صباح الخير
الكاتبة نازك الحمراني
البارت السادس
من سمعت امي ادورلي على طبيب نفسي انقهرت على روحي اني مو مخبلة حتى يدورولي طبيب نفسي كل احتاجة احد يسمعني ويصدك بية ويشاركني اشعر بي عيني دمعت ودنكت مسحتهه
كالت امي
ـ شبيج ماما ليش تبجين
ـ ماما اني ما احتاج طبيب بس احتاج احد يسمعني ويفهم الحالة الامر بيهه
ـ متلكين احسن من الطبيب النفسي يسمعج.. وحتى لو سمعتلج ماراح اكدر اقدملج شي لان ماراح افيدج
ـ عرفت امي مصممة على الطبيب دنكت راسي وجاوبتهه براحتج سوي التشوفي مناسب
ـ يلة ماما كومي اسبحي وتوضي وصلي وتعالي اتغدي ويانه ننتضرج
ـ ان شاء لله
راحت ماما وراسآ كمت وراهه دخلت الحمام سبحت على السريع وطلعت صليت بالهول يم اخوتي حتى لا احس بشي
صار العصر وماما اشرلتي راحت هي بدلت واني دخلت لغرفتي اريد ابدل رغم نفس الاصوات تنعاد عليه ونضرات الغضب بس لبست ملابسي وطلعت بالهول البس حجابي خلصت ماما واني خلصت وطلعنة رحنا الشارع الأطباء
وصفونا هناك طبيب نفسي على اساس كلش مضبوط
دخلنا بغرفه الأنتظار شفتهه كلش حلوه ومرتبة وكلها سيراميك واضائة قوية ونظيفه
وعلى جدارن الغرفه صور اطفال يبتسمون
واكو صوره بيها زرع ورود
و يمهن بوستر معلق مكتوب بي جمله عجبتني
(ابتسم فلحياة جميله")
بقيت أتصفن الهل جمله
الحياة حلو للأنسان الطبيعي
بس اني على شنو أبتسم
ألي دا أواجهه رعب كامل تام شي ميتخيلة العقل اني مو مجنونة واثقة داشوفهم واحجي وياهم واسمع اصواتهم واثقة الطيف يضهرلي راسآ وينضرلي بعيونة الخضر الغريبة والحلوة بنفس الوقت واثقة اشوف ام بركع واثقة القطه تجيني تريد تنتقم مني رغم ما اذيتهه شلت هم جبير شلون راح اوصل كلامي للطبيب وشلون اتفاهم وياه اكيد ماراح يصدكني مثل اهلي…
ماما كاعدة أتسولف وياية بس تأنبني و تاذيني بكلامها وكأنو الديصير بيدي مو فوق طاقتي
بس رغم هذا احس اني هماتين اذيتهم بحالتي..
ـ ليش ياماما ليش ياحبيبتي هيج صرتي هذيج الأيام شلون جنتي بيهه ورده مفتحه بس شوفي خيالج وين وصلج نبهتج يا امي لاتخلين الوهواس ببالج لان يسيطر عليج شسويلج بعد
جبتلج موبايل لحتى تلتهين وية صديقاتج وماكو نتيجه
جبتلج كتب وروايات تقرأين
ونفس الشي شسوي بعد شنو بيدي حتى انقذج من حالتج مالكيت غير الطبيب النفسي يابنتي أنتي كبرتي مو زغيره ترة عمرج عشرين سنه
يعني الوياج هسه ثاني كليه
وأنتي بعدج بلسادس ادبي
ليش ؟ لان انتي متأخره و كل مره أتأجلين بسبب قوقعتج على نفسج
وهسه متوقعه منج هل سنه همات تأجلين السادس
فكري بعمرج ياحور جاي يخلص على شنو لياهدف
أنت تقرأ
طيف عاشق
Mystery / Thrillerالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
