الكاتبة ام النون
بيت دكتور عبد الغني
ابو عمار : بابا عمار وينك ؟
عمار :اي يابة جاي،
ابو عمار : اكول اليوم خلي،نروح بسيارة وحدة ترة الوضع مو زين
عمار : اي يابة براحتك
صعدوا بسيارة طبعا عمار جان يسوق السيارة
ابو عمار : هذولة الكلاب ولدين ....شوفهم شلون يضربون بسيارات العالم
عمار : اهدأ ترة احنة بلد محتل شراح تتوقع ياخذونة بالاحضان
ابو عمار : مع الاسف هو هذا وضعنة يصير
شوكت هذا البلد يخلص من الظلم
عمار : احنة بلد الخير تتوقع يتركون العراق بحالة . والله محميين ببركة ال البيت
ابو عمار : ان شاء الله
عبروا السيطرة الامريكية
ابو عمار بمكر : اي ابو ياسر حبيبي شلونك ؟
عمار : ها ابو عمار احجي شتريد ادكول هههههههه
ابو عمار : شنو فلم نرجس سولفلي عاجبتك البنية ؟
عمار : بصراحة يابة كلش،خوش،بنية
ابو عمار :شكد صارلهة علاقتكم ؟
عمار بدة يضرب الوان : شنو ؟
ابو عمار :شنو شنو ؟ترة اني مو ما افتهم و لتتوقع راضي على تصرفك مجرجر البنية تريد تشوفهة بالمستشفى
عمار :لا يابة مو هيجي الحجي
ابو عمار : لعد شنو الحجي ؟ تريد البنية ماكو داعي تلف و ادور احجي،وياية نسأل على البنية و نتوكل
عمار :اول شي اني سائل عليهة و متأكد اريدهة و ما ابدلهة بمية مرة ثاني شي دأنتظر تخلص السنة مال عمي و نروح نخطب البنية و اني حجيت وياهة و كالت مترهم مخلصانة سنة عمك و تجيني
ابو عمار : هذا الشي،مو حضرتكم اتقرروا
تعرفني هيجي امور اني الي اقرر و والدهة صديقي على الاقل تلبسون الحلقات و شي رسمي يصير بيناتكم
عمار : يابة انت تعرف احنة رأسا نكطع مهر
ابو عمار :لعد ابقيكم هيجي . علاقتكم بالحرام اني سيد عبد الغني الي اقرر و محد يناقشني .
ترة ليحدالان محترمك لتخليني اصرف وياك تصرف
عمار : يابة اني مو صغير و ممسوي شي يغضب الله
ابو عمار : مجرر البنية يشوفهة بالمستشفى و ركع تلفونات و مغاضب الله بلة علمني شنو غضب الله . اسمع كلش زين بعد عشر ايام نروح نخطب لبنية تعرف هاي الفترة ملتهي وية الوضع و عندي تصرف ثاني وية تقى
عمار : و تقى شعليهة عوف البنية
ابو عمار : لجاوبني و لتحجي ولا حجاية
وصلوا للمستشفى نزل السيد بعصبية سد باب السيارةو نزل عمار هم ضايج و معصب من كلام والدة.
