الكاتبة #ام_النون
حيدر : كطعنة مهر و التهيت بالبيت الجديد وية اهلي الصبح اروح للمحل و ارجع ارتب وية اهلي الشغلات الي ميكدرون عليهة امي و اختي و نتخابر اني و تقى بالليل
حيدر : هلو حبيبتي شلونج
تقى : هلو حياتي شلونكم كملتوا ترتيب البيت لو بعدكم ؟
حيدر : اي الحمد لله و هاي رقية فرحانة بالمطبخ
تقى : شكد حبابة رقية وردة و شكد تحبك
حيدر : هو انتي عندج سامر و اني عندي رقية
تقى : ههههههه الله يحفظ اخوتنة . شوكت تجينة مشتاقتلك؟
حيدر : ان شاء الله بعد يومين بس،عندي شغل معاملات البيت اكملهة اني،و والدي حتى من اجيكم اكون متفرغلج
و يوم الجمعة ان شاء الله نعزمكم للديوانية
تقى :صدك لو تدري شكد مشوقة اشوف البستان
حيدر : هههه فدوة للنزاكة . خلي ابالج تاخذين عباية راس وياج
تقى : اي عندي لتخاف
حيدر : ورة منرجع من الديوانية نبدي،نحضر لعقد المحكمة اوكي
تقى : اوكي حبيبي ان شاء الله
حيدر :يلة حبيبتي اني اروح انام تصبحين على خير
تقى :و انت من اهل الخير حبيبي
حيدر : كملنة معاملات البيت كلهة اني و والدي جان يوم كلش،متعب وية المعاملات
يابة اني راح اوصلك للبيت و اروح لبيت عمي ابو مازن
ابو حيدر : ها تريد تشوف تقى
حيدر : اي و الله يابة صارلي فترة مشايفهة
ابو حيدر : يلة حبيبي اخذ راحتك
حيدر دكيت على تقى : الو حياتي شلونج ؟
تقى : هلو حبيبي الحمد لله . شلونك اليوم ؟
حيدر : متت ليحد مخلصت المعاملات
تقى : الله يساعدك حبيبي
حيدر : انتي وين هسة ؟
تقى:كاعدة بغرفتي
حيدر : ماشي اني جاييج بالطريق اوكي اشتاقيتلج
تقى :هلا بيك هسة احضر نفسي و اكول لاهلي
حيدر : اوكي حياتي
تقى نزلت : ماما بابا وينكم ؟
ابو مازن : ها بابا
تقى : حيدر بطريق جاينة
ابو و ام مازن : هلا بي
تقى : اروح أحضر نفسي
حضرت نفسي بس اتأخر خابرتة
تقى : هلو حبيبي اشو اتأخرت
حيدر : تدرين بشارع العام و هذولة ديفتشون
تقى : حبيبي سد التلفون خاف يشوفوك و يأذوك
حيدر : هههههه عبرتهم اني اباب البيت افتحي الباب
تقى : فتحت الباب و اخذت كيس الحلويات منة (عادة عن العراقيين من يجي الخطيب لازم بيدة حلويات )ليش مكلف نفسك
حيدر : فوتي لتحجين زايد تريديني اجي ايدي فارغة للناس الي فتحولي بيتهم و اني بأصعب ظرف و فوكاهة اطوني بتهم وين بوستي
تقى : حبيبي الله يخليك النة بستة من خدة
حيدر : وين عمي ؟
تقى : بابا حيدر اجة
ابو مازن : هلو عمو شلونك شنو هاي،الغيبة ؟
حيدر : هلو عمي و الله ملتهي بالبيت و كملنة معاملات البيت الحمد لله
ابو مازن : مبررروك عليكم ان شاء الله عتبة خير
حيدر : تسلم عمي الله يخليك
ابو مازن : اني اترخص اخذوا راحتكم
حيدر : شنو عمو الولد مموجودين ؟
ابو مازن : لا و الله بعدهم
حيدر : بس ممكن احجي شوية وياك
ابو مازن : اتفضل ابني
