تقى :مرت 3ساعات و موصلوا و اني قلبي نار عليهم و دكالجرس رحت على مازن
مازن :اي سمعت هسة طالع
تقى :اابوية و امي و مازن كلهم طلعولهم و رحت بدلت و لبست حجابي عسريع
مازن : تقى وينج تعالي حيدر ابد مو زين
تقى نزلت الدمعة من عيني و نرجس تباوع علية :شبي شكو هم مصوب ؟
مازن : بس الجرح منفتح و حرارتة مرتفعة
تقى نزلت عسريع محسيت بروحي و حضرت كل المستلزمات الطبية الي احتاجهة و صرت اعصاب و ادردم واحد مصوب و مجروح ليش ياخذوا وياهم
مازن :على كيفج هدي نفسج
تقى : وصلت يمة قميصة صاير قطعة مي قست درجة حرارتة مرتفعة صايرة 39 اتخبلت و خابرت على دكتور عبد الغني
عبد الغني : ها عمو اني هسة مشغول بعدين اتصلي
تقى :الشغلة مهمة متتأجل حيدر الجرح مفتوح و ملتهب و مرتفعة درجة حرارتة انطي ابرة و اعيد الخياط لو شسوي ؟
عبد الغني : اي بابا اضربي و انتظري نص ساعة اذا انخفضت اضربي بنج و عيدي الخياط اذا منخفضت لتسوين شي بس حاولي تعقمين الجرح و شوكت متنخفض بلشي بالخياط
تقى :ماشي دكتور تسلم
عبدالغني :ديربالج عليه هذا امانة و اي شي تحتاجين خابريني
تقى :لتوصي حريص
دخلت للغرفة و رحت علية فتحت دكم القميص و حاولت اسحبة و الافندية ديسولفون صرت عصبية :مازن ...عامر تعالوا ساعدوني انزعة القميص مو وقت سوالف دك تلفون مازن و طلع و حيدر بدة يهذي
عامر يباوع على حيدر : هاي مو وكتهة
تقى :عادي حرارتة مرتفعة تعال اتفرج بالمستشفى اتموت من الضحك على الحجي على الاقل حيدر يذكر اخو و اهلة
عامر :ذاكة اليوم حتى اسمج كالة يمعودة خاف اخوج يسوينة سالفة
تقى كلش خجلت :و شكال
عامر : اني مجنت موجود عمر ويااا و حجالي ميدري اني اعرف ديربالج عليه ترة حيدر خوش حيدر ماكو منة
تقى بخجل :الله يكومة بسلامة
عامر : اني اسف للتدخل بس هو حاجي وياج شي ؟
تقى : شلون يعني لا و الله ماكو شي اصلا من عندك سمعت و يجوز مريض و عادي يهذي لتشغل بالك
عامر : الي بي خير الله يقدمة
تقى بخجل و ابتسامة : الله كريم
عامر : دخلت تقى جانت ميتة خوف على حيدر و المشكلة تصرفاتهة فاضحتهة و كلنة نترت بينة و نزعتة القميص و ترجف عليه و الدمعة بعينهة اخر شي مكدرت اتكومها عاطت علينة ساعدوني و مسحت دمعتهة و اني اراقبها طلع اخوهة و بدة يهذي حجيت وياهة كلت على الاقل اذا تعرف هو هم يحبهة تهدأ من سولفتلها خجلت و بقلبي كلت عاشت ايدك على هذا الاختيار
تقى : حسيت بعامر يراقبني بس مكدرت اهدأ نفسي من شفت وضعة بعد مصار زين صارت حالتة للاسوأ طلعت عصبيتي بيهم و من شالوا حتى ينزعوا القميص نزلت دموعي و مسحتها و عامر انتبه بس مازن دك جهازة و طلع. و حجالي على حيدر ظال يهذي بأسمي خجلت و بنفس الوقت فرحت و حاولت ابرر بالموضوع بس اني فرحانة لان معناهة يبادلني نفس المشاعر
عامر : اني هسة راح اروح السيد يريد يجتمع بينة ما اوصيج عليه
تقى : لتوصيني بعيني اخليه بس خلي يكوم و جنت دأسولي كمادات حتى تنخفض درجة حرارتة .محروس الله و محمد و ال البيت وياكم
حيدر بديت اصحة على روحي بس كلش تعبان شفتها كدامي : اني وين ؟
تقى : انت يم تقى مو كلت راح ارجع اعيدلك الخياط و رجعتلي
حيدر : خيطتي ؟
تقى : لا حرارتك مرتفعة انتظر تنخفض و ابلش
حيدر بخجل : خوما بديت اهذي و اخربط بالحجي
تقى بأبتسامة : لا محجيت شي بس هواية ذكرت اخوك المرحوم
ها نشوف حرارتك ؟
حيدر : اي براحتج.
