حيدر : مدري شبيهم الليل كل جانوا مخبوصين و اني اريد انام بس شسوي اني ضيف عدهم امرلي لالله خلي اكوم اخابر اهلي احسن شي اشتاقيت لصوت امي و اختي
حيدر : الو هلو امي شلونج حبيبتي
ام حيدر : هلو امي متفهمني،شبيك طولت ؟ انت من شوكت هيجي اطول علية و متجيني
حيدر :و الله امي دشوفين الوضع مو مال ارجع الامريكان كالبين الدنيا بحدود بغداد
ام حيدر : امي اكو شي و الله بالي يمك ليش،متحجي ؟
تقى دخلت لحيدر :حيدر تحتاج شي منتبهت ديجي بتلفون
ام حيدر : شنو هذا الصوت يمك بنية ؟
حيدر : شكرا تقى ممحتاج دأحجي وية امي
ام حيدر : منو تقى ؟ شنو امي انت مزوج و مكايلنة
حيدر :لا يمة وين راح تفكيرج
ام حيدر : لعد شكو امي منو هاي ؟
حيدر : اني مصوب و عائلة اخذوني عالجوني و هاي بتهم عالجتني
ام حيدر : سلام قول من رب الرحيم ليش امي مكلتلي مو اكولك ممرتاحة انت متسويهة هلكد اطول ؟و هسة شلونك حبيبي
حيدر : الحمد لله بس تعبان ادعيلي،امي
ام حيدر : يمك البنية اشكرهة
حيدر :لا خطية من شافتني احجي بتلفون استحت و طلعت
ام حيدر : الله يسعدهة و يطيهة مرادهة
حيدر : ادعيلي امي محتاج دعاءج
ام حيدر :الله يسعدك و يحميك و يكومك بسلامة و يرزقك بالزوجة الصالحة
حيدر :يا رب امي احلى دعوة بهيجي وقت و تفكيري جان يم تقى
ام حيدر : امي اكيد انت زين ؟ تحتاج شي
حيدر : لا امي الحمد لله . اريد احجي وية رقية مشتاقلهة
ام مازن :ها ماما تقى اشو كاعدة هنا . حيدر راد شي ؟
تقى :ديحجي وية امه و اختة خطية يكمل و اشوف شيريد
ام مازن :روحي ماما انتي تعبانة اصعدي يم اختج و نامي
تقى : لا ماما خلي اشوف الجرح مالتة خاف يحتاج اضمدة اشو مرات دينزل دم ما ادري ليش
ام مازن : يحتاج اجي وياج ؟
تقى : لا ماما ميحتاج روحي ارتاحي انتي و.اذا احتاجيت اصيح سامر
فتح باب الغرفة حيدر : السلام عليكم خالة شلونج؟
ام مازن بوجهة البشوش المبتسم : و عليكم السلام امي شلونك خوما تعبان تحتاج شي ؟
حيدر حط ايدة على صدرة : تسلمين خالة مكفين و موفين وين الكة مثل دلالكم عبالك اهلي و الله شسوي ما اكدر اوفيلكم حقكم فتحتولي بيتكم و اني غريب عنكم
ام مازن : لا امي لتكول هيجي اعتبرني امك الثانية الله شاهد اول مشفتك متصوب فتت قلبي و عبالك اعرفك من سنين
حيدر : الله يخليج امي بس باجر اريد اطلع
تقى : وين تروح ؟
حيدر : اريد اروح للمحل مالتي
تقى : شنو محلك ؟
حيدر : محل اجهزة كهربائية و تصليحهة و محل موبايلات
تقى : شنو عندك محلين انت اديرها ؟
حيدر : اي الحمد لله . الله أمكنة نعمة من الله
و بصراحة خالة اريد اروح اشتري ملابس خوما اظل اخذ من مازن
ام مازن : براحتك امي بس متروح بوحدك مازن و سامر يروحون وياك
حيدر : ان شاء الله يوم (امي ) اصلا اني متفق بس مازن يكولي بعدك تعبان و اريدج اتقنعي
ام مازن مبتسمة :ها يعني تريدني واسطة
تدلل ابني ميصير خاطرك الا طيب
حيدر :تسلمين امي متقصرين
تقى : شلونك اليوم ؟
حيدر : الحمد لله
تقى : انزع التيشيرت خلي اشوف الجرح بدة يلتأم لو بعدة ؟
حيدر بصعوبة يحاول ينزع
تقى : اليوم ماكو مازن اكعد على الكرسي خلي أساعدك
ام مازن تحجي بقلبهة : يمة بتي شكد شغلج (عملج )صعب
حيدر خجلت من نزعتني التيشيرت و هي هم احمرت اخدودهة و امها تباوع جان موقف كلش صعب
حيدر منزل راسة : اسف يمة دأتعب بتكم وياية
تقى بصوتها الناصي الهاديء: تعبك راحة مدأسوي شي اهم شي دكومنة بسلامة و تريح قلب اهلك
حيدر : اي و الله امي اليوم عرفت متصوب اخاف احجيلهة و من سمعت صوتج انفتح التحقيق
تقى : هههه يااا اني اسفة بس لازم تعرف يعني شكد تريدها متعرف
تقى وخرت الضماد و نظفت المكان و حطيت ضماد جديد
تقى :بعدة الجرح مملتئم
حيدر :و هذا الشي عادي
تقى : اي طبعا عشر ايام اكثر بس باجر مو هم تبلل الجرح ديربالك
ام مازن : يلة امي اني اروح
حيدر : تصبحين على خير