تقى :كعدت من الصبح تريكت و بدلت و رحت لحيدر
تقى : صباح الخير
حيدر :صباح النور
تقى : شلونك اليوم ان شاء الله احسن
حيدر : و الله اكو الم حتى المسكن مديفيد خاصة من انام و اغير جهة نومتي
تقى : اي عادي ترة ورة اسبوع يلة تحس بتحسن اذا مو اكثر
حيدر :ان شاء الله . صدك عاشت ايدج على العشة كلش،طيب جان
تقى : الف عافية
حيدر : عادي اليوم اغسل لو لا
تقى : لا خليهة على باجر ميخالف اتحمل
حيدر : اوكي . انتظري شعرج شوية طالع
تقى : وين ؟
حيدر : مديت ايدي و دخلت شعرها الطالع بأصبعي . اسف
تقى بخجل : شكرا طلعت من الغرفة دخت ليش هيجي سوة و ليش معرفت اجاوبة و شنو شكرا اكولة ؟
رن التلفون : الو صباح الخير عمار
عمار : صباح النور وينج؟
تقى : و الله هسة حطلع من البيت هستوهم دكولي الخط خير شكو
عمار : و الله اليوم علكت بيني و بين والدي فحضري نفسج اليوم راح يستلمج محاضرة
تقى : اوكي خلي اوصل و الله كريم
حيدر : تصرفي جان بدون وعي شعرهة شوية طالع ضميتة كلش خجلت خدودهة صارت حمر كل متخجل اتصير احلى دك جهازهة واحد اسمة عمار كلش،ضجت معقولة هذا حبيبهة الي كاعد تحجي ويا
شبيك حيدر كلها اربع ايام دوختك هاي البنية شسوت بيك هاي الطلقة (الرصاصة)
دك التلفون
حيدر : الو هلو ناظم شلونك حبيبي
ناظم : الحمد لله شلون صرت ؟
حيدر :و الله يعني الالم مو طبيعي . البنية ادكول عادي 7 ايام و شوية يقل الالم و اذا التأم الجرح انشيل الخياط خلال 10 ايام
ناظم : الله يكومك بسلامة حبيبي .ما شاء الله عليهة تدري عبالي طبيبة
حيدر : لا مو طبيبة بس تدخل عمليات و معلمهة الطبيب الي تدخل ويا عمليات بسيطة مثل عمليتي
ناظم : اكولك السيد اتصل بية الوضع بالفلوجة مدهور يكول تروحين بس متضربون القوات الاحتلال الامريكية
حيدر : لعد شنو ؟
ناظم : خطية هواية ناس ديهربون من الوضع
حيدر : يعني دينزحون لبغداد و غير محافظات
ناظم : اي و المطلوب انساعدهم يطلعون من الفلوجة خاصة النسوان و الاطفال
حيدر : همة هذولة الامريكان و القاعدة يرادلهم حرك بالتيزاب هجولوا الناس الفقرة الله ينتقم منهم .
ناظم حبيبي هسة اخابر على السيد و نتفق شلون
مازن : صباح الخير
حيدر : صباح النور
مازن : يلة حبيبي تعال نتريك حتى اني هم اطلع للدوام
حيدر : كلش دأثقل عليكم و الله ما اعرف شلون اجازيكم اني غريب عنكم و اعتبرتوني مثل ابنكم
مازن :لتكول غريب احنة كلنة ولد بلد واحد و ترة انت متوصي عليك
حيدر : مدافتهم ؟
مازن : و لا اني جنت مفتهم والدي البارحة فهمني انت وية لواء د. عبد الغني
حيدر : اي
مازن : من اتصوبت خابرت على والدي و اتصل على السيد و كالة هذا من ابطال اللواء
و بالمناسبة د . عبد الغني هو الي مدرب تقى على العمليات
حيدر : سبحان الله شلون الدنيا صغيرة
مازن : سبحان الله بس مكلنة لتقى لان متعرف السيد وية هذا اللواء
حيدر : ماشي لتوصي حريص .
تقى وصليت للمستشفى
يوسف : صباح الخير يمعودة وينج د عبد الغني يريدج حرك الدنيا عليج
تقى :صباح النور هسة اروح بس اوقع
د.عبد الغني بعصبية : تقى وقعي و تعالي بسرعة لغرفتي .
تقى : حاضر دكتور
وصلت لغرفة الدكتور بخوف اول مرة احس بي بالاضافة الى الخجل و ما ادري شراح احجي خلي اتوكل على الله و هي تصفة (تنحل)
تقى :صباح الخير دكتور
ابو عمار بغضب (بعصبية ) : صباح النور دكتورة اكعدي .اي احجي
تقى بخوف و خجل : شحجي شكو دكتور ؟
ابو عمار لزم القلم و بدة يحركة بيدة : لتسوين روحج متعرفين يعني عمار مخابرج و كلج عاتبتة (بهذلتة )؟اني وياج مثل الاب و بنتة سولفي و لتخافين .