حيدر : ان شاء الله يوم الجمعة عازميكم بمزرعتنا بالديوانية اجيكم الصبح اخذكم انتوا و الاهل و نتوكل
ابو مازن : اوكي ان شاء الله و ناخذ سيارة مازن هم لان جبيرة
حيدر : براحتك عمي . احسن حتى تطلع سيارتين
و ثاني شغلة اريد ابدي بمعاملات عقد المحكمة هاي الفترة
ابو مازن : اشو كلش،مستعجل ؟
حيدر : الحمد لله كلشي كامل ليش انطول عمي
ابو مازن : اوكي ابني اخذ راحتك و هي بعد مرتك شوكت متريدهة اخذهة
حيدر : شكرا عمي الله يخليك
ام مازن : شبيك اشو ضايج شحجة وياك حيدر ؟
ابو مازن : يريد يسوي اجراءات عقد المحكمة و الله ضجت اشو بناتي ميطولن بس يشوفوهم ياخذوهم شكلة يريد بنهاية الشهر يسوي العرس يكول كلشي كامل
ام مازن : هاهية هاي سنة الحياة
ابو مازن : شكد حلو تبجي و ادكول سنة الحياة تعالي تعالي احضنج صوجي حجيت اريد احد يواسني كمت اني اواسي
ام مازن : و الله مو بيدي
حيدر : تعالي مشتاقلج شلونج ؟
تقى : زينة بس تعبانة من الدوام
حيدر : مظل شي و تاخذين اجازة الزواج و ترتاحين
تقى : ليش شنو حنسوي ورة العقد رأسا
حيدر : انتي شوفي وقتج و الي يناسبج خلال هذا الشهر
تقى : انت كلش مستعجل
حيدر لزمتهة من حنجهة : يعني الي يشوف هذا الجمال مو من حقة يستعجل و مشيت ايدي على خدهة
تقى : بست ايدة احبك حيدر
حيدر : تعالي خلي احضنج
تقى : حضني قوي حسيت روحي راح افوت بضلوعة
و باسني من كصتي
حيدر : الله ليحرمني منج يا روحي
تقى : حبيبي شوية على كيفك احس روحي راح اتكسر هههههه
حيدر عضيت شفتي : اتعودي علية بعدنة بالبداية او انتي تعلميني شلون اعاملج ترة اني ممتعامل وية نسوان قبل
تقى : و هاي شلون اعلمك اووف امري لالله اتعلم
حيدر : حبيبتي . يلة تقى اني اروح
تقى : انتظر الولد هسة بطريق
حيدر : شايفة وضعية التفتيش مال امريكان
تقى : اوكي حبيبي اخذ راحتك
حيدر بستهة من خدهة و درت وجهي : لحظة نسيت شغلة بستهة من شفتهة و غمزتلهة
تقى : ابتسمت و وجهي صار احمر
حيدر : اموت عليج من خدودج اتصير حمر . فدوة للخجلان
مرت يومين و اجة يوم السفر للديوانية
مازن :سامر فضني كوم يلة
سامر : اوووف واحد يريد ينخمد عطلة يرتاح يروح للديوانية هسة مو اجوي هنا شنو هاي اللواكة
مازن : كوم عيب هذا نسيبك و هي تقى تريد تروح
سامر : اووف شكد لوكية كايم امرلي لالله
اكولك اهلهم هم يجون ويانة
مازن : لا بس يرجعون لان همة من البارحة هناك ديحضرون النة ليش،تسأل
سامر : يعني كل عائلتة هناك :
مازن : انت خبل شتريد كوم فضني .و الله وراك سالفة انت .
سامر : سبحت و بدلت و حطيت عطري
كملت يلة هاي تقى كملت
مازن : اي كملت ترة تصعد وية حيدر
سامر :هههههههه اي طبعا خليهم بعد صارت زوجتة شعلية اني
حيدر :وصلت سلمت على الولد .و شفت تقى جانت طالعة اجنن
همست بأذنها شنو هذا الجمال شنو ناوية اتموتيني