ام مازن : و انت من اهل الخير
تقى :يلة اني هم كملت شغلي
حيدر : كامت من الكرسي لزمتها من زندها انتظري
تقى بعصبية : وخر ايدك حيدر شبيك اليوم
حيدر : اني اسف اليوم على الي صار
تقى :مصار شي و اسفة لان عيطت بوجهك
تصبح على خير
حيدر : اني الاسف و انتي من اهل الخير
تقى طلعت من الغرفة ادردم : ماكو هيجي يوم كلة مواقف سخيفة ربي عديهة على خير
حيدر : ثاني يوم طلعنة اني و الولد رحنة للمحلات اخذت ربح المحلات و اطيت رواتب العمال و رحنة اني و الولد اشترينة ملابس كلش اتونسنة مو بس اصدقاء حسيتهم اخوة رجعنة غسلنة و اتغدينة و عمو ابو مازن جان ويانة ذبيت حجاية اطلع من بيتهم خاف اسبب احراج الكم
ابو مازن : لتحاول اتفكر اكسر رجلك اذا حاولت تطلع من البيت و النسوان جوة و انت بهاي الغرفة شنو الاحراج بالموضوع صير زين و الله كريم
حيدر : ان شاء الله عمي
مرت 6 ايام بديت اتقرب لتقى و اكسب ثقتهة
حسيتهة هي هم تبادلني الاعجاب
تقى : بدة حيدر يتقرب مني و اذا انظل بوحدنة يحجي عن اهلة وعرفت والدة موظف بالمالية و امة معلمة و اخو علي من يذكرة ينقهر و اظل اواسي و عندة اخت وحدة رقية يعتبرهة مو بس اخت و صديقة روحة بالدنيا
حيدر :احلى 6ايام بحياتي من تكون بوحدة يمي ابدي الاطفهة بكلامي بس بعد هاي الايام خابرني السيد :الوضع بالفلوجة كلش مدهور
لازم تجي حيدر
حيدر : اي سيدنا تدلل
السيد : خابر ناظم و عامر يمرون عليك و ياخذوك باجر و ترة راح نشيل سلاح و حتى اذا الجرح انفتح اتخيطة تقى الك من جديد مو مشكلة البلد بحاجتنة ابو كرار
حيدر : تعرف مو ابالي الجرح و هذا واجبي ادافع عن بلدي ضد المحتل اني كرست عمري للوطن علمود الجرح راح اتعاجز
السيد : بارك الله بيك ابني و الله يكثر من امثالك
مازن : السلام عليكم حيدوري ابو كرار الورد
حيدر بتعب : عليكم السلام
مازن : شكو خيرك اكو شي ديأذيك ؟
حيدر : عادي اتعودت بس اليوم سيد عبد الغني اتصل بية
مازن : اي خير
حيدر : لازم نروح للفلوجة
مازن : شلون ادخلون حيدر انتوا مجانين بيكم شي ؟
حيدر : الله و ال بيت يوكفونة شنسوي هذا واجبنا
مازن : انتوا عجيبين تريدون اتذبون روحكم بالموت
حيدر : ليش هو اكو حياة و هذا وضع بلدك امريكان و ارهاب هاي سنة و هيجي الله الساتر من السنوات الجاية
مازن : الله الحافظ
حيدر : راح اتصل بشباب اشوف شلون يجوني و شلون راح ندخل ؟
مازن : عدكم احد يسهل دخلتكم ؟
حيدر : اي عمر فلوجة . احتمال بالليل نطلع
مازن :خلي تقى اشوفلك الجرج و تبدل الضماد
حيدر : من كال تقى تجي فرحت حتى اشوفهة لان ما اعرف راح اشوفهة بعد لو لا
اتصلت بالولد و ظلينة نسولف شلون راح نلتقي و جنت متخيل الدخلة حتكون من الفلوجة و الولد كالوا ياخذوني و اشوف الطريق
اتعشينة كلنة و مازن صاح لتقى حتى تجي اتشوف الجرح
تقى بأبتسامة : السلام عليكم
حيدر بلهفة و ابتسامة : و عليكم السلام
تقى : يلة انزع التيشيرت خلي اشوف النتاءج
اتقربت عليه و شفت الجرح : اي زين ديلتأم
حيدر صرت قريب عليهة : بس شكلج راح ترجعين اتخيطي من جديد
تقى : ليش ؟ انت بس ديربالك عليه
حيدر : تقى حروح للفلوجة
تقى بصدمة و دمعت عينهة : شنو يعني تريد اتذب روحك بالموت شبيك حيدر
حيدر : السيد خابر كال محتاجيني
تقى :هذا شنو من سيد ميعرف انت متأذي و بالكوة جرحك بدة يلتأم
حيدر : اش كافي و مسحت دموعهة .راجع و الله ماكو شي مية موتة طلعت منهة مراح اطلع من هاي؟
تقى : اسم الله لتحجي هيجي . ترجع بسلامة شوكت راح تروح؟
حيدر : اليوم الولد بالليل يجون ياخذوني
قبل حظر التجول انظل ابيت عامر و الفجر نتوكل بريني الذمة تقى خاف يوم ضوجتج
تقى : ليش انت شمسوي . اشو دخلت لبيتنة حسيناك من اهلنة و نضوج اذا انت ماكو
و هذا سيدكم راح يجي وياكم ؟
حيدر : هههه و الله ما ادري بعد بس الي اعرفة احنة الشباب راح نروح و راح تستقبلنة عشيرة
تقى : ياعشيرة ؟
