفت مسوين لواء متكون من كافة اطياف الشعب و جان
القائد مالتنة سيد و مثقف عرفنوا عليه و سوالي اختبارات و انعجب بأمكانيتي بالاسلحة و انتميت للواء.
اني و مجموعة شباب سوينة هواية
عمليات ضد الاحتلال و جنة نلحق خسائركبيرة بقوات الاحتلال
فكري و حياتي جانت فقط ادافع عن بلدي و اشتغل بمحلاتي نسيت نفسي و حقي بالحياة بس معقولة فجأة
راح تتغير حياتي و افهم معنى الحياة راح اسرد قصتي
و ان شاء الله تنال اعجابكم .
ملاحظة صغيرة القصةمن الخيال لكن راح اسرد احداث حقيقية مر بيها البلد
