الكاتبة #ام النون
تقى : كعدت الصبح ادور على حيدر ماكو داطلع من الغرفة طلع من الحمام جان غاسل و مزين كلش،حلو جان طالع
تقى بخجل : نعيما جنت ادورعليك صرت قريبة منة اهم شي مبللت الجرح
حيدر : اول شي صباح النور اخذتيني حاصل فاصل حتى ما الحك احجي هههههه لا و الله حتى تعالي شوفي نزعت التيشيرت شوفي ممبلل
تقى : تريد ابدلة الك هسة لو لا
حيدر : لا بقي لان راح اطلع هسة
تقى : وين تروح و انت تعبان
حيدر : للمحلات ترة من يوم اصوبت و المحلات بيد العمال صح همة خوش ولد بس مترهم بعد و الحمد لله صرت احسن من قبل مليت من كعدت البيت
تقى : الله يساعدك محبوس بالغرفة شلون متحمل ما ادري
حيدررفعت حاجبي و ابتسمت :و الله متحمل لخاطر فد ناس بس اريدهم يحسون بية شوية
حيدر : طلعت من الحمام شفتهة ادور علية كالعادة حجايتها مال طبيبات و خايفة على مريضها نزعت التيشيرت خجلت جنت متقصد احب اشوفها تباوع علية بخجل نزلت راسها و كالت ابدلة الك هسة اذا تريد
عرفت راح اطلع كلش ضاجت لان متريدني اتعب كتلها ضجت من كعدة البيت كالتلي الله يساعد شلون متحمل ؟ جاوبتها بصورة غير مباشرة علمودهة خجلت حسيتها بدت تحس بية و تريدني
تقى : خجلني من كال علمود فد ناس غير لو تحس و بدلت الموضوع لان ما اعرف شجاوبة
تقى :دتخابر على اهلك ؟
حيدر : اي يومية .... و كل مرة تسأل امي عليج تريد تسلم عليج و تشكرج
تقى : لعد ليش من اني يمك متتصل بيهة ؟
حيدر : تريدين اسلمين عليهة
تقى : اي
حيدر : بشرط اني اليوم اوصلكم للخطوط انتي و نرجس لان الوضع مخربط كلش
تقى : اي بس لازم ادكول لبابا و.ماما
حيدر : اي اكيد يلة بدلوا حتى نطلع
اتفقت وية عمي اطلع وياهم لان جان اكو تفتيش قوي من الامريكان
ابو مازن : اي بابا انت اطلع وياهم لان الولد اليوم نايمة عليهم طابوكة
حيدر : هههههه اعتبرني مثل ابنك لتخاف عليهم و ترة وصاني ابو عمار على البنات قبلك
ابو مازن : هههههه هو يحبهم لان ما عندة بنات و تدري شكد قاسي وية ولدة بس يلين يم تقى و يكول لو بيدي اخذهة لواحد من ولدي بس هي متقبل و درت وجهي و عفتة
حيدر :كلش ارتاحيت من اشوف ثقتة بية و هو يتوسل بيه ابقة يمهم بس كتلة اوصل البنات معارض بس ضجت من كال ابو عمار يتمنى ياخذ تقى لواحد من ولدة ظل ساكت وراهة كال هي متقبل و عافني صاح البنات
ابو مازن : اتقصدت اذب حجاية ابو عمار رايد ياخذ تقى لواحد من الولد انخطف لونة و ضاج رغم كعداتي قليلة ويا بس بحكم عملي استاذ جامعي اكدر اعرف نقاط ضعف كل شخص و جانت ملامحهة امبين عليهة العصبية من حجايتي
تقى : نزلنة اني و نرجس،و طلعنة
حيدر : اريد اروح هاي الفترة للفلوجة و اهلي
تقى قلبي كام يوجعني و الم بمعدتي صار : و شكد اطول ؟
حيدر : ما ادري و الله
تقى : اهلك ميخالف فلوجة لا .