تقى :جبت المحرار و حرارتة
طبيعية . اوكي كلشي طبيعي ننتظر شوية نتأكد مستقرة و ابلش
حيدر : يعني شلون راح ابقة اخيط بهذا المكان
تقى : و الله اذا رادوك مرة ثانية اني اوكف بوجهم
حيدر ذابت عيونة : تخافين علية تقى ؟
تقى بخجل و منزلة راسة : اي 4 ايام ميتة خوف عليك
دخل مازن :ها ابو الشباب كمت ؟
حيدر :اي الحمد لله خوية .
مازن : ها تقى راح تبلشين ؟ هو ملتهب الجرج ؟
تقى :لا بس ليش هيجي حرارة عندة ما ادري
مازن : هسة مستقرة حرارتة ؟
تقى :اي راح ابلش هسة حضرت ابرة التخدير
مازن : شوية و راجعلكم ماشي
تقى : اوكي اخذ راحتك
ضربتة الابرة و نام استغربت اول مرة جنت اخيط الجرح و هو كاعدشكد لعد تعبان يا ربي احفظة
نظفت الجرح و شفت ماكو اي تلوث بالعكس كلش نظيف و الجرح بادي يلتأم بس مفتوح امبين شايل سلاح ثقيل اتوكلت على الله و بديت اخيط الجرح و كملت
مازن : اتأخرت عليج اسف و الله بس،مخبوصين بالدوام
تقى: لا يمعودمصار شي كملت بالعكس جنت محتاجة هدوء ترة كلش تعبت
مازن :و الله خوش خياط صايرة متمرسة
تقى :اي براس هذا المسكين الله يحفظة و يحمي لاهلة
مازن : اتعوديت عليه تدرين . تعالي ولج مشتاقلج اريد احضنج
تقى :رحت لحضن اخوية مشتاقتلة و ظليت ابجي و خالة راسي على صدرة
مازن :ولج شبيج ليش تبجين ؟ هياتة رجع ما بي شي شبيج كافي
تقى : و الله ما ادري هسة يلة ارتاحيت بحضنك حسيت روحي مخنوكة . احبك مازن الله لا يحرمني منك
مازن : حبيبتي انتي مو بس اختي انتي بنتي صح فرق 6 سنوات بس اظلين الطفلة مالتي و حضنتها قوي
حيدر :كعدت مغوشة الدنيا بس اسمع اصواتهم و الواحد اشوفة 3 يعني مازن 3 و تقى 3 هههههه
وينكم كعدت اشو انتوا هواية
تقى و مازن : ههههههههه يلة هسة تعدل عيونج البنج جان قوي مو مثل ذيجي المرة اظاهر
مازن : شسمسوية بي
تقى : و الله نفس الجرعة بس هو هالمرة امورة متخربطة مدري شبي
رحت قريب منة و ظليت احجي وياااا مرت عشر دقايق و بدة يشوف عدل
حيدر : اي و اخيرا رجعت طبيعي
تقى : تريد تاكل اجيبلك شي
حيدر بنظرة توسل و مثل الطفل : عندج شوربة او لبن ؟
تقى : اي بعيني عدنة تدلل بس احميهة حضرت الشوربة و اللبن و اطيتهة الة
مازن ... حيدر راح اروح انام ترة تعبت
حيدر : روحي الله وياج
طلع مازن وراية تقى ... تقى تعالي
تقى : شكو ؟
مازن : باجر يجون على نرجس و السيد وياهم زين شلون حيدر ؟
تقى : هو بغرفة منام الضيوف و بعيد عليهم
مازن : اي حتى لو اصعدة بغرفتي
تقى : الي اشوفة سوي اني بعد ما اكدر راح انام على روحي ورانة كعدت نسوان شايفهن شكد يحجون هههههههه
مازن :دروحي انتي قفلتي من صدك تصبحين على خير
تقى : انت من اهل الخير
صعدت للغرفة ظلينة نسولف اني و نرجس و نحظرالملابس و ترتيبات و نمنة من التعب