تقى : العفو دكتور بس اني مخايفة من شي راح احجيلك كلشي عمار من احتركت نرجس
و عالجهة اجة حجة وياية كال اريد اتعرف على اختج لان اريد اتقدمهة
ابو عمار : اي و حضرتج انطيتي رقم اختج و خليتهم يتحاجون
تقى : لا تقى ما عدهة تلفون
ابو عمار : لعد شلون جانوا يلتقون من قبل ؟
تقى ابتسمت : لا دكتور من تلفوني يحجون
ابو عمار : ترة انتي الشيطان بنفسة
تقى : لا دكتور لتحجي هيجي اني لان اعرف عمار انسان خلوق و محترم و.يخاف الله. تريدني ما افرح لاختي هيجي انسان يريدهة و معجب بيهة
ابو عمار : حضرتج انتي تكعدين تخططين و تحكمين هذا خوش انسان و يستاهل اختي و عمار خوش ولد و ترهمين كلشي الهم حتى ياخذون راحتهم و تجمعين راسين بالحلال و احنة تخلونة امام الامر الواقع
تقى : شنو دكتورهو واحد رايد الاخ ليش نحرمهم من بعض انت متريد اختي لابنك ؟
ابو عمار : لتحجين عن لساني كلام اني مكلتة و لا فكرت بي
تقى : اني سألت محجيت دكتور لتظل تعتب ترة محد بينة سوة شي غلط
ثنين يحبون بعض و ينتظرون سنة عمو جليل تطلع حتى يجي يخطب شنو الاشكال
ابو عمار : يريد ياخذ راحتة وياهة يدك الباب هذا الي اني عندي باعي هاي الفترة اني مشغول بالوضع بالبلد بس افرغ من شغلي نجي نخطبهة حتى لو بس حلقات
هسة خلي نتفق مثل متفقتي وياهم
تقى : تأمر دكتور
ابو عمار : انتي تحجين وية امج و اني اخابر والدج اتفقنة
و الحجي بيني و بينج محد يعرف بي لا عمار ولا نرجس ماشي،
تقى : اوكي دكتور . و اني اسفة على كلشي
ابو عمار : على شنو الاسف انتوا اتكولون مغلطانين و الي رتوا صار روحي لشغلج بابا و اليوم احجي وية امج و لتكول لوالدج ليحد ما اني اخابرة ماشي ان شاء الله بالليل اتصل بي او امرللكم
تقى بأبتسامة : ان شاء الله عمو . و نصير اهل مو بس اصدقاء النة الشرف نكون اهل و نسايب
ابو عمار : كتلج اطلعي روحي لشغلج هذا الحجي مو منج اسمعة من ابوج و امج و اخوتج
تقى :ههههه و الله ميلوكلك العصبية يلة صافي يا لبن
ابو عمار : هههههه شكد اقسي على ولدي و الموظفين وياج استسلم شنو السر الي بيج ما اعرف . يمكن الله حرمني يصير عندي بنية و تمنيتج اتصيرن بنتي
تقى بخجل : شكرا عمو . ان شاء الله نرجس اتصير يمكم و تصير بتكم و جيبلكم ولد و بنات
ابو عمار : اتمنى بنات ابو مازن كلهم يصيرون ابيتي بس شسوي الثانية متقبل
تقى : عفية عمو لتخجلني
ابو عمار : لا بابا اخذي راحتج بس اني احب احجي الي بقلبي و الله يرزقج بالرجال الي يسعدج و يحميج
تقى : من حجة هيجي صار حيدر ابالي و اذكرت تصرفة الصبح وياية اتنهدت و كتلة ان شاء الله عمو
طلعت من الغرفة و شفت عمار سويت روحي ضايجة مثل متفقت وية الدكتور و مشة اليوم و محجيت وية عمار لان اعرف نفسي اذا كعدت يم عمار كلشي احجي و لازم اكون
كد كلمتي و ما اخلف وعدي وية عمو ابو عمار
ابو عمار : طلعت تقى من الغرفة متت من الضحك لان صدك هاي البنية شخصيتهة رهيبة
