الكاتبة #ام_النون
راح انطي ملاحظة صغيرة : الاحداث الي راح اذكرهة من الخيال و الله ينصر كل شاب غيورالي يدافع على بلدة العراق من جميع الطوائف و الاديان
حيدر : طلعت من بيت ابو مازن قلبي معصور الله شاهد حبيتهم و جانت معزتهم من معزة اهلي رحنة بتنة بيت عامر جانت كعدت شباب و متونسين و ضحك و لا عبالك حيروحون للموت و اني صافن افكر بحياتي ورة متعرفت على تقى شراح يصير
الشباب :حيدر حيدر يمعود شبيك وين صافن ؟
حيدر بأبتسامتة : و الله دأفكر بهذا الوضع
عمر فلوجة و حاوطت ايدة رقبة حيدر و حط راسة على صدرة: علينة ابو الشباب و لك احجي شبيك ابو قلب الطيب همس بأذن حيدر وكعتك الطبيبة يكولون حلوة ؟
حيدر انصدم و ضحك : جوز من سوالفك عمر اني مو بحالك محد مديفهمني شلون راح نروح ؟
الشباب : على طريق كربلاء مندخل من بغداد
حيدر : شنو قابل الامريكان اغبياء طريق من كربلاء للانبار مسادي شبيكم انتوا
عمر : هسة انت شعليك يا ابن الناس . و العباس ابو فاضل نوصل و نرجع محد متأذي سوينة خطة محكمة محد يكدر يشك بينة
حيدر : بشرفك اذا افكارك هسة ارجع لبيت ابو مازن ؟
عمر : ولك ما عندك ثقة بيه
حيدر : هههههههه يعني مرات ما اثق
عمر : هسة اجيبلك الخريطة و افهمك الانبار مدينتي و اعرفهة شبر شبر
حيدر : شرحلي الموضوع كلة اقتنعت بي .
هذا الحجي حجيتة وية سيد عبد الغني و ابو كمال
عمر : اي و الله لتخاف ممسوي شي بكيفي
حيدر :صار الفجر صلينة و نمنة شوية و توكلنا على الله.
طلعنة بسيارة و الطريق كلة نقاط تفتيش امريكية و الوضع كلش سيء وصلنة تلاكينة وية نقطة تفتيش امريكية و الحمد لله
جانت لغتنة الانكليزية اني وعمر
كلش قوية
و استاذ.عمر سوالة مسرحية بحيث الامريكي لان قلبة هههه ههههه
حيدر : ترة انت ابليس شلون تكدر اتسويلك هيجي افلام ؟
عمر : احنة بوضع لازم حتى العدو نخلي يحن قلبة علينة بحيث نوصل لمبتغانة .
هاي معركة لازم نحمي الابرياء بأي وسيلة
هسة من تدخل اشوف الناس وشلون متبهذلة الفلوجة.
دخلنة للانبار كان مظهرهة مرعب دمار الحرب امبين عليهة
النساء و الاطفال يحاولون الخروج من المحافظة بس قوات الاحتلال ترفض خروج اي شخص
وصلنة لشيخ عشيرة بالانبار شخص كلش،محترم تلكانة بسلام جميل و كعدونة بالمضيف قدمونة القهوة العربية
الشيخ : يا هلا بيكم و هاي قهوتكم حتى نصحصح و نحجي
حيدر و الشباب : شكرا شيخنا .
الشيخ : بعدكم مشايفين شي من مضيف الشيخ خلي يصير وقت الغدة و نسمع الشكر الزين
عمر :هههههههه و الله شيخنة شكلك راح تخلينة ننطحل مثل كل مرة ورانة شغل شيخنة
الشيخ : اي ورانة معركة لازم يتغذون زين و احنة ولد اصول شتريدني اموتهم جوع
حيدر : متقصر شيخنة و ان شاء الله نكون عد حسن ظنكم انتوا اهلنة و هذا واجبنة
الشيخ : هاي الكاع كاعكم مثل ما هي كاعنة العراق امانة عدنة هو و شعبة و لازم منخلي احد ينجس هاي الكاع
حيدر : و النعم منك شيخنة
الشيخ:اكيد انت حيدر ابن الديوانية
حيدر : اي شيخنة اني بخدمتك
الشيخ :خادم ربك .كالولي عنك انت احسن قناص باللواء
حيدر : اي شيخنا هو اني
الشيخ :يعني اعتمد عليك يا ابن الديوانية
حيدر :انت تأمر و اني انفذ
الشيخ : بس يا شباب ترة شغلنة مو بس قتال لازم نسوي مخيمات لاهل الفلوجة الهاربين من القصف
حيدر :ممكن تحجيلي ليش هاي المعارك صارت اريد اسمعهة منكم مو من الاعلام ؟و منو هذولة الي يكولون همة مجاهدين صحيح هذولة القاعدة ؟
الشيخ :حقك ابني تعرف اي صح اكو مقاومة شريفة موجودة بالفلوجة و بكل مدن محافظة الانبار بس مع الاسف بسبب عدم السيطرة على الحدود بدوا يدخلون مجمعات مسلحة للبلاد بحجة الدفاع عن الاراضي المحتلة و تحرير الاراضي و هواية اكو ناس بدوا يصدقون كلامهم و يلتحقون وياهم
حيدر : مع الاسف هذا الشي ميبشر بخير
الشيخ :قول يا الله احنة ناس مؤمنين و لازم ننقذ ابناء بلدنة من هذا الطاعون
عمر :مع الاسف كثر الطاعون من الامريكان و الطاعون من دول الجوار
حيدر :تتوقعون راح نكدر نسوي شي ؟
الشيخ و عمر : ان شاء الله حتى لو شي بسيط على الاقل نحمي الاطفال و النسوان هذولة لا حول و لا قوة عدهم
حيدر :خلي نتوكل على الله بس اريد اشوف انواع الاسلحة الي عدكم
الشيخ :تفضل ابني