حيدر : نروح انودي مساعدات و نرجع
و حتى عمر هو الي يدخلنة ماكو شي يخوف و انتوا هم المهر مال نرجس حتى تاخذون راحتكم
تقى : 3-ايام و ارجع
حيدر : ما اعرف مشتاق لابوية وامي و اختي و اريد اتناقش،وياهم نستقر هنا رزقي كلة هنا شعندي باقي هناك
نرجس : تقى خطج اجة . يلة عيني مع السلامة اني هم خطي اجة
حيدر : الله وياكم محروسين
حيدر : ردت اطلع وياهة و افهمة بهدوءروحتي للفلوجة و لاهلي حتى مصير عصبية بشارع
جان ردهة كلش هاديء و بس عيونهة ذبلت و كالت اهلك اي فلوجة لا حسيتهة خايفة علية طمنتهة عمر يدخلنة ماكو شي يخوف
تقى : صعدت الخط و ظليت افكر شلون هاي 4-ايام احتمال ماكو و صح حجية هو يريد يشوف اهلة و نرجس المهر مالتهة واكفة يظل بالبيت و هو غريب علينة هو احنة سوينة الجذبة و صدكناهة ابن عمتنة
ظليت ادعي يا رب خلي يروح و يرجع من الفلوجة سالم
حيدر : رحت للمحلات اخذت الارباح و قارنتهة وية دفتر الحسابات جان يوم كلش،متعب الي و يوم عن يوم تزيد ثقتي بيهم انطيتهم رواتب و مكافئات كلش تعبتهم هذا الشهر
العامل : ها ابني اشو من وقت اطيتنة الراتب
حيدر :و الله شوية تعبان بعدني اريد اعتمد عليكم هاي الفترة و لازم ارتب وضعي اروح لاهلي بالديوانية
العامل :ترجعنة سالم ابو قلب الطيب
حيدر :الله عليك محتاج شي
العامل : الحمد لله نعمة من الله
حيدر : اذا تحتاج شي احجي حجينة ترة محل التصليح يشتغل ابركتكم و ما الكي،مثلكم
العامل : اكيد اذا احتاج اطلب منك انت مثل ابني و الاب امين يطلب. من ولدة
حيدر : الله يحفظك عمي الي اشرف احطك فوك راسي
كملت شغلي لساعة وحدة و رجعت لبيت ابو مازن و نمت من التعب
تقى :رجعت للبيت و رحت لغرفتة اريد اشوفة جان نايم امبين عليه التعب
حيدر : كعدت لكيتهة كدامي
تقى : مساء الخير صحي النوم
حيدر : ساعة بيش ؟
تقى : 4العصر هسة وصلت
حيدر : ليش شكو ؟
تقى : حاركين الدنيا الامريكان متخبلين اليوم
حيدر : رجعت بالوحدة و النص و الشوارع فارغة
تقى : الهدوء يسبق العاصفة عوفنة منهم شوكت راح تروح ؟
حيدر : باجر الصبح ان شاء الله
تقى : بس اطمني عليك مو مثل ذيجي الروحة
حيدر : اوكي عادي اخذ رقمج
تقى : اي ميخالف .
حيدر : دك التلفون امي . الو هلو يا ست الحبايب شلونج ؟
ام حيدر:هلو امي الحمد لله زينة انت شلونك شلون صرت ؟
حيدر : الحمد لله .امي تقى يمي تريد تحاجيج ؟
ام حيدر : اي جيبهة خلي اشكرهة
حيدر : تعالي تقى امي وياج
تقى : الو السلام عليكم خالة
ام حيدر :و عليكم السلام بنتي شلونج حبيبتي،؟
تقى : الحمد لله خالة اسأل عنكم
ام حيدر : و الله يا بنتي اشكرج لان عالجتي حيدوري و الله شكولج قليل بحقج
تقى : العفو خالة هذا واجبي و الحمد لله هسة احسن
ام حيدر : ديربالج عليه يمة هذا الي ظلي بالدنيا و اختة
تقى :خالة حيدر حاطتة بعيني لتخافين
ام حيدر : فدوة لقلبج بنتي اني اروح و سلميلي علية يا ام الصوت الحلو
تقى : شكرا خالة تسلمين
حيدر :وين راحت ؟
تقى : ودعتني و كالت سلميلي على حيدر
حيدر: هسة اني اخابرهة اتحارش بيهة . اريد فواكه حبابة ؟
تقى :اوكي هسة احضرلك ماعون
حيدر : حجت تقى وية امي عجبتني شلون مسيطرة و اتسولف حلو و كلش ارتاحيت من كالت احطة بعيوني . امي نهت المكالمة و محجيت وياهة ردت احجي،وية امي براحتي كتلهة هسة اخابرهة اتحارش بيهة و ردت بوحدي احجي وية امي اتحججت اجيبلي ماعون فواكه
حيدر : الو يمة شلونج حبيبتي اشو كملتي حجي وية تقى و رحتي ؟
ام حيدر : الو حبيبي هههههه لا حبيبي بس خلصت رصيد اليوم خالتك بس تحجي و خلصت رصيدي ابنهة مؤيد يريد يزوج
حيدر : صدك عالخير و الله مدأتصل بي تعرفيني كلش احبة هههههه
ام حيدر : و لك هذا ابن خالتك عيب هيجي تحجي لو ضجت لان حيزوج و انت شوكت تفضهة ما ادري
حيدر : ادعيلي يمة و الله رايدهة
ام حيدر : منو تقى ؟
اذا خوش بنية و حبابة اتوكل يا ابني اشو مهندس و الحمد لله خير من الله شغلك
حيدر : و الله يمة ماخذة قلبي و عقلي ادعيلي يمة اني راح اجيكم اريد اتفق بكم شغلة وياكم
ام حيدر : هلا يمة بيك تعال و الله كريم
حيدوري و هي رايدك ؟
حيدر : هي هم ميالة الي ظلت يم اهلهة ان شاء الله يوافقون بس ما احجي وياهة الا اضبط اموري وياكم
ام حيدر : ان شاء الله
حيدر : اني اروح اجتي تقى جايبتلي فواكة
ام حيدر : حتى هاي البنية شغلتهة
حيدر : ههههههههه اي و الله خطية مخبوصة بية
حيدر :صار الليل جابونة العشا و اكلنة اني و الولد كلنة سوة و كلتلهم راح اروح بس تخلص مهر نرجس ارجع
ابو مازن : و جرحك شلون ؟
حيدر : اي هي 4-ايام و ارجع تشيلة الخياط تقى .