دك جهاز ابو عمار
اهاااا حيدر
ابو عمار : السلام عليكم شلونك ابو كرار
حيدر : و عليكم السلام سيدنا الحمد لله على الله
ابو عمار : شلون صرت يحتاج امرلك اشوفك ؟
حيدر :لا سيدنا ميحتاج البنية ممقصرة بس،تعرف الم الطلقة (الرصاصة )و العملية
ابو عمار :انت بس التزم بالادوية حتى الجرح يلتأم بسرعة ترة احنة معتمدين عليك و دشوف الوضع من سيء الى اسوأ
حيدر : سيدنا ممكن افهم شنو هسة واجبنا شنو راح يكون دورنا بالفلوجة ؟
السيد (ابو عمار (
كلشي ما اريد منك هسة بس،اريدك ترتاح الوضع مخربط هسة دأنتظر عمر فلوجة يتصل هو يوصلنة صورة الوضع هناك
حيدر :و الولد ليش،رايحين ؟
السيد ابو عمار : هواية ناس دينزحون باتجاه بغداد و المحافظات لان القصف الامريكي كلش،قوي
حيدر : سيدنا اذا تحتاجوني اروح ما عندي مشكلة
سيد ابو عمار : الله كريم مو هسة وقتك انت ارتاح و لتتهور و تروح وياهم ناس ادكول ارهابين بنص العالم و يكولون احنة مقاومة و صايرة هوسة خلي،نفتهم شنو الفلم و ندخل
حيدر : الله كريم سيدنا هذابلدنا و واجبنا نحميهم
تقى : رجعت للبيت كلش تعبانة و حارة الدنيا اتغدينة و سولفت وية ماما على موضوع نرجس
تقى : ماما اليوم عمو عبد الغني سألني على نرجس و كال يريد يطلب ايدهة منكم لعمار .
ام مازن بعصبية : ليش يحجي وياج غير يحجي ويانة ؟
تقى : شبيج اخذتيني حاصل فاصل هو كلي احجي وية امج و لتكول لابوج هو اليوم لو يمرلة لو يخابر؟
بس خلال عشر ايام يجون يخطبون (يقرون الفاتحة )
ام مازن : ان شاء الله خير اتصير الموافقة و الله كريم
تقى : ماما انتي ام ادعي اتصير ترة عمار ميتعوض و لا عمو ابو عمار يتعوض
ام مازن : و الله يا ملعونة ما ادري ليش عندي احساس اكو شي ضامتة عليه زين تعالي ولج اختج تعرف ؟
تقى : ها اي انتي احجي وياهة
ام مازن فتحت عيينهة و رفعت حاجبهة : ها اني احجي هي وينهة ؟
تقى : فوك دأتحجي بتلفون .انتي هسة لتحجين شي وياهة خلي عمو يحجي وية بابا و الله كريم
الموضوع كلش تعبني و ابو عمار وصاني كلشي ما احجي بس لامي و ما اكول لنرجس،و عمار و هذا اصعب شي
نرجس،و عمار جانوا يحجون بتلفون و مديعرفون شنو ديصرف ابو عمار و مأخذوا لا حق و لا باطل من تقى
التقوا ابو عمار و ابو مازن
و ابو مازن كلش فرح من عرف عمار يريد نرجس لان صدك عمار ميتعوض و اتفقوا يجون النسوان (النساء:ام و عمات و خالات عمار ) حتى يشوفون نرجس
رجع للبيت ابو مازن و جمع ام مازن و البنات و سولفلهم
ابو مازن : اليوم السيد ابو عمار التقينة بمطعم و الله صارلنة هواية مملتقيين
ام مازن : اي شلونة خطية . شكد خوش،ادمي
ابو مازن : اي و الله صدك محترم و ابن اوادم و بصراحة اليوم طلب ايد نرجس لابنة عمار
نرجس كلش اتفاجأت و جنت خايفة خجلت كلش
ابو مازن : ها بابا شنو رأيج ؟
نرجس بخجل : براحتكم بابا الي تشوفوا صح يصير
ابو مازن : اسبوع الجاي او نهاية الاسبوع يجون النسوان يشوفوج ماشي باباتي
