Spoken Word

Sana nag condom ako

Disclaimer: This poem is just only for my entry for our HIV awareness under SanKa Production.

Ako'y nasasabik tuwing dumidikit
Ang balat mong naglalakit
Dahil sa init na nagmumula
Sa malalagkit mong titig

Hindi mapigilang hindi lumapit
Sayong mga bisig tuwing namamasid
Ang iyong mapupulang labi
Lalo na tuwing pagsapit ng gabi

Ako'y nauuhaw sayong mga hawak
Na nag-aasam ng mas malawak
Pero tila may gustong umawat
Sa kagustuhan kong nag-aalab

Sa bawat pasok mo't labas
Alam ko naman ang posibleng kalalabasan
Ngunit bakit hindi ko mapigilan
Ang paulit-ulit na tawag ng aking laman

Ito na nga ba ang sinasabi ko
Parang nilalayuan na nila ako
Ako ang tipo ng taong laging positibo
Pero ngayon hiling ko lamang ay ang resultang negatibo

Ang apoy na dati nating nilalaro
Ngayon ako ay pinapaso
Hindi dahil sa init na nagmumula dito
Kundi dahil sa tingin ng mga tao

May lunas man ngunit habangbuhay na ito
Kaya ang gusto ko lamang ay ang suporta ninyo
Sana wag niyo kalimutan ang katagang ito
Na sana nag condom ako.

-- J.E