عمي روحي طالعة اريد اشوف امي و ابوية و اختي مشتاق لريحتهم
ابو مازن : الله يساعدك ابني الي تريدة سوي
مازن : لك ارجع اتعودت عليك اتخبل من تطلع و هذا سامر 24-ساعة بشغل
سامر : ههههههه و الله لو بيدي اقابلك بس حكم شغلي بعد
حيدر :الله يساعدك و يسهل امرك
سامر : تسلم الله يخليك
حيدر :صار الليل الجو حار جهنم سبحت و اجتي تقى غيرت الضماد بوجود مازن
تقى : سلمت عليه و ودعتة و نصيت صوتي 3ايام و ترجع
حيدر : ان شاء الله . ارحميني هم اهلي مشتاقلهم
تقى : و جرحك شلون ؟
حيدر : ماشي دكتورتنة .
تقى :ابتسمت و كتلة اشوفك بخير
حيدر :صار الصبح اتعمدت هم اني اوصلهة حتى اودع تقى براحتي و ماكو احد لان نرجس ماخذة اجازة تحضر لمهرهة
حيدر : تقى صدك ابو عمار يريد ياخذج لواحد من ولدة ؟
تقى :ليش هو حجة وياك بهذا الموضوع ؟
حيدر : لا والدج
تقى :اي بس اني ما اريد .ليش ديحجي،وياك بهيجي موضوع ؟
حيدر : ماادري ليش حسيتة يريد يستفزني
تقى : يعني،حاس،اكو شي .اي بس احنة ممسوين شي غلط
حيدر : بس ابوج ابد مو سهل
تقى : بابا كلش طيب و يطي فرصة للواحد بس ماما احذرك منهة حاول تكسبهة
حيدر :مو مهم احد بنسبة الي انتي،اهم شي
تقى : شنو يعني ؟
حيدر : انتي،تعرفين شقصد ماكو داعي،احجي بالبندالعريض اذا اتقدملج تقبلين بهذا وضعي ؟
تقى : هاااا ما ادري
حيدر بعصبية : شنو متدرين
تقى : غير احجي وية اهلي
حيدر : ميخصني بأهلج . تقى اني،احبج افتهمي عاد ...وكتة
تقى :شكو ؟
حيدر: خطج اجة ؟ همة ثنين لاحكيني خطج و مازن
تقى : ههههه .ارجع من الديوانية و يصير خير .
حيدر : بس جاوبني تحبيني
تقى ابتسمت و اشرت براسي : اي
قبل ما اصعد كتلة توصل للفلوجة تتصل بية و من تطلع منهة تخابرني
حيدر : اني راجع احضر جنطة الملابس مالتي و عامر و ناظم يجون ياخذوني
تقى : سلملي عليهم
حيدر : و ليش عيني ؟
تقى : اني رايحة شكلي راح انكتل هههههههه
تقى :حجة وياية على بابا شسوة بي جانت اعصابة نار و ما اعرف شلون اصرف ويا مرة ابينلة اني مجاوبة ويا و موافقة علية و مرة من يحجي اثولهة و احاول اغير الموضوع او اكلة شنو يعني ؟صار عصبي خفت منة بس عصبيتة تخبل اتقصدت اريدة يحجي و يكول احبج بس حبيبي مصارحتة عبالك هو امر اللواء و اني جندي و ديأمرني بحبة و يكولي ميخصني بأهلج و ضاج لان اجة الخط و كال ثنين لاحكيني الخط و مازن عرفت حتى من اخوية يغار علية اتحارشت بي كتلة سلملي على ناظم و عامر عيونة كامت تجدح نار من الغيرة ضحكت و كتلة اروح راح انكتل و ضحكت
حيدر : موتتني مرات احسهة تحبني و تخاف علية من الهوا الطاير و مرات اثول المواضيع ضجت و كتلهة بعصبية اذا اتقدملج تقبلين بوضعي ؟كالت ما ادري صرت اعصاب كتلهة شنو متدرين جاوبت بأدب غير اكول لاهلي جاوبتهة بعصبية اكثر ميهمني احد بس انتي افتهمي احبج تحبيني
جاوبها جان يخبل حركت راسهة اي ارتاحيت كتلهة بهدوء راح ارجع اخذ جنطتي و اروح عامر و ناظم يجون ياخذوني اتقصدت اضوجني كالت سلملي عليهم و راحت للخط
تحب تستفزني مثل ابوهة